1 Bassekabaka 4:1-34 LGCB2014 - Bible AI

¹Kabaka Sulemaani nʼaba kabaka wa Isirayiri yonna.

²Era bano be baali abakungu be:

²Azaliya[11] muzzukulu wa Zadooki, yali kabona,

³Erikolefu ne Akiya, batabani ba Sisa, baali bawandiisi,

³Yekosafaati mutabani wa Akirudi, yali mujjukiza,

⁴Benaya mutabani wa Yekoyaada, yali muduumizi wʼeggye omukulu,

⁴Zadooki ne Abiyasaali baali bakabona,

⁵Azaliya mutabani wa Nasani, yali mukulu wʼabaami,

⁵Zabudi mutabani wa Nasani, yali kabona ate nga ye muwi wa magezi wa kabaka omukulu,

⁶Akisaali, yali ssabakaaki wa kabaka;

⁶ne Adoniraamu mutabani wa Abuda, yali mukulu wʼabaddu.

⁷Sulemaani yalina abakungu kkumi na babiri abaakuliranga Isirayiri yonna, era baavunaanyizibwanga ebyokulya bya kabaka nʼabʼomu nnyumba ye. Buli omu kyamugwaniranga okusolooza ebyokulya okumala omwezi gumu buli mwaka.

⁸Era gano ge mannya gaabwe:

⁸Benikuli, mu nsi eyʼensozi eya Efulayimu;

⁹Benidekeri, mu Makazi, mu Saalubimu, mu Besusemesi, ne mu Eronubesukanani;

⁹

¹⁰Benikesedi, mu Alubbosi, Soko nʼensi yonna eyʼe Kefera yali yiye;

¹⁰

¹¹Beniyabinadabu eyali awasizza Tafasi muwala wa Sulemaani, mu kifo kyonna ekigulumivu ekyʼe Doli;

¹¹

¹²Baana mutabani wa Akirudi, mu Taanaki ne Megiddo, ne mu Besuseyani yonna ekiriraanye Zalesani wansi wʼe Yezuleeri, okuva ku Besuseyani okutuuka ku Aberumekola okuyita ku Yokumeyaani;

¹²

¹³Benigeberi, mu Lamosugireyaadi, ebibuga bya Yayiri mutabani wa Manase mu Gireyaadi byali bibye, era nʼessaza Alugobu eriri mu Basani nʼebibuga byayo enkaaga ebyalina bbugwe ne wankaaki owʼekikomo;

¹³

¹⁴Akinadaabu mutabani wa Iddo, mu Makanayimu;

¹⁴

¹⁵Akimaazi eyali awasizza Basemesi muwala wa Sulemaani, mu Nafutaali,

¹⁵

¹⁶Baana mutabani wa Kusaayi, mu Aseri ne mu Beyaloosi;

¹⁶

¹⁷Yekosafaati mutabani wa Paluwa, mu Isakaali;

¹⁷

¹⁸Simeeyi mutabani wa Era, mu Benyamini;

¹⁸

¹⁹Geberi mutabani wa Uli, mu Gireyaadi, ensi ya Sikoni kabaka wʼAbamoli, nʼensi ya Ogi kabaka wʼe Basani. Ye yali omwami yekka akulira essaza.

²⁰Abantu ba Yuda ne Isirayiri baali bangi nga bali ngʼomusenyu ku lubalama lwʼennyanja, era baalyanga, ne banywanga nga basanyuka.

²¹ⓚ Sulemaani nʼafuga obwakabaka bwonna okuva ku Mugga Fulaati okutuuka ku nsi eyʼAbafirisuuti nʼokutuuka ku nsalo eyʼe Misiri, era baamuleeteranga ebirabo, era ne bamuweerezanga ennaku zonna ezʼobulamu bwe[12].

²²Bye baasoloolezanga Sulemaani ebya buli lunaku byali ebigero byʼobutta obulungi kilo mukaaga nʼobutundu mukaaga, nʼebigero ebyʼobutta obutaali buse, kilo kumi na ssatu nʼobutundu bubiri;

²³ente eza ssava kkumi, nʼente ezaavanga mu ddundiro amakumi abiri, wamu nʼendiga kikumi, nʼenjaza, nʼempeewo, nʼennangaazi, nʼenkoko ze baalondangamu.

²⁴Yafuganga ensi yonna eri emitala wʼOmugga Fulaati, okuva e Tifusa[13] okutuuka e Gaaza, era yalina emirembe enjuuyi zonna okumwetooloola.

²⁵Mu mirembe gya Sulemaani, Yuda ne Isirayiri yonna, okuva e Ddaani okutuuka e Beeruseba buli muntu yalina emirembe, era ngʼalina ennimiro ye eyʼemizabbibu nʼeyʼemitiini.

²⁶ⓛ Sulemaani yalina ebisibo byʼembalaasi ezisika amagaali enkumi nnya, nʼabasajja abeebagala embalaasi omutwalo gumu mu enkumi bbiri.

²⁷Abaami ba masaza, buli mwezi baalabiriranga Kabaka Sulemaani wamu nʼabaatuulanga ku mmeeza ye, nga bamuweereza ebyokulya.

²⁸Era baaleetanga sayiri nʼessubi olwʼembalaasi ezʼembiro nʼembalaasi endala, buli muntu ngʼomulimu gwe bwe gwali gwe yalagirwa.

²⁹Katonda nʼawa Sulemaani amagezi nʼokutegeera kungi nnyo nʼobugunjufu bungi, ngʼomusenyu oguli ku mabbali gʼennyanja.

³⁰Amagezi ga Sulemaani gaali mangi nnyo okukira agʼabasajja bonna abʼebuvanjuba[14], ate nʼokusinga ago agʼe Misiri.

³¹ⓜ Yali mugezi okukira abantu bonna, era nʼokukira Esani Omwezulaki, ne Kemani, ne Kalukoli ne Daluda batabani ba Makoli, era erinnya lye ne lyatiikirira mu mawanga gonna ageetoolodde.

³²ⓝ Yagera engero enkumi ssatu, nʼennyimba ze zaali lukumi mu ttaano.

³³Yayogera ku bulamu bwe bimera, okuva ku muvule gwa Lebanooni okutuuka ku ezobu amera ku bbugwe. Ate era yayogera ne ku nsolo nʼennyonyi, nʼebyewalula nʼebyennyanja.

³⁴Era abantu bangi okuva mu mawanga gonna ne bajjanga okuwuliriza amagezi ga Sulemaani, nga batumiddwa bakabaka okuva mu nsi yonna, abaali bawulidde ku magezi ge.