Таңдаулы ән 1:1-16 KZB2010 - Bible AI

³Ала кетші мені өзіңмен бірге, Жылдам жүгірейік екеуіміз, кәне! Патшам [3] мені кіргізді өз бөлмелеріне. (Қалыңдықтың құрбылары:) Саған шаттанып өзіңді жырлаймыз, Махаббатыңды шараптан көп мақтаймыз. (Қалыңдық:) Өзіңді ұнатқандарына осылардың, Уа, жаным, сен әбден лайықтысың!

⁴Өңім қара торы, әйтсе де сұлумын, Уа, қыздары Иерусалим қаласының. Қидардағы шатырлардай қара торымын, Сүлейменнің қара перделеріне ұқсаймын. [4] (Қалыңдық:)

⁵Қарамаңдаршы маған тесірейе, Бетімді күйдірді күн сәулелері. Ағаларым маған ашуланған еді, Баққызып қойды содан жүзімдіктерді, Сөйтіп күте алмадым өз жүзімдігімді. [5]

⁶Айтшы маған, уа, сүйіктім, қай жерде Бағып жүресің өз отарыңды? Әрі сен қайда барып, түскі кезде Тынықтырып аласың қойларыңды? Мен несіне қаңғырамын бет-перде Жамылған жүгенсіздей, достарыңның Отарлары арасынан сені іздеуге?

⁶ (Құрбылары:)

⁷Ең сұлу ару, сен мұны білмеймісің? Ұсақ малдың соқпақтарымен жүр сонда, Жайып бақ лақтарыңды өзіңнің Шопан қостарының маңайында.

⁸Жаным, сені ұқсатам сайгүлікке Жегілген перғауынның күймесіне. [6]

⁹Екі бетің көрікті сырғаларыңмен, Мойның да әп-әдемі алқаларыңмен!

¹⁰Өзіңе арнап күміспен көмкерілген Алтын сырғалар соқтырып беремін мен. (Қалыңдық:)

¹¹Патшам [7] дастарқан басына жайғасты, Иісмайымның жұпары сол тұста жайылды.

¹²Сүйіктім хош иісті мүр шайырындай, [8] Кеудемде аңқып тұрған қалташықтай,

¹³Ен-Геди [9] жүзімдігінің қынагүл шоғындай. [10] (Күйеу жігіт:)

¹⁴Уа, жаным, керемет қой сұлулығың, Көгершіндей қос жанарың, сондай сұлусың!

¹⁴ (Қалыңдық:)

¹⁵Қандай көріктісің, сүйгенім, сүйкімдісің! Көк шалғын болады төсегіміз біздің.

¹⁵ (Күйеу жігіт:)

¹⁶Самырсын бұтақтары шаңырағымыздай, Жұпар шыршалар уықтарымыздай.