Шежірелер 1-ж. 3:1-24 KZB2010 - Bible AI

¹Дәуіттің [1] Хебронда дүниеге келген ұлдары: тұңғышы — Амнон, оның шешесі ізрелдік Ахиноғам еді. Екінші ұлы Даниял [2] кәрмелдік Әбигелден туды.

²Үшіншісі — Абессалом, оның шешесі Гешур патшасы Талмайдың қызы Маха болатын. Төртінші ұлы — Адонияхтың шешесі Аггит,

³бесіншісі — Шафатияхтың шешесі Абитал, ал алтыншысы — Ітерамның шешесі Дәуіттің өзге әйелі Әгла болды.

⁴Осы алты ұлы Дәуіттің Хебронда жеті жыл алты ай патшалық құрған кезінде туды. [3]

⁴Бұдан кейін Дәуіт Иерусалимде отыз үш жыл патшалық құрды. [4]

⁵Сонда дүниеге келген ұлдарының есімдері мыналар: Шаммуа, [5] Шобаб, Натан, Сүлеймен. Бұл төртеуін Елиям қызы Барсабия [6] туды.

⁶Сол тұста Дәуіттің Ипхар, Әлишуа, Елпәлет,

⁷Ноғах, Непек, Япияқ,

⁸Әлишама, Әлияда және Әлипәлет деген ұлдары да дүниеге келді: барлығы тоғыз.

⁹Дәуіттің ұлдары осылар, ал соларға қоса оның кәнизактарынан туған ұлдары да болды. Тамар [7] Дәуіттің ұлдарына әпке-қарындас болатын.

¹⁰Дәуіт ұлы Сүлейменнен өрбіген ұрпақтар: Сүлейменнен Рохабоғам, одан Абиях, одан Аса, одан Жосапат,

¹¹одан Жорам, одан Охозиях, одан Жоғас,

¹²одан Амасиях, одан Азариях (яғни Ұзиях), [8] одан Жотам,

¹³одан Ахаз, одан Езекия, одан Манаса,

¹⁴одан Амон, одан Жосия.

¹⁵Жосияның ұлдары: тұңғышы Жоханан, екіншісі Жохақым, үшіншісі Седекиях, төртіншісі Шаллум. [9]

¹⁶Жохақымнан кейін патша болғандар: оның ұлы Ехониях және туған інісі Седекиях. [10]

¹⁷Бабылдықтар тұтқындап алып кеткен Ехонияхтың ұрпақтары мыналар: өз ұлы Салатиел,

¹⁸әрі Малқирам, Педаях, Шенасар, Екамиях, Хошама, Недабиях.

¹⁹Педаяхтың ұлдары: Зоробабел, [11] Шимей. Зоробабелдің ұлдары: Мешулам, Хананиях, олардың әпке-қарындасы: Шеломит.

²⁰Зоробабелдің бұлардан басқа тағы бес ұлы: Хашуба, Оһел, Барақиях, [12] Хасадиях, Жушап-Хесед болды.

²¹Хананияхтан өрбіген ұрпақтар: Пелатиях пен Ишая әрі Рефаяхтың, Арнанның, Абадияхтың және Шеханияхтың ұлдары. [13]

²²Шеханияхтың ұрпақтары: Шемаях және оның ұлдары Хатуш, [14] Иғал, Бариях, Неариях, Шапат, барлығы алтау.

²³Неарияхтың ұлдары: Елиохенай, Езекия, Азыриқам, барлығы үшеу.

²⁴Елиохенайдың ұлдары: Ходауиях, Елияшип, Пелаях, Ақуб, Жоханан, Делаях, Анани, барлығы жетеу.