Марқа 15:1-47 KZB2010 - Bible AI

¹Таң атысымен-ақ басты діни қызметкерлер, рубасылар және дін мұғалімдері, яғни бүкіл Жоғарғы кеңес, ақылдасып, шешім қабылдады. Олар Исаны байлатып, римдік әмірші Пилатқа [1] алып барып, табыс етті.

²Пилат Исаға: — Өзіңіз айтып тұрсыз, — деп жауап берді.

²— Сен «Яһудилердің Патшасысың» ба? — деген сұрақ қойды. Иса:

³Басты діни қызметкерлер Исаға көптеген айып тақты.

⁴Пилат Оған тағы сауал қойып:

⁴— Ешбір жауап бермейсің бе? Қарашы, Саған қаншама көп айып тағып тұр! — деді.

⁵Бірақ Иса бұған да еш жауап қайтармады, сондықтан Пилат қайран қалды.

⁶Әмірші әдетте мейрамның құрметіне яһудилер сұраған бір тұтқынды оларға босатып беретін.

⁷Сол тұста Барабба есімді біреу өзінің сыбайлас көтерілісшілерімен бірге түрмеде отырған еді. Олар бүлік кезінде кісі өлтірген болатын.

⁸Енді халық алға қарай ұмтылып, Пилаттан әдеттегідей бір тұтқынды босатуын дауыстап сұрай бастады.

⁹Пилат оларға жауап беріп:

⁹— Сендерге «Яһудилердің Патшасын» босатып беруімді қалайсыздар ма? — деген сұрақ қойды.

¹⁰Ол басты діни қызметкерлердің Исаны күншілдіктен ұстап бергендігін жақсы түсінді.

¹¹Бірақ басты діни қызметкерлер халық тобырын әміршіден: «Оның орнына Бараббаны босатып беріңіз!» деп талап етуге арандатты.

¹²Пилат оларға:

¹²— Ендеше, сендер «Яһудилердің Патшасы» деп атаған Адамға не істеуімді қалайсыңдар? — деген сауал қойды.

¹³Олар қайтадан айқай салып:

¹³— Айқышқа шегеленсін! — деп жауап қатты.

¹⁴Пилат: — Айқышқа шегеленсін! — деп бұрынғыдан бетер шулап кетті.

¹⁴— Сонда Ол қандай қылмыс жасады? — деп сұрады. Бірақ олар:

¹⁵Сонда Пилат халықтың көңілінен шыққысы келіп, оларға Бараббаны босатып берді. Ал Исаны қамшымен соқтырғаннан кейін, айқышқа шегелеп іліп өлтіруге жасақшылардың қолдарына тапсырды.

¹⁶Жасақшылар Исаны әміршінің ордасы болған сарайдың [2] ішкі ауласына алып барып, сонда бүкіл әскер бөлімін шақырып жинап алды.

¹⁷Олар Исаға бір қызыл шапанды [3] жауып, тікенді бұтақшалардан «тәж» өріп, Оның басына кигізді.

¹⁸Мұнан кейін олар: «Яһудилердің Патшасы жасасын!» — деп Оған сәлем бере бастады.

¹⁹Исаның басын таяқпен ұрғылап, бетіне түкіріп, алдына тізе бүгіп тағзым еткенсіді.

²⁰Мазақтап болғаннан кейін Оның үстіндегі қызыл шапанды шешіп алып, өз киімін кигізді.

²⁰Содан соң жасақшылар Исаны айқыш ағашқа шегелеп іліп қою үшін қала сыртына қарай алып кетті.

²¹Жолшыбай олар даладан қарсы келе жатқан Шимон есімді күренелік [4] ер адамға тап болды. Оны Исаның айқыш ағашын арқалап алып жүруге мәжбүр етті. Сол Шимон Ескендір мен Руфтың [5] әкесі болатын.

²²Осылай жасақшылар Исаны Ғолғота, яғни «Маңдайтөбе», [6] деген жерге алып барды.

²³Оған ішуге мүр шөбі қосылған сірке суын [7] ұсынды, бірақ Ол ішпеді.

²⁴Жасақшылар Исаны айқыш ағашқа керіп шегелеп тастап, тік көтеріп қойды. Бұдан кейін әрқайсысы өз үлесін алу үшін Оның киімдерін жеребе тастап бөлісті.

²⁵Исаны айқышқа шегелегенде сағат тоғыз болатын. [8]

²⁶Оған тағылған айып «Яһудилердің Патшасы» деп бір тақтайшаға жазылған еді.

²⁷Жасақшылар Исамен бірге екі қарақшыны [9] да, біреуін оң, екіншісін сол жағындағы айқыш ағаштарға керіп шегелеп тастап, тік көтеріп қойды.

²⁸(Киелі жазбада: «Ол қылмыскерлердің қатарында саналды» [10] деп алдын ала айтылған сөз осылай іске асты.)

²⁹Қасынан өтіп бара жатқандар Исаға тіл тигізді. Олар бастарын шайқап: «Әй, киелі үйді бұзып, үш күнде қайта тұрғызушы!

³⁰Айқыштан түсіп, Өзіңді құтқарып ал!» — деп Оны келеке етті.

³¹Сол секілді, басты діни қызметкерлер мен дін мұғалімдері де Оны мазақтап бір-біріне: «Мынау басқаларды құтқарыпты, бірақ Өзін құтқара алмайды екен!

³²«Исраилдің Патшасы Мәсіх» қазір-ақ айқыштан түссін! Көзімізбен көрейік, сонда Оған сенеміз», — десті. Жанындағы айқыштарға шегеленген қылмыскерлер де Исаны балағаттап тілдеді. [11]

³³Ал тал түсте бүкіл жерді қараңғылық басып, ол үш сағатқа созылды. [12]

³⁴Сағат үште Иса қатты дауыспен айқайлап: «Ілои, Ілои! Лама сабахтани?» — деді. Өз тілінде бұл «О, Құдайым, Құдайым! Неліктен Мені жалғыз қалдырдың?» дегенді білдіреді. [13]

³⁵Сол жерде тұрғандардың кейбіреулері мұны естігенде: «Қараңдар, Ол Ілиясты [14] шақырып жатыр», — десті.

³⁶Біреуі жүгіріп барып, бір сорғышты сірке суына батырып алды. Оны таяқтың ұшына қадап, Исаға ішуге ұсынды да: «Күте тұрайық, Ілияс келіп, Оны түсіріп алар ма екен көрейік!» — деп кекетті.

³⁷Ал Иса қатты дауыстап жіберіп, жан тәсілім етті.

³⁸Сол сәтте киелі үйдегі шымылдық [15] жоғарыдан төменге дейін қақ айырылып, екіге бөлінді.

³⁹Исаның қарсы алдында тұрған жүзбасы Исаның осылай жан тәсілім еткенін көргенде: «Бұл Адам шынымен Құдайдың рухани Ұлы екен!» — деп мойындады.

⁴⁰Сол жерде алысырақтан қарап тұрған әйелдер де болды. Араларында мағдалалық Мәриям, кіші Жақып пен Жүсіптің шешесі Мәриям [16] және Салома бар еді.

⁴¹Олар Иса Ғалилеяда болған кезінде Оған еріп, қызмет етіп жүретін. Сондай-ақ Онымен бірге Иерусалимге келген басқа да көптеген әйелдер сол жерде тұрды. [17]

⁴²Бұл күн діни демалыс күнінің алдындағы әзірлік күні — жұма болатын. Сондықтан кеш түспес бұрын

⁴³ариматеялық Жүсіп батылдықпен Пилатқа барып, одан Исаның мәйітін қабірге қоюға рұқсат сұрады. Жоғарғы кеңестің беделді мүшесі болған Жүсіп Құдайдың Патшалығының жер бетінде орнауын [18] аңсап күтіп жүрген жан еді.

⁴⁴Пилат Исаның сонша тез өліп қалғанына таңданды; жүзбасыны шақырып алып, одан: «Ол өлгелі көп болды ма?» — деп сұрады.

⁴⁵Жүзбасынан солай екенін біліп алған соң, Пилат мәйітті Жүсіпке бергізді.

⁴⁶Жүсіп бәтес [19] кебін сатып алып келіп, Исаның мәйітін айқыштан түсіріп, кебінге орады. Содан оны жартастан үңгіп жасалған бір қабірге апарып қойды. Мұнан кейін қақпақ тасын [20] домалатып әкеліп, қабірдің кіреберіс аузын сонымен жауып тастады.

⁴⁷Мағдалалық Мәриям мен Жүсіптің шешесі Мәриям мәйіттің қайда қойылғанына қарап тұрды.