Нехемия 7:1-73 KZB2010 - Bible AI

¹Қала қабырғасы салынып біткен кезде мен қақпалардың есіктерін орнаттырып қойдым. Содан қақпа күзетшілері, ғибадатхана әншілері және леуілік ғибадатхана қызметшілері міндеттеріне тағайындалды.

²Мен ағайыным Хананиға [1] және қорғанның [2] бастығы Хананияхқа [3] Иерусалимнің үстінен билік жүргізуді тапсырдым. Өйткені Хананиях сенімді адам болатын және Құдайды басқалардан гөрі артық қастерлейтін еді.

³Екеуіне мынадай нұсқау бердім: «Күн ысып, қақпа күзетшілері өз орындарында тұрмайынша Иерусалимнің қақпалары ашылмай, есіктері жабылып, кесе-көлденең бөренелермен бекітіліп тұрсын! Иерусалимнің тұрғындарының арасынан сақшыларды тағайындаңдар. Олар қала қабырғасын бойлай және өз үйлерінің қарсысында қарауылда тұратын болсын».

⁴Сол кезде қала кең-байтақ, ал ішіндегі халқы аз болатын. Қаладағы үйлер әлі де қайта салынбаған еді.

⁵Содан Құдай маған жетекшілер мен қызметкерлерді және жай халықты жинап, әрқайсысын шығу тектері бойынша тіркеп жазып алу жайлы ой салды. Мен ең бірінші болып елге қайтып келген оралмандардың [4] шежіре жазбасын тауып алып, сонда жазылған төмендегі сөздерді оқыдым:

⁶Бабыл патшасы Набуходоносор өз еліне жер аударып әкеткен тұтқындардан Яһуда аймағына қайтып келгендер мыналар. Олар Иерусалим мен Яһудаға, кезінде өз ата-бабалары мекендеген сондағы қалаларына қайта оралды.

⁷Олардың жетекшілері: Зоробабел, [5] Ешуа, Нехемия, [6] Азариях, Рағамиях, Нахамани, Мардохай, Билшан, Мисперет, Бигуай, Нехум, Бағанах.

⁷Қайта оралған исраилдіктердің жалпы саны:

⁸Пароштың ұрпақтары: екі мың бір жүз жетпіс екі адам.

⁹Шафатияхтың ұрпақтары: үш жүз жетпіс екі адам.

¹⁰Арахтың ұрпақтары: алты жүз елу екі адам.

¹¹Пахат-Моабтың Ешуа мен Жоғаб есімді екі ұлынан өрбіген ұрпақтары: екі мың сегіз жүз он сегіз адам.

¹²Еламның ұрпақтары: бір мың екі жүз елу төрт адам.

¹³Заттудың ұрпақтары: сегіз жүз қырық бес адам.

¹⁴Заққайдың ұрпақтары: жеті жүз алпыс адам.

¹⁵Бинуйдің ұрпақтары: алты жүз қырық сегіз адам.

¹⁶Бебайдың ұрпақтары: алты жүз жиырма сегіз адам.

¹⁷Азғадтың ұрпақтары: екі мың үш жүз жиырма екі адам.

¹⁸Адониқамның ұрпақтары: алты жүз алпыс жеті адам.

¹⁹Бигуайдың ұрпақтары: екі мың алпыс жеті адам.

²⁰Адиннің ұрпақтары: алты жүз елу бес адам.

²¹Атердің Езекияның тұқымынан шыққан ұрпақтары: [7] тоқсан сегіз адам.

²²Хашумның ұрпақтары: үш жүз жиырма сегіз адам.

²³Бесайдың ұрпақтары: үш жүз жиырма төрт адам.

²⁴Харифтің ұрпақтары: жүз он екі адам.

²⁵Гибеонның [8] ұрпақтары: тоқсан бес адам.

²⁶Бетлехем мен Нетопаттың адамдары: жүз сексен сегіз.

²⁷Анатоттың адамдары: жүз жиырма сегіз.

²⁸Бет-Азмауеттің адамдары: қырық екі.

²⁹Кирият-Иғарым, Кефира, Бегероттың адамдары: жеті жүз қырық үш.

³⁰Рамақ пен Гебаның адамдары: алты жүз жиырма бір.

³¹Миқмастың адамдары: жүз жиырма екі.

³²Бетел мен Айдың [9] адамдары: жүз жиырма үш.

³³Басқа Небоның адамдары: елу екі.

³⁴Басқа Еламның адамдары: бір мың екі жүз елу төрт.

³⁵Харымның адамдары: үш жүз жиырма.

³⁶Иерихонның адамдары: үш жүз қырық бес.

³⁷Лод, Хадид, Ононың адамдары: жеті жүз жиырма бір.

³⁸Сенаяхтың адамдары: үш мың тоғыз жүз отыз.

³⁹Діни қызметкерлер: Едаяхтың Ешуадан тараған ұрпақтары: тоғыз жүз жетпіс үш адам.

⁴⁰Имердің ұрпақтары: бір мың елу екі адам.

⁴¹Пашхурдың ұрпақтары: бір мың екі жүз қырық жеті адам.

⁴²Харымның ұрпақтары: бір мың он жеті адам.

⁴³Леуіліктер: Ешуаның және Қадмиелдің Ходеуа [10] арқылы тараған ұрпақтары: жетпіс төрт адам.

⁴⁴Әншілер: Асафтың ұрпақтары: жүз қырық сегіз адам.

⁴⁵Қақпа күзетшілері: Шаллум, Атер, Талмон, Ақуб, Хатита, Шобай есімді аталардың ұрпақтарының жалпы саны: жүз отыз сегіз адам.

⁴⁶Ғибадатхана қызметшілері: Сиха, Хасуфа, Таббаот,

⁴⁷Керос, Сиях, Падон,

⁴⁸Лебанах, Хагабах, Шалмай,

⁴⁹Ханан, Гиддел, Ғахар,

⁵⁰Реях, Ресин, Некода,

⁵¹Ғазам, Ұзза, Пасеах,

⁵²Бесай, Меуним, Нефисим,

⁵³Бақбұқ, Хақуфа, Хархур,

⁵⁴Баслут, Мехида, Харша,

⁵⁵Барқос, Сисара, Тамах,

⁵⁶Несиях, Хатифа есімді аталардың ұрпақтары.

⁵⁷Сүлейменнің қызметшілері: Сотай, Соферет, Перида,

⁵⁸Ялах, Дарқон, Гиддел,

⁵⁹Шафатиях, Хатил, Похерет-Хасебаим, Амон есімді аталардың ұрпақтары.

⁶⁰Ғибадатхана қызметшілері әрі Сүлейменнің қызметшілерінің ұрпақтарының жалпы саны: үш жүз тоқсан екі адам.

⁶¹Мыналар Тел-Мелах, Тел-Харша, Керуб, Аддан, Имер деген жерлерден көшіп келген еді, бірақ олар өздерінің қай әулеттен екенін, тіпті Исраил халқына жататындықтарын да дәлелдей алмады:

⁶²Делаях, Тобиях, Некода есімді аталардың ұрпақтары. Олардың жалпы саны: алты жүз қырық екі адам.

⁶³Діни қызметкерлердің Хобаях, Хақос, Барзилай есімді аталарының ұрпақтары да көшіп келген еді. Соңғы әулеттің арғы аталарының бірі ғилақадтық Барзилайдың [11] бір қызына үйленіп, қайын атасының атымен аталған болатын.

⁶⁴Осы оралмандар шежіре жазбаларынан өз ата-тектерін іздеп көрді, бірақ таба алмады. Сол себепті олар діни қызмет атқарудан шеттетілді.

⁶⁵Яһуда аймағының әкімі олар жөнінде былай деп шешті: «Нұр және Кемелділік [12] атты қасиетті жеребелер арқылы осы мәселе жайлы Құдайдың еркін біліп алатын діни қызметкер пайда болмайынша, олардың ғибадатханадағы ерекше киелі тартулардан жеулеріне болмайды». [13]

⁶⁶Бүкіл қауымның жалпы саны қырық екі мың үш жүз алпыс адам болды. [14]

⁶⁷Бұған қоса олардың жеті мың үш жүз отыз жеті еркек, әйел басыбайлы қызметшілері және екі жүз қырық бес еркек, әйел әншілері [15] болды.

⁶⁸Сондай-ақ, олардың жеті жүз отыз алты жылқысы, екі жүз қырық бес қашыры, [16]

⁶⁹төрт жүз отыз бес түйесі, алты мың жеті жүз жиырма есегі де бар еді.

⁷⁰Бірқатар әулет басшылары құрылыс жұмысына өз үлестерін қосты. Аймақтың әкімі қазынаға бір мың алтын теңге, елу алтын тостаған және діни қызметкерлерге арнап бес жүз отыз көйлек [17] тарту етті.

⁷¹Өзге әулет басшыларының бірнешеуі жұмыс қорына арнап жиырма мың алтын теңге және екі мың екі жүз қадақ күміс [18] берді.

⁷²Ал халықтың қалған бөлігінің тарту еткені жиырма мың алтын теңге, екі мың қадақ күміс және діни қызметкерлерге арналған алпыс жеті көйлек болды.

⁷³Сонымен діни қызметкерлер, леуіліктер, қақпа күзетшілері, әншілер, жалпы халықтың біразы және ғибадатхана қызметшілері өздерінің (Иерусалимнің маңайындағы) елді мекендеріне қоныстанды. Қалған Исраил халқы (бүкіл елдегі) өз қалаларына қайтып, сонда тұрып жатты. [19]