1 Bassekabaka 7:1-51 LGCB2014 - Bible AI

¹Sulemaani kyamutwalira ebbanga lya myaka kkumi nʼesatu okuzimba olubiri lwe.

²Nʼazimba olubiri nga luli ngʼEkibira kya Lebanooni[20], obuwanvu mita amakumi ana mu mukaaga, nʼobugazi mita amakumi abiri mu ssatu, nʼobugulumivu mita kkumi na ssatu nʼekitundu, nga luwaniriddwa ku mpagi nnya ezʼemivule.

³Ne luserekebwa nʼemivule ku mikiikiro amakumi ana mu etaano, buli lunyiriri nga lulimu kkumi na ttaano.

⁴Waaliwo amadirisa agaateekebwa mu nnyiriri ssatu, buli limu nga litunuulidde linnaalyo.

⁵Buli mulyango gwalina omwango nga gwa nsonda nnya, era nga gitunuuliraganye mu nnyiriri ssatu.

⁶Nʼazimba ekisenge ekinene ekyʼempagi obuwanvu mita amakumi abiri mu ssatu nʼobugazi mita kkumi na ssatu nʼekitundu. Mu maaso gaakyo waaliwo ekisasi, ekyali kiwaniriddwa empagi ezʼemiti.

⁷Yazimba nʼekisenge ekinene omwali entebe eyobwakabaka, nga kye kisenge mwe yasaliranga emisango, era nga kyonna kyʼateekebwamu emivule okuva wansi okutuuka waggulu.

⁸ⓥ Olubiri lwe yali agenda okubeeramu olwali emanju wʼekisenge ekinene lwali lukifaanana. Nʼazimbira ne muwala wa Falaawo, gwe yali awasizza, olulufaanana.

⁹Okuva ku musingi okutuuka waggulu, ebizimbe ebyo byonna nʼoluggya olunene, byazimbibwa nʼamayinja agaagerebwa ne gasalibwa nʼemisumeeno, mu bigera byago.

¹⁰Omusingi gwʼazimbibwa nʼamayinja amanene amalungi, agamu ngʼobuwanvu genkana mita nnya nʼekitundu nʼamalala ngʼobuwanvu genkana mita ssatu nʼobutundu mukaaga.

¹¹Waggulu okumpi nʼakasolya waaliyo amayinja agʼomuwendo omungi, agatemebwa nga bwe gaagerebwa, nʼemiti egyʼemivule.

¹²Oluggya olunene lwali lwetooloddwa bbugwe owʼembu ssatu ezʼamayinja amateme, nʼolubu olumu nga lwa miti egyʼemivule, ngʼekisasi ekyʼomu maaso nʼoluggya olwʼomunda olwa yeekaalu bwe byali bizimbiddwa.

¹³Kabaka Sulemaani nʼatumya Kiramu owʼe Ttuulo, eyali mutabani wa nnamwandu owʼomu kika kya Nafutaali.

¹⁴Kitaawe yali musajja wʼe Ttuulo nga muweesi wa bikomo. Kiramu yali musajja mugezi, mumanyirivu nnyo era ngʼategeera emirimu egyʼebyebikomo egya buli ngeri. Nʼagenda eri Kabaka Sulemaani, nʼakola emirimu gyonna egya muweebwa.

¹⁵Kiramu nʼakola empagi bbiri ezʼekikomo, buli emu obuwanvu mita munaana nʼakatundu kamu, nʼokwetooloola buli emu mita ttaano nʼobutundu buna.

¹⁶Waggulu wa buli mpagi nʼassaako ebitikkiro ebyalina ebitimba ebyʼomulimu ogwʼekikomo, nʼemigo egyʼomulimu ogwʼemikuufu egyalukibwa.

¹⁷Nʼakola empagi zombi nʼebitikkiro byakwo nga zitimbiddwa buli emu ngʼerina ebiruke ngʼamalanga agʼamakomamawanga, musanvu.

¹⁸Ebitikkiro ebyali ku mpagi ezʼolubalaza zakolebwa ngʼamalanga agʼebimuli ebyʼamakomamawanga.

¹⁹Ebitikkiro ebyʼempagi byali ngʼamalanga nga ziri mita emu nʼobutundu munaana obugulumivu.

²⁰Ku buli nkufiira eyʼempagi kwaliko ekifaanana ngʼebakuli okuliraana nʼomulimu ogufaanana ngʼekintu ekiruke, era waaliwo amakomamawanga ebikumi bibiri mu mbu okwetooloola ebitikkiro ebyo.

²¹Nʼakola empagi bbiri ku lubalaza lwa yeekaalu, emu nʼagizimba ku luuyi olwʼobukiikaddyo nʼagituuma Yakini, nʼeyokubiri nʼagizimba ku luuyi olwʼobukiikakkono nʼagituuma Bowaazi.

²²Ebitikkiro byabyo byakolebwako ebimuli ebyʼamalanga, era bwe gutyo omulimu ogwʼokuzimba empagi ne guggwa.

²³Nʼakola ttanka[21] ennene eyʼekikomo ekisaanuuse, nga neekulungirivu ngʼeri mita nnya nʼekitundu okuva ku mugo okutuuka ku mugo, ne mita bbiri nʼobutundu busatu obugulumivu. Obwekulungirivu bwali mita kkumi na ssatu nʼekitundu.

²⁴Wansi wʼomugo gwayo kwaliko entaabwa okugyetooloola, kkumi buli butundu busatu obwa mita, era nga ziri embu bbiri, ezasaanuusibwa nayo.

²⁵Ettanka ennene yatuulanga ku bifaananyi byʼente ennume kkumi na bbiri, esatu nga zitunudde mu bukiikakkono, nʼendala essatu nga zitunudde ebugwanjuba, nʼendala essatu nga zitunudde mu bukiikaddyo, nʼendala essatu nga zitunudde ebuvanjuba, era ngʼebitundu byabyo ebyʼemabega nga bitunuuliraganye mu masekkati gaayo.

²⁶Obugazi bwayo yali oluta lumu, nʼomugo gwayo gwakolebwa ngʼomugo gwʼekibya, ngʼekimuli kyʼamalanga. Yajjulanga lita emitwalo ena mu enkumi nnya.

²⁷Nʼakola nʼebitebe ebiseetulwa, mu bikomo buli kimu obuwanvu bwakyo mita emu nʼobutundu munaana, nʼobugazi bwe bumu, ate obugulumivu mita emu nʼobutundu busatu.

²⁸Ebitebe ebyo byʼakolebwa bwe biti: byalina enkulukumbi mu myango gyabyo.

²⁹Ku nkulukumbi wakati mu myango mwalimu ebifaananyi bya bakerubi nʼebyʼempologoma, nʼebyʼente ennume; kwaliko nʼebintu ebireebeeta ebyakolebwa nʼemikono.

³⁰Buli kitebe kyʼalina nnamuziga nnya ezʼebikomo, nʼentobo za nnamuziga nga za bikomo, era nga buli kimu kirina ebensani ewaniriddwa mu nsonda nnya nʼemisituliro egyasaanuusibwa, nga ku buli musituliro kuliko ebireebeeta.

³¹Ekitebe ekimu kyalina akamwa akalina omwango omwekulungirivu ogwali kitundu kya mita mu kukka. Akamwa kaagwo kaali keekulungirivu nʼomulimu ogwa wansi kwe kyaterezebwanga, nga gwa butundu musanvu obwa mita mu kukka. Ku kamwa kaagwo kwaliko enjola, nʼenkulumbi zaakyo nga si nnekulungirivu naye ngʼenjuyi zonna zenkanankana.

³²Nnamuziga ennya zaali wansi wʼenkulumbi; nʼemisingi gya nnamuziga gyali gikomereddwa ku kitebe. Okusala mu bukiika bwa nnamuziga emu bwali obutundu musanvu obwa mita.

³³Nnamuziga zaakolebwa nga nnamuziga ezʼamagaali, era kwaliko emisingi, nʼempanka, nʼempagi, nʼemisumaali nga byonna byʼakolebwa mu kyuma ekisaanuuse.

³⁴Kwaliko emisituliro ena ku nsonda ennya eza buli kitebe era gyonna nga gya kika kyekimu nʼekitebe.

³⁵Ku ntikko eya buli kitebe kwaliko engeri eyʼekikoba ekyekulungirivu; okukka kwakyo obutundu bubiri obwa mita, nʼembiriizi zaakyo nʼenkulukumbi ebyagiwaniriranga, byakwatagananga ku ntikko.

³⁶Ku biwanirira ne ku nkulukumbi, Kiramu yakolako ebifaananyi ebyole ebya bakerubi, nʼebyʼempologoma, nʼebyʼenkindu mu buli kifo omwali ebbanga, era nʼayolako ebimuli okwetooloola.

³⁷Bwʼatyo bwe yakola ebitebe ekkumi. Byonna yabikola mu kyuma ekisaanuuse kyekimu, era nʼabikola byonna nga bya kigero kyekimu, nʼokufaanana nga bifaanana.

³⁸ⓦ Nʼalyoka akola amabensani kkumi, nga ga kikomo, buli emu ngʼegyamu lita lunaana mu kinaana, era buli emu nga yenkana mita emu ne desimoolo munaana obugazi, ate buli bensani ngʼetuula ku kitebe kyayo.

³⁹Nʼaddira ebitebe bitaano ku byo nʼabiteeka ku luuyi olwʼobukiikaddyo obwa yeekaalu, nʼebitaano ebirala ku luuyi olwʼobukiikakkono; nʼateeka Ennyanja ku luuyi olwʼobukiikaddyo obwʼebuvanjuba obwa yeekaalu.

⁴⁰Nʼakola nʼensuwa, nʼamabensani, nʼebijiiko, nʼamabensani agʼokumansira.

⁴⁰Bwʼatyo Kiramu nʼamaliriza omulimu gwa yeekaalu ya Mukama gwonna gwe yakolera Kabaka Sulemaani.

⁴¹Empagi ebbiri zombi; ebitikkiro byombi ebyʼebibya ebyayolebwa waggulu ku mpagi; embu ebbiri ezʼebitimbe ebyali ku bitikkiro byombi ebyʼempagi;

⁴²nʼebitone ebikumi ebina ebyʼamakomamawanga ebyali mu mbu ebbiri, ebyali bibikka ku nkufiira ezʼempagi;

⁴²

⁴³ebitebe ekkumi nʼamabensani gaakwo agaabituulangako kkumi;

⁴³

⁴⁴ettanka ennene nʼebifaananyi ebyʼente ennume ekkumi nʼebbiri ebyali wansi wʼettanka ennene;

⁴⁴

⁴⁵nʼensuwa, nʼebijiiko, nʼamabensani agamansira.

⁴⁵Ebintu byonna Kiramu bye yakolera Kabaka Sulemaani ku lwa yeekaalu ya Mukama byali bya bikomo bizigule.

⁴⁶Kabaka yalagira babisaanuusize mu lusenyi lwa Yoludaani awali ettaka eryʼebbumba wakati wʼe Sukkosi ne Zalesani.

⁴⁷Sulemaani teyapima bintu ebyo byonna, kubanga byali biyitiridde obungi; era tewali yapima buzito obwʼekikomo ebintu mwe byakolebwa.

⁴⁸ⓧ Awo Sulemaani nʼakozesa nʼebintu ebirala byonna ebyateekebwa mu yeekaalu ya Mukama: ekyoto ekya zaabu; emmeeza eya zaabu okwaberanga emigaati egyʼokulaga;

⁴⁹ⓨ ebikondo byʼettaala[22] ebya zaabu ennongoose, bitaano ku luuyi olwa ddyo nʼebitaano ku luuyi olwa kkono, byonna awamu kkumi, mu kifo awaayimirirwanga okwogera;

⁴⁹obusumbi bwʼebimuli; ettabaaza ne makansi nga bya zaabu;

⁵⁰bbensani, ne makansi ezisala ebisirinza, ne bbakuli ezifukirira, nʼebibya ne fulampeni, nga bya zaabu ennongoose;

⁵⁰eminyolo gyʼenzigi egyʼekisenge ekyʼomunda ddala, kye Kifo Ekitukuvu Ennyo nga gya zaabu, nʼegyʼenzigi ezʼekisenge ekinene ddala ekya yeekaalu nga gya zaabu.

⁵¹ⓩ Omulimu gwonna Kabaka Sulemaani gwe yakola ku yeekaalu ya Mukama bwe gwaggwa, nʼaleeta ebintu Dawudi kitaawe bye yayawulirako Mukama, effeeza ne zaabu nʼebintu ebirala byonna, nʼabiteeka mu mawanika ga yeekaalu ya Mukama.