Шежірелер 1-ж. 14:1-17 KZB2010 - Bible AI

¹Тир патшасы Хирам Дәуітке елшілерін, сондай-ақ самырсын бөренелерін, тас қалаушылар мен ағаш ұсталарын да жіберді. [1] Осы мамандар Дәуітке сарай салып берді.

²Сонда Дәуіт Исраилдің үстінен патша болуға өзін Жаратқан Иенің бекіткенін, әрі халқы Исраилдің игілігі үшін патшалық мәртебесін көтергенін түсінді.

³Иерусалимде тұрған кезінде Дәуіт тағы бірнеше әйел алып, көбірек ұл-қыз сүйді.

⁴Оның Иерусалимде дүниеге келген балаларының аттары мыналар: Шаммуа, [2] Шобаб, Натан, Сүлеймен,

⁵Ипхар, Әлишуа, Елпәлет,

⁶Ноғах, Непек, Япияқ,

⁷Әлишама, Әлияда, [3] Әлипәлет.

⁸Дәуіттің бүкіл Исраилдің үстінен патша болып тағайындалғанын естіген соң, барлық філістір жасақшылары Дәуітті іздеуге шықты. Бұл туралы хабар алған Дәуіт астананы тастап, оларға қарсы аттанды.

⁹Ал філістірлер Рефаим аңғарына [4] жетіп, сондағы тұрғындарға шабуыл жасап тонады.

¹⁰Дәуіт Құдайдан: — Өрлеп шық! Мен оларды сенің қолыңа тапсырамын!

¹⁰— Філістірлерге қарсы өрлеп шығайын ба? Оларды жеңіп шығуыма қол жеткіздіресің бе? — деп сұрады. Жаратқан Иенің жауабы мынау болды:

¹¹Сонымен Дәуіт Бағал-Перасимге өрлеп барып, філістірлерді сол жерде күйрете жеңді. Ол: «Су тасқыны жолындағының бәрін жайпайтынындай, Құдай да менің қолым арқылы жау саптарын бұзып-жарды!» — деді. Сондықтан сол жер Бағал-Перасим («Иенің бұзып-жарғаны») деп аталып кетті.

¹²Філістірлер қашқанда сол жерге өздерінің табынатын тәңірсымақтарын тастап кеткен еді. Дәуіттің әмірімен сол мүсіндер өртеліп жіберілді. [5]

¹³Кейін філістір жасақшыларға тағы да Рефаим аңғарына шабуыл жасады.

¹⁴Дәуіт қайтадан Құдайдың еркін сұрағанда, Құдайдың жауабы мынау болды: «Оларға тікелей қарсы аттанбай, айналып өтіп, арт жағынан тұт ағаштарының [6] алдынан кенеттен тап бер!

¹⁵Сен тұт ағаштарының үстінен басқан қадамдардың дыбысын [7] естіген кезде шайқасқа аттан! Бұл, Құдайдың філістірлердің жасағын шабу үшін сенің алдыңа шыққанын білдіреді».

¹⁶Құдай нені бұйырса, Дәуіт солай істеді. Содан олар філістірлердің жасағын Гибеоннан [8] тіпті Гәзерге дейін қырып-жойды.

¹⁷Осылайша Дәуіттің даңқы айналадағы күллі елдерге жайылып, [9] Жаратқан Ие халықтардың бәрін Дәуіттен қорқатын қылды. [10]