Шежірелер 1-ж. 2:1-55 KZB2010 - Bible AI

¹(Алғашқыда Жақып деп аталған) Исраилдің ұлдары: [1] Рубен, Шимон, Леуі, Яһуда, Исашар, Забулон,

²Дан, Жүсіп, Бунямин, Нафталим, Ғад, Ашир.

³Яһуданың ұлдары: Ер, Онан, Шелах. Осы үш ұлы Шуа есімді қанахандық адамның қызынан туған. Яһуданың тұңғыш ұлы Ердің мінез-құлқы Жаратқан Иеге жек көрінішті болғандықтан, Жаратқан Ие оның өмірін қысқа қылды. [2]

⁴Кейін Яһуданың келіні Тамар оған Парес пен Зарахты туды. Яһуданың барлығы бес ұлы болды.

⁵Парестің ұлдары: Хесрон мен Хамул.

⁶Зарахтың ұлдары: Зімри, Етан, Хеман, Халқол, Дара, барлығы бесеу.

⁷(Зарахтың шөбересі) Қарми ұлы Ахан Жаратқан Иеге бағышталған, жойылуға тиісті заттан алып, Исраилдің басына пәле келтірді. [3]

⁸Етанның ұлы: Азариях.

⁹Хесронның ұлдары: Ерахмел, Рам, Халеп. [4]

¹⁰Рамнан Әминадап, Әминадаптан Яһуданың рубасы Нағасон,

¹¹Нағасоннан Салмон, Салмоннан Боғоз,

¹²Боғоздан Ғабит, Ғабиттен Есей туды. [5]

¹³Есейдің ұлдары: тұңғышы Елияп, екіншісі Абинадап, үшіншісі Шаммах, [6]

¹⁴төртіншісі Нетанел, бесіншісі Раддай,

¹⁵алтыншысы Осем, ал жетіншісі Дәуіт (патша) еді.

¹⁶Есейдің қыздары: Сарұя, Әбигел. Сарұяның үш ұлы: Әбішай, Жоғаб, Асахил. [7]

¹⁷Әбигел ысмағұлдық Етерге күйеуге шығып, Амасаны [8] туды.

¹⁸Хесрон ұлы Халеп әйелі Азубадан мына ұлдарын сүйді: Ешер, Шобаб және Ардон. Халеп Ериоттан да бала сүйген.

¹⁹Азуба қайтыс болғанда, Халеп Ефратаға үйленді, ол Халепке Һұрды туды.

²⁰Һұрдан Ұри, ал Ұридан Беселиел [9] тарады.

²¹Кейінірек Хесрон жасы алпысқа толғанда, Ғилақадтың әкесі Махырдың [10] қызына үйленіп, одан Сегуб есімді ұлын сүйді.

²²Ғилақадтағы жиырма үш елді мекенді иемденген Жайыр [11] сол Сегубтің ұлы болатын.

²³Ал кейін Гешур мен Арама патшалықтары [12] Жайырдың қоныстарын және Кенат қаласын айналасындағы елді мекендерімен бірге жаулап алды. Сол елді мекендердің жалпы саны алпыс болған. Бұларда қоныстанғандардың барлығы Ғилақадтың әкесі Махырдан тарады.

²⁴Хесрон Халеп-Ефратада қайтыс болғаннан азғана уақыт өткенде, әйелі Абия оның ұлы Ашхұрды туды. Ашхұр Текояның әкесі болды. [13]

²⁵Хесронның тұңғыш ұлы Ерахмелдің [14] ұлдары: тұңғышы Рам, ал кейінгілері Буна, Орен, Осем, Ахиях еді.

²⁶Ерахмелдің Атара деген тағы бір әйелі болды, ол Онамды туды.

²⁷Ерахмелдің тұңғыш ұлы Рамның ұлдары: Мағас, Ямин, Екер.

²⁸Онамның ұлдары: Шаммай мен Ядақ. Шаммайдың ұлдары: Надаб, Абишур.

²⁹Абишурдың әйелінің аты Әбихаил, ол оған Ахбан мен Молидті туды.

³⁰Надабтың ұлдары: Селед, Афаим. Селед соңынан бала қалдырмай қайтыс болды.

³¹Ал інісі Афаимнан Иши, одан Шешан, одан Ахлай тарады.

³²Шаммайдың інісі Ядақтың ұлдары: Етер, Жонатан. Етер соңынан бала қалдырмай қайтыс болды.

³³Жонатанның ұлдары: Пелет, Заза. Осылардың барлығы Ерахмелден тараған ұрпақтар.

³⁴Шешанның ұлдары болмай, тек қыздары болды. Шешан Жарқа деген мысырлық қызметшісіне

³⁵бір қызын қосып, ол Аттайды туды. [15]

³⁶Аттайдан өрбіген ұрпақтар: Аттайдан Натан, одан Зауад,

³⁷одан Ефлал, одан Ғабит,

³⁸одан Еһу, одан Азариях,

³⁹одан Хелес, одан Елеаса,

⁴⁰одан Сисмай, одан Шаллум,

⁴¹одан Екамиях, одан Әлишама.

⁴²Ерахмелдің інісі Халептің [16] ұлдары: тұңғышы Меса, соның ұлы Зиф, ал екінші ұлы Мареша еді, ол Хебронның әкесі болды.

⁴³Хебронның ұлдары: Қорах, Таппуах, Рекем, Шема.

⁴⁴Шемадан өрбіген ұрпақтар: Шемадан Рахам, одан Жорқиям, одан Шаммай,

⁴⁵одан Мағон, одан Бет-Сұр.

⁴⁶Халептің Ефа есімді кәнизагы Харан, Моса, Ғазезді туды. Харанның ұлының есімі де Ғазез еді.

⁴⁷Яхдайдың ұлдары: Регем, Жотам, Гешан, Пелет, Ефа, Шағаф.

⁴⁸Халептің Маха есімді кәнизагы Шебер мен Тирханахты туды.

⁴⁹Мадманахтың әкесі Шағафты және Махбенах пен Гибеяның әкелері Шеуаны туған да сол Маха болатын. Халептің бір қызының есімі Ахса еді. [17]

⁵⁰Осылардың барлығы Халептің үрім-бұтағы.

⁵⁰Ефратаның тұңғышы Һұрдың [18] ұлдары: Кирият-Иғарымның басқарушысы Шобал,

⁵¹Бетлехемнің басқарушысы Салмон, Бетгәдердің басқарушысы Хареф.

⁵²Кирият-Иғарымның басқарушысы Шобалдың ұрпақтары: Хароге, [19] Манахат тұрғындарының жартысы

⁵³әрі Кирият-Иғарымды мекендеген Итір, Пұт, Шумат, Мишра атты әулеттер. Бұлардан Сора мен Ештағолдың тұрғындары тарады. [20]

⁵⁴Салмонның ұрпақтары: Бетлехем, Нетопат және Атырот-Бет-Жоғабтың тұрғындары, Манахат тұрғындарының қалған жартысы және Сораның тұрғындары.

⁵⁵Ябесте тұрып жатқан хатшылар: [21] Тират, Шимеят, Суха атты әулеттер. Бұлар Рехап әулетінің басшысы Хаматтан тараған кендіктер. [22]