Лұқа 23:1-56 KZB2010 - Bible AI

¹Жоғарғы кеңесте жиналғандардың бәрі орындарынан тұрып, Исаны Пилатқа алып барды.

²Сонда олар Оны айыптай бастап былай деді:

²— Біз мына Кісінің халқымызды бүлдіріп жүргенін тексеріп, анықтадық. Ол Рим патшасына салық төлемеңдер деп үгіттеп, Өзін Мәсіхпін, яғни Патшамын, деп жүр! —

³Сонда Пилат Исаға: — Өзіңіз айтып тұрсыз, — деп жауап берді.

³— Сен Яһудилердің Патшасысың ба? — деген сұрақ қойды. Иса:

⁴Пилат басты діни қызметкерлер мен жиналған халыққа:

⁴— Мен бұл Адамнан ешқандай кінә таппай тұрмын, — деді.

⁵Бірақ олар одан бетер нығарлап:

⁵— Бұл Ғалилеядан бастап осы жерге дейін бүкіл Яһудея бойынша өз ілімін таратып, елді көтеріліске желіктіріп жүр! — деп айыптады.

⁶Пилат Ғалилея аймағы туралы естігенде: — Бұл Өзі ғалилеялық па еді? — деп сұрады.

⁷Осылай Исаның Ирод (Антипас) [1] билеген Ғалилея аймағынан екенін білген соң, Пилат Исаны сол кісіге жіберді. Өйткені Ирод та бұл күндері Иерусалимде жүрген еді.

⁸Ирод Исаны көргеніне қатты қуанды. Себебі ол Иса туралы көп естіген соң, бір керемет көрсетер деп үміттеніп, Оны көптен бері көргісі келіп жүрген еді. [2]

⁹Ирод Исаға көптеген сұрақтар қойды, бірақ Ол еш жауап бермеді. [3]

¹⁰Ал басты діни қызметкерлер мен дін мұғалімдері сол жерде тұрып, Исаны қатты айыптады.

¹¹Сонда Ирод жасақшыларымен бірге Оны қорлап мазақтап, үстіне әдемі шапан жауып, Пилатқа қайтарып жіберді.

¹²Осы уақытқа дейін қастасып келген Пилат пен Ирод сол күні татуласып, өзара дос бола қалды.

¹³Пилат басты діни қызметкерлерді, рубасыларды және халықты шақырып алып,

¹⁴оларға былай деп шешімін айтты:

¹⁴— Мына Адамды халықты бүлдіріп жүр деп, маған алып келдіңіздер. Міне, мен Оны алдарыңызда тергеп, бұл Адамнан сіздер айыптайтындай ешқандай кінә таппадым!

¹⁵Ирод та солай етті, өйткені мен Оны соған жіберген едім. [4] Демек, Ол өлім жазасына кесетіндей ешқандай қылмыс жасаған жоқ.

¹⁶Сондықтан Оны соқтырып, босатып жіберемін. —

¹⁷(Себебі мейрамның құрметіне әміршінің халыққа бір тұтқынды босатып беруі керек болатын.) [5]

¹⁸Бірақ жиналған халық түгелдей:

¹⁸— Ол өлтірілсін! Орнына бізге Бараббаны босатып беріңіз! — деп қатты айқайлап жауап қайтарды.

¹⁹Барабба қалада бүлік шығарып, кісі өлтіргені үшін түрмеге жабылған еді.

²⁰Пилат Исаны қоя бермекші болып, қайтадан даусын көтере сөйледі.

²¹Бірақ олар:

²¹— Айқышқа шегеленсін, айқышқа! — деп шулап кетті.

²²Пилат оларға үшінші рет:

²²— Сонда Ол қандай қылмыс жасады? Мен Одан өлім жазасына кесетіндей ешқандай кінә таппай тұрмын. Сондықтан Оған дүремен сабақ беріп, босатып жіберемін, — деді.

²³Бірақ басты діни қызметкерлер мен халықтың көпшілігі бар дауыспен: Ақырында олар айқайларымен дегендеріне жетіп,

²³— Оны айқышқа шегелетіңіз! — деп айқай салып талап ете берді.

²⁴Пилат талаптары орындалсын деп шешті.

²⁵Сөйтіп ол бүлік шығарып, кісі өлтіргені үшін түрмеге жабылған адамды олардың сұрауы бойынша босатып жіберді. Ал Исаны тілектеріне сай өлімге кесіп, жасақшылардың қолына тапсырды.

²⁶Жасақшылар Исаны жазалайтын жерге алып бара жатқанда, даладан қалаға келе жатқан Шимон есімді күренелік [6] кісіге тап болды. Олар Шимонға айқыш ағашты арқалатып, оны Исаның соңынан алып жүруге мәжбүр етті.

²⁷Исаға өте көп халық ілесіп, көптеген әйелдер жоқтау айтып еңірей жылап келе жатты.

²⁸Ал Иса оларға бұрылып, былай деді:

²⁸— Иерусалимнің әйелдері, Мен үшін жыламаңдар, өздерің мен балаларың үшін жылаңдар!

²⁹Себебі жұрт «Құрсақ көтермейтін, бала сүймеген, емшек емізбеген әйелдер бақытты!» дейтін, азапты күндер келеді. [7]

³⁰Сол уақытта адамдар тауларға: «Үстімізге құлап түсіңдер!» әрі төбелерге: «Бізді басып, жасырып тастаңдар!» [8] деп жалынатын болады.

³¹Егер жасыл ағашқа бұлай істелсе, онда қураған ағашпен не болмақ?! [9]

³²Жасақшылар Исамен бірге екі қылмыскерді де өлтіруге алып бара жатты.

³³Олар «Маңдайтөбе» [10] деген жерге жеткен соң, Исаны айқыш ағашқа керіп шегелеп іліп, көтеріп қойды. Сондай-ақ, сол екі қылмыскерді де, біреуін Исаның оң, екіншісін Оның сол жағына айқыш ағаштарға керіп шегелеп іліп, көтеріп қойды.

³⁴Сонда Иса (көктегі Әкесіне сиынып): «Әке, оларды кешіре гөр! Олар не істеп жатқандарын түсінбейді», — деді. [11] Ал жасақшылар Исаның киімдерін жеребе тастап өзара бөлісіп алды.

³⁵Халық сол жерде осының бәріне қарап тұрды. Басшылары тіпті Исаны мазақтап: «Мынау басқаларды құтқарыпты. Егер Ол Мәсіх — Құдайдың Таңдаулысы болса, енді Өзін құтқарып көрсін!» — деп келекеледі.

³⁶Жасақшылар да Исаның қасына келіп, Оған сірке суын ұсынып:

³⁷«Егер Яһудилердің Патшасы болсаңыз, Өзіңізді құтқара көріңіз!» — деп Оны табалады.

³⁸Исаның басынан жоғары айқыш ағашқа «Бұл — Яһудилердің Патшасы» деп (грек, латын және еврей тілдерінде) жазылған тақтайша бекітілген болатын.

³⁹Айқышқа ілінген екі қылмыскердің [12] біреуі Исаға тіл тигізіп: — Мәсіх болсаң, кәне, Өзіңді де, бізді де құтқар! — деп мысқылдады.

⁴⁰Екіншісі, керісінше, оны тоқтатып:

⁴⁰— Құдайдан қорықпайсың ба? Өзің де осыған кесілдің ғой.

⁴¹Біздің үкіміміз әділ, істерімізге лайық жаза тартып тұрмыз. Ал Бұл еш жамандық істеген жоқ, — деді.

⁴²Содан кейін:

⁴²— Иса, Патшалығыңызға кіргенде [13] мені есіңізге ала көріңіз, — деп өтінді.

⁴³Иса оған:

⁴³— Саған шындығын айтамын: бүгін-ақ Менімен бірге жұмақта боласың! [14] — деді.

⁴⁴[44-45] Бұл уақыт тал түстің шамасы [15] еді. Сол кезде күннің жарығы сөніп, бүкіл жерді қараңғылық басты, ол үш сағатқа созылды. Киелі үйдегі шымылдық [16] ортасынан қақ айырылып, екіге бөлінді.

⁴⁶Иса қатты дауыспен айқайлап: «Әке, Сенің қолыңа рухымды тапсырамын!» — деді. [17] Мұны айтқаннан кейін жан тәсілім етті.

⁴⁷Осы оқиғаларды көріп тұрған жүзбасы: «Бұл шынымен әділ [18] Адам болған!» — деп, Құдайды дәріптеді.

⁴⁸Қызық көруге жиналған бүкіл халық болған жайттарды көрген соң, (опық жеп қайғырып) қолдарымен көкіректерін соққылап [19] қалаға қайтты.

⁴⁹Исаның барлық таныстары және Ғалилеядан еріп келген әйелдер [20] алысырақ жерден осылардың бәріне қарап тұрды.

⁵⁰Жоғарғы кеңестің Жүсіп есімді мүшесі бар еді. Яһудея аймағындағы Ариматея қаласынан шыққан осы ізгі де әділ жан

⁵¹Құдайдың Патшалығының жер бетінде орнауын [21] аңсап күтіп жүрген болатын. Жүсіп Жоғарғы кеңестің қарары мен ісіне келіспеген де еді.

⁵²Осы кісі Пилатқа барып, Исаның мәйітін қабірге қоюға рұқсат сұрап алды.

⁵³Содан ол денені айқыштан түсіріп алып, бәтес [22] кебінге орады. Оны жартастан үңгіп жасалған, [23] әлі ешкім қойылмаған бір қабірге апарып қойды.

⁵⁴Бұл жұма күнгі кеш, яғни діни демалыс күнінің басталар кезі, еді. [24]

⁵⁵Исаға еріп Ғалилеядан келген әйелдер Жүсіпке ілесіп келіп, қабірге де, оның ішіне сүйектің қалай қойылғанына да қарап тұрды.

⁵⁶Содан соң әйелдер қалаға қайтып барып, жұпар заттар мен иісмайлар дайындап қойды. Діни демалыс — сенбі күні олар Таурат заңының талабына сай тыныштық сақтап, демалды.