Матай 27:1-66 KZB2010 - Bible AI

¹Таң ата елдің басты діни қызметкерлері мен рубасыларының бәрі Исаны өлтіру туралы кеңесіп, шешім қабылдады.

²Оны байлатып, әмірші Пилатқа алып барып, табыс етті.

³Исаға опасыздық жасаған Яһуда Оның сотталғанын көргенде өзінің істегеніне өкініп, басты діни қызметкерлер мен рубасыларына өздері берген отыз күміс теңгесін қайтарып тұрып:

⁴— Мен опасыздық жасап күнәға баттым: кінәсіз кісінің қаны төгілмекші! — деді. Олар: — Онда біздің шаруамыз қанша? Бұл — өз мәселең, — деп жауап берді.

⁵Содан Яһуда ақшаны киелі үйдің ішіне лақтырып жіберіп, шығып кетті де, барып, асылып өлді.

⁶Басты діни қызметкерлер күміс теңгелерді жинап алып: «Бұл ақшаны ғибадатхананың қазынасына салуға болмайды, себебі ол төгілетін қанға байланысты», — деді.

⁷Олар ақылдасып, сол ақшаға құмырашының егіндік жерін сатып алып, оны шетелдіктердің зираты етпек болып шешті.

⁸Сондықтан осы жер танабы күні бүгінге дейін «Қанды танап» деп аталады.

⁹Еремия пайғамбардың мына тәрізді алдын ала айтқандары сол кезде жүзеге асты: Олар исраилдіктер Ол үшін белгілеген бағаны, отыз күміс теңгені, [1] алып,

¹⁰соған құмырашының егіндік жерін сатып алды. Жаратқан Ие маған осылай айтқан еді. [2]

¹¹Сол уақытта Иса римдік әміршінің алдында тұрған еді. Ол Исаға: — Сен «Яһудилердің Патшасысың» ба? — деген сұрақ қойды. Иса: — Өзіңіз айтып тұрсыз, — деді.

¹²Басты діни қызметкерлер мен рубасылар Өзін айыптағанда Иса еш жауап бермеді.

¹³Сонда Пилат Оған:

¹³— Бұлардың Өзіңе қарсы қаншама куәлік келтіріп жатқанын естімей тұрсың ба? — деп сұрады.

¹⁴Алайда Иса олардың бірде-бір сөзіне жауап қайтармады. [3] Оның бұлай істегеніне әмірші қатты қайран қалды.

¹⁵Мейрамның құрметіне әміршінің халық сұраған бір тұтқынды оларға босатып беретін салты бар еді.

¹⁶Сол кезде Барабба есімді, аты шулы бір тұтқын римдіктердің түрмесінде отырған болатын.

¹⁷Сонымен яһудилер алаңға [4] жиналып болған соң, Пилат:

¹⁷— Қайсысын босатып жіберуімді қалайсыңдар: Бараббаны ма, әлде Мәсіх [5] деп аталған Исаны ма? — деген сұрақ қойды.

¹⁸Яһуди басшыларының Исаны күншілдіктен өзіне ұстап бергендігін әмірші жақсы білетін.

¹⁹Бұған қоса, Пилат төрелік тағында отырған осы аралықта оған әйелінің мына сәлемі жетті: «Сол әділ Адамға еш жамандық істей көрме! Мен бүгін түсімде Оған бола қатты азап шегіп, қиналдым».

²⁰Бірақ басты діни қызметкерлер мен рубасылар халық тобырын Пилаттан Бараббаны босатып, Исаны өлтіруді талап етуге көндірді.

²¹Әмірші қайтадан: — Бараббаны! — деп айқай салды.

²¹— Осы екеуінің қайсысын өздеріңе босатып бергенімді қалайсыңдар? — деген сауал қойғанда олар:

²²— Ендеше Мәсіх [6] деп аталған Исаға не істейін? — деп сұрады Пилат. Бәрі де: — Айқышқа шегеленсін! — деп айқай салды.

²³Пилат: — Айқышқа шегеленсін! — деп бұрынғыдан бетер шулап кетті.

²³— Сонда Ол қандай қылмыс жасады? — деген сұрақ қойды. Халық:

²⁴Енді ештеңе істей алмайтынын, керісінше, халықтың толқуы өршіп бара жатқанын көрген Пилат су алдырып, жұрт алдында қолын жуып тұрып: — Мына (әділ) Адамның төгілетін қанына мен кінәлі емеспін. Бұл — сендердің істерің! — деді.

²⁵Бүкіл халық:

²⁵— Оның қаны біздің және ұрпақтарымыздың мойнында болсын! — деп жауап берді.

²⁶Сонда әмірші оларға Бараббаны босатып берді. Ал Исаны қамшымен соқтырғаннан кейін, айқышқа шегелеп іліп өлтіруге жасақшылардың қолдарына тапсырды.

²⁷Содан әміршінің жасақшылары Исаны ордасына алып барып, қасына бүкіл әскер бөлімін жинады.

²⁸Олар Исаның сырт киімін шешіп алып, Оның үстіне бір қызыл шапанды жапты.

²⁹Жасақшылар, сондай-ақ, тікенді бұтақшалардан «тәж» өріп, оны Исаның басына кигізіп, оң қолына асатаяқ [7] ұстатып қойды. Исаның алдына тізе бүгіп тағзым еткенсіп: «Яһудилердің Патшасы жасасын!» — деп келекеледі.

³⁰Бетіне түкіріп, қолындағы таяғын жұлып алып, сонымен Оның басын ұра берді.

³¹Мазақтап болғаннан кейін Исаның үстіндегі шапанды шешіп алып, өз киімін қайта кигізді.

³¹Содан кейін жасақшылар Исаны айқыш ағашқа шегелеп іліп қою үшін алып кетті.

³²Қаладан шыға жолшыбай олар Шимон есімді күренелік [8] ер адамға тап болды. Оны Исаның айқыш ағашын арқалап жүруге мәжбүр етті.

³³Осылай олар Ғолғота, яғни «Маңдайтөбе», [9] деген жерге жетті.

³⁴Сонда Исаға ішуге өт қосылған сірке суын [10] ұсынды, бірақ дәмін татқан соң Ол оны ішуден бас тартты.

³⁵Жасақшылар Исаны айқыш ағашқа керіп шегелеп, тік көтеріп қойды. Бұдан кейін Оның киімдерін жеребе тастап өзара бөлісіп алды.

³⁶Содан олар сол жерде отырып, Исаны күзетті.

³⁷Оған тағылған айып: «Бұл — Яһудилердің Патшасы Иса» [11] деп бір тақтайшаға жазылған болатын. Жасақшылар тақтайшаны Исаның басынан жоғары айқыш ағашқа бекітіп қойған еді.

³⁸Олар Исамен бірге екі қарақшыны [12] да, біреуін оң, екіншісін сол жағына айқыш ағаштарға керіп шегелеп, тік көтеріп қойды.

³⁹Қасынан өтіп бара жатқандар Исаға тіл тигізді. Олар бастарын шайқап:

⁴⁰«Әй, киелі үйді бұзып, үш күнде қайта тұрғызушы! Өзіңді құтқарып ал! Егер де Құдайдың рухани Ұлы болсаң, айқыштан түс!» — деп Оны келеке етті. [13]

⁴¹Сол секілді басты діни қызметкерлер де дін мұғалімдерімен және рубасыларымен бірге Оны мазақтап:

⁴²«Мынау басқаларды құтқарыпты, бірақ Өзін құтқара алмайды екен! Егер Ол Исраилдің Патшасы болса, Өзінің құдіретімен қазір-ақ айқыштан түссін! Сонда Оған сенеміз.

⁴³Ол Құдайға үмітін артқан екен. Егер Құдай Оған разы болса, қазір-ақ Оны құтқарып алсын! [14] Өйткені Ол Өзін Құдайдың рухани Ұлымын деді ғой», — десті.

⁴⁴Жанындағы айқыштарға шегеленген қарақшылар да Исаны солай тілдеді. [15]

⁴⁵Тал түстен бастап бүкіл жерді қараңғылық басты, ол үш сағатқа созылды. [16]

⁴⁶Сағат үш шамасында Иса қатты дауыспен айқайлап: «Ілои, Ілои! Лама сабахтани?» — деді. Бұның аудармасы «О, Құдайым, Құдайым! Неліктен Мені жалғыз қалдырдың?» [17] дегенді білдіреді.

⁴⁷Сол жерде тұрғандардың кейбіреулері мұны естіп: «Ол Ілияс [18] пайғамбарды шақырып жатыр», — десті.

⁴⁸Солардың біреуі дереу жүгіріп барып, бір сорғышты сірке суына батырып алды. Оны таяқтың ұшына қадап, Исаға ішуге ұсынды.

⁴⁹Басқалары: «Күте тұрайық, Ілияс келіп, Оны құтқарып алар ма екен, көрейік!» — деп кекетті.

⁵⁰Иса тағы бір рет қатты дауыстап жіберіп, жан тапсырды.

⁵¹Сол сәтте киелі үйдегі шымылдық [19] кенеттен жоғарыдан төменге дейін қақ айырылып, екіге бөлінді. Жер сілкініп, жартастар жарылып,

⁵²қабір үңгірлері ашылды. Марқұм болған көптеген әділдердің [20] сүйектері қайта тіріліп,

⁵³қабірлерінен шықты. Олар кейінірек, Иса қайта тірілген соң, қасиетті қалаға [21] барып, көптеген адамдарға көрінді.

⁵⁴Римдік жүзбасы және онымен бірге Исаны күзетіп тұрғандар жер сілкіністі және болған өзге оқиғалардың бәрін көргенде үрейлері ұшып: «Бұл шынымен Құдайдың рухани Ұлы екен!» — деп мойындады. [22]

⁵⁵Сол жерде алысырақтан қарап тұрған көптеген әйелдер де болды. Олар Исаға қызмет етіп, Ғалилеядан еріп келгендер еді. [23]

⁵⁶Араларында мағдалалық Мәриям және Жақып пен Жүсіптің шешесі Мәриям, [24] сондай-ақ Зебедей ұлдарының шешесі [25] де бар болатын.

⁵⁷Кеш түспес бұрын Жүсіп есімді ариматеялық бір бай кісі келді. Өзі де Исадан тәлім алған шәкірті еді. [26]

⁵⁸Жүсіп Пилатқа барып, Исаның мәйітін қабірге қоюға рұқсат сұрап алды. Пилат мәйітті оған табыс етуге бұйырды.

⁵⁹Жүсіп сүйекті түсіріп алып, кіршіксіз таза бәтес кебінге орады.

⁶⁰Содан оны жартастан үңгіп жасаған өзінің жаңа қабіріне апарып қойды. Бұдан кейін қабірдің дәу қақпақ тасын домалатып әкеліп, қабірдің кіреберіс аузын сонымен мықтап жауып, кетіп қалды.

⁶¹Сол жерге келген мағдалалық Мәриям мен өзге Мәриям [27] қабірдің қарсы алдында отырды.

⁶²Келесі күні, жұманың ертеңіне басты діни қызметкерлер мен парызшылдар Пилаттың қасына жиналып,

⁶³былай деді:

⁶³— Тақсыр, әлгі «алдамшы» Кісінің тірі кезінде: «Үш күннен кейін қайта тірілемін» дегені есімізге түсті.

⁶⁴Сондықтан да қабірді үшінші күнге дейін күзетіп, қауіпсіз етуге бұйыра көріңіз. Әйтпесе Оның шәкірттері (түн ішінде) келіп, сүйегін ұрлап алып кетіп, халыққа «өлімнен қайта тірілді» деп жүрулері мүмкін. Сонда соңғы алдау алғашқысынан да бетер болар. [28] —

⁶⁵Пилат:

⁶⁵— Мейлі, қарауыл тобын алыңдар. [29] Барып, қабірді өздерің білгендеріңше күзетіп, қауіпсіздігін қамтамасыз етіңдер, — деп шешті.

⁶⁶Олар барып, мазардың айналасына күзет қойып, қақпақ тасты мөрмен бекітіп тастады. [30]