Марқа 11:1-33 KZB2010 - Bible AI

¹Осылай Иса мен шәкірттері Иерусалимге таяп, Зәйтүн тауының беткейіндегі Бетфаге мен Бетания ауылдарына [1] жақындап келді. Сонда Иса шәкірттерінің екеуін жұмсап,

²оларға мынадай тапсырма берді:

²— Қарсы алдарыңдағы ауылға барыңдар. Оған кірген бойда байлаулы тұрған, әлі ешкім мінбеген бір тайқар есекті көресіңдер. Соны шешіп, алып келіңдер.

³Егер біреу сендерден «Бұл не қылғандарың?» деп сұрай қалса, оған: «Ол Мырзамызға керек, жуық арада кері қайтарып жібереді» деп жауап беріңдер.

⁴Екі шәкірт барғанда көше бойындағы бір үйдің қақпасына байлаулы тұрған жас есекті тауып, шылбырын шешті.

⁵Сол жерде тұрғандардың кейбіреулері: «Тайқарды шешіп не істемексіңдер?» — деп сұрады.

⁶Екі шәкірт Исаның айтқанындай жауап берді. Содан әлгілер оларға кедергі жасамай, жайларына жіберді.

⁷Екі шәкірт жас есекті Исаға алып келіп, үстіне шапандарын жапқаннан кейін, Иса оған мінді.

⁸(Иерусалимге бара жатқан) көптеген адамдар [2] жамылғыларын жолға жайса, өзгелері даладан жас бұтақшаларды кесіп әкеліп, соларды Исаның алдына төсеумен болды. [3]

⁹Осылай Исаның алды-артынан еріп жүргендер қатты дауыспен былай деп айқай салды:
«Жаратқанның атынан келе жатқан (Патша) жарылқанған!» [5]

⁹«Тәңір Ие мадақталсын!» [4]

¹⁰«Арғы тегіміз Дәуіттің қайта орнайтын патшалығы жарылқанған!» [6] «Заңғар аспанда Жаратқан Ие мадақталсын!» [7]

¹¹Осылай Иса Иерусалимге кірді де, ғибадатханаға барып, оны айнала қарап шықты. [8] Кеш батқанда Ол он екі елшісін ертіп қаладан шығып, Бетания ауылына барды.

¹²Келесі күні олар Бетаниядан шыққанда, Исаның қарны ашты.

¹³Алысырақтан жапырақ жайған інжір ағашын көрген Ол жемісінің бар-жоғын байқау үшін қасына барды. Бірақ ағаштан жапырақтан өзге ештеңе таппады. Жеміс беретін маусымы әлі болмаған еді. [9]

¹⁴Сонда Иса: «Бұдан былай мәңгі ешкім де жемісіңнен дәм татпасын!» — деді. [10] Шәкірттері Исаның осы айтқандарын естіді.

¹⁵Сонымен олар Иерусалимге жетті. Иса ғибадатхана алаңына кіріп, ондағы сатушылар мен алушыларды қуып шығара бастады: шетелдік ақшаны (зекет беру үшін жергілікті теңгелерге) айырбастаушылардың үстелдері мен (құрбандыққа шалынатын) көгершіндерді сатушылардың орындықтарын аударып тастады, әрі

¹⁶жүк көтергендердің ғибадатхана ауласымен өтулеріне де тыйым салды.

¹⁷Оларға: «Киелі жазбаларда: «Менің (киелі) үйім барлық ұлттар мінажат ететін үй деп аталатын болады!» [11] делінген емес пе? Бірақ сендер оны «қарақшылар ордасына» айналдырғансыңдар!» [12] — деп қатаң ескертіп тәлім берді.

¹⁸Мұны дін мұғалімдері мен басты діни қызметкерлер де естіп, Исаның көзін құртудың жолын іздеді. Себебі жұрттың бәрі Оның тәліміне қатты қайран қалғандықтан, олар Исадан қорқып жүрді. [13]

¹⁹Кеш түсе Иса шәкірттерін ертіп қаладан шығып кетті.

²⁰Ертеңіне інжір ағашының жанынан өткенде, олар сол ағаштың тамырына дейін қурап қалғанын көрді. [14]

²¹Осы оқиға есіне түскен Петір Исаға:

²¹— Ұстаз, қараңызшы, Өзіңіз қарғаған інжір ағашы қурап қалыпты! — деді.

²²Иса жауап беріп шәкірттеріне былай деді:

²³— Құдайға сеніңдер! Сендерге шындығын айтайын: біреу мына тауға «Орныңнан көтеріліп, теңізге лақтырыл!» деп, айтқан сөзінің іске асатынына жүрегінде еш күмәнданбай сенсе, сол өтініші орындалады.

²⁴Сондықтан сендерге былай деймін: Құдайға сиынып (Оның еркіне сай) не сұрасаңдар да, соны қабылдадық деп сеніңдер! Сонда ол орындалмақ. [15]

²⁵Ал сиынып тұрған кездеріңде біреуге өкпелерің болса, оны кешіріңдер! Сонда көктегі Әкелерің сендердің де күнәларыңды кешіреді.

²⁶(Егер өздерің кешірмесеңдер, көктегі Әкелерің сендердің де күнәларыңды кешірмейді.) [16]

²⁷Осылай олар тағы да Иерусалимге келді. Иса ғибадатхананың ішінде жүргенде, бірқатар басты діни қызметкерлер, дін мұғалімдері және рубасылар Оның қасына келіп:

²⁸— Бұл істерді қандай билікпен істеп жүрсіз? [17] Оларды істеуге Сізге кім билік берді? — деген сауал қойды.

²⁹Исаның жауабы мынау болды:

²⁹— Мен де бір сұрақ қояйын, соған жауап беріңіздер! Содан кейін сіздерге бұл істерді қандай билікпен істеп жүргенімді айтып беремін.

³⁰Жақияның орындаған шомылдыру рәсімі көктің еркімен [18] болып па еді, әлде адамның еркімен бе? Соған жауап беріңіздер!

³¹Олар өзара пікірлесіп былай десті: «Егер «көктің еркімен» десек, Ол: «Ендеше Жақияның уағызына неге сенбедіңіздер?» дейтін болар.

³²Ал «адамның еркімен» десек...» — Олар бұлай деуге халықтан қорықты, себебі бүкіл жұрт Жақияны шынайы пайғамбар деп санайтын. [19]

³³Сондықтан олар Исаға: — Олай болса, Мен де сіздерге бұл істерді қандай билікпен істеп жүргенімді айтпаймын, — деп кесіп айтты.

³³— Оны білмейміз, — деп жауап берді. Иса: