Мысырдан шығу 17:1-16 KZB2010 - Bible AI

¹Осыдан кейін Исраил үрім-бұтағының қауымы Син атты елсіз даладан [1] шығып, Жаратқан Иенің бұйрығымен көштерін әрі қарай жалғастырды. Олар Рефідимге жайғасты, бірақ ол жерде ауыз суы болмады.

²Халық Мұсаға ұрсып: — Сендер неге маған ұрсасыңдар? Жаратқан Иеге сенбеушілік танытып, Оны еркінсіп сынамақсыңдар ма? [2] — деп жауап берді.

²— Бізге су тауып беріңдер! — деп талап етті. Мұса оларға:

³Алайда халық шөлдегендіктен Мұсаға қарсы наразылық білдіруін қоймай:

³— Бізді Мысырдан неге алып шықтың? Өзімізді, балаларымызды, мал-жандарымызды шөлден қатыру үшін бе? — деп шағымданды.

⁴Мұса Жаратқан Иеге қатты дауыстап сиынып: — Мына халықты не істесем екен? Олар мені таспен атқылап өлтірудің аз-ақ алдында тұр, — деді.

⁵Жаратқан Ие Мұсаға тіл қатып:

⁵— Өзіңе Исраилдің рубасыларының [3] бірнешеуін ертіп алып, жұртты бастап, Нілдің суын сабаған таяғыңды [4] қолыңа ұстай жүр.

⁶Мен Хориб тауындағы [5] анау жартастың басында сенің қасыңда тұрамын. Жартасты таяғыңмен соққанда ішінен халық ішетін су шықпақ, — деді. Мұса Исраил халқының рубасыларының көзінше солай істегенде су аға жөнелді.

⁷Кейін Мұса бұл жерді Маса («Еркінсіп сынау») және Меріба («Ұрсу») деп атады. Өйткені исраилдіктер сонда оған ұрсып, «Жаратқан Ие арамызда жүр ме, жоқ па» деп Тәңір Иені еркінсіп сынаған еді. [6]

⁸Сол кезде исраилдіктермен Рефідимде соғыспақ болып, амалектіктер [7] таяп келіп қалған еді.

⁹Мұса (көмекшісі) Ешуаға: [8]

⁹— Жігіттерді таңдап алып, амалектіктермен шайқасуға аттан! Ертең мен Құдайдың таяғын [9] қолыма алып, төбе басында тұрмақпын, — деп бұйырды.

¹⁰Ешуа Мұсаның айтқандарын орындап, Амалек жасағына қарсы ұрысқа аттанып кетті, ал Мұса, Һарон және Һұр [10] төбе басына шықты.

¹¹Мұса қолын аспанға қарай көтерген кезде [11] Исраил жеңіп, ал қолын төмен түсіргенде Амалек басым түсіп жатты.

¹²Бірақ Мұсаның қолдары талып қалды. Сонда Һарон мен Һұр үлкен тас алып келіп, соған Мұсаны отырғызды. Өздері біреуі оң жағында, екіншісі сол жағында тұрып, күн батқанша оның қолдарын сүйемелдеумен болды.

¹³Осылайша Ешуа бастаған сарбаздар өткір жүзді семсерлерімен Амалек жасағын күйретті.

¹⁴Содан кейін Жаратқан Ие Мұсаға былай деп бұйырды: «Мынаны естелік үшін кітапқа жазып қой да, Ешуаның құлағына құя бер: Мен аспан астынан Амалектің атын біржола өшіріп тастаймын!» [12]

¹⁵Мұса сол жерде құрбандық ұсынатын орын салып, оны «Біздің туымыз — Жаратқан Ие» деп атады.

¹⁶«Жаратқан Иенің тағына қарай қолдарымыз созылған еді. [13] Оның Амалекке қарсы жүргізетін соғысы ұрпақтан ұрпаққа жалғасатын болады», — деді.