1 Ebyomumirembe 11:1-47 LGCB2014 - Bible AI

¹ⓝ Isirayiri yenna ne bakuŋŋaanira eri Dawudi e Kebbulooni, ne boogera nti, “Laba tuli ba mubiri gwo, na musaayi gwo.

²ⓞ Mu biro ebyʼedda, Sawulo bwe yali kabaka ggwe wakulembera Isirayiri mu ntalo. Era Mukama Katonda wo nʼakugamba nti, ‘Ggwe olirabirira abantu bange Isirayiri, era oliba mukulembeze waabwe.’ ”

³ⓟ Awo abakadde ba Isirayiri bonna ne bakuŋŋaanira eri Kabaka Dawudi e Kebbulooni, nʼakola endagaano nabo e Kebbulooni mu maaso ga Mukama, era ne bafuka amafuta ku Dawudi okuba kabaka wa Isirayiri, nga Mukama bwe yasuubiza mu kigambo kye ngʼayita mu Samwiri.

⁴ⓠ Awo Dawudi ngʼali wamu nʼAbayisirayiri bonna ne boolekera Yerusaalemi, ye Yebusi. Ne basangayo Abayebusi abaabeerangamu.

⁵Abayebusi ne bagamba Dawudi nti, “Tojja kuyingira muno.” Naye Dawudi nʼawamba ekigo kya Sayuuni, kyʼekibuga kya Dawudi.

⁶ⓡ Dawudi yali asuubizza nti, “Oyo anaakulembera okulumba Abayebusi, ye aliba Omuduumizi wʼeggye omukulu.” Awo Yowaabu mutabani wa Zeruyiya nʼabakulembera era nʼaweebwa obukulu obwo.

⁷Awo Dawudi nʼabeeranga mu kigo, era ne kituumibwa Ekibuga kya Dawudi.

⁸ⓢ Nʼazimba ekibuga okukyetooloola, okuva ku Miiro okutuukira ddala ku bbugwe wʼekibuga, ate Yowaabu ye nʼaddaabiriza ebitundu ebirala ebyʼekibuga.

⁹ⓣ Awo Dawudi ne yeeyongeranga okuba owʼamaanyi, kubanga Mukama owʼEggye yali wamu naye.

¹⁰Bano be baali abasajja abalwanyi abazira aba Dawudi, abaamuwagiranga ennyo mu bwakabaka bwe, wamu ne Isirayiri yenna okumufuulira ddala kabaka owʼenkalakkalira ngʼekigambo kya Mukama kye yasuubiza Isirayiri bwe kyali;

¹¹ⓤ Yasobeyamu Omukakumoni, eyali omukulu wʼabaduumizi abasatu; era yayimusiza abasajja abalwanyi bisatu effumu lye bonna nʼabatta mu lulumbagana lumu.

¹²Eyamuddiriranga mu buyinza ye yali Eriyazaali mutabani wa Dodo Omwakowa, era nga yʼomu ku baduumizi abasatu.

¹³Yali wamu ne Dawudi e Pasudawinimu, bwe baali bakuŋŋaanidde eyo okulwana, mu nnimiro eyalimu sayiri omungi, era abaserikale badduka Abafirisuuti.

¹⁴Naye baayimirira wakati mu nnimiro ne bagirwanirira, era ne batta Abafirisuuti, nga Mukama yʼabawadde obuwanguzi.

¹⁵Awo abasajja basatu ne balaga mu mpuku ya Adulamu omwali Dawudi, nga nʼeggye lyʼAbafirisuuti lisiisidde mu kiwonvu Lefayimu.

¹⁶Mu kiseera ekyo Dawudi yali mu kigo, nga nʼeggye lyʼAbafirisuuti liri e Besirekemu.

¹⁷Dawudi nʼayagala amazzi, nʼagamba nti, “Singa wabaddewo omuntu anfunira amazzi agʼokunywa agʼomu luzzi oluli okumpi ne wankaaki ya Besirekemu.”

¹⁸ⓥ Awo abasajja abazira abasatu ne bawaguza mu ggye lyʼAbafirisuuti, ne basena amazzi okuva mu luzzi oluli okumpi ne wankaaki wa Besirekemu, era ne bagatwalira Dawudi. Naye Dawudi mu kifo kyʼokuganywa yagawaayo ngʼagafuka eri Mukama.

¹⁹Nʼagamba nti, “Nnyinza ntya okunywa omusaayi gwʼabasajja bano, abawaddeyo obulamu bwabwe, okumpi nʼokubufiirwa?” Olwʼokuwaayo obulamu bwabwe okugaleeta, Dawudi yali tasobola kuganywa. Obwo nno bwe bwali obuzira bwʼabasajja abo.

²⁰Abisayi muganda wa Yowaabu ye yali omukulu wʼabo abasatu, era oyo ye yayimusiza effumu abasajja abalwanyi bisatu era nʼabatta, era kyeyava ayatiikirira mu basatu.

²¹Yali mwatiikirivu nnyo okusinga abasatu, aboolubereberye, era nʼaba muduumizi waabwe, newaakubadde nga teyabalibwa ngʼomu ku bakulu.

²²Benaya mutabani wa Yekoyaada yali mulwanyi omuzira owʼe Kabuzeeri, eyakola ebyobuzira bingi, era nʼokutta yatta abasajja ababiri abaali basingayo amaanyi mu Mowaabu. Ate era yakka mu bunnya mu biro ebyʼomuzira nʼatta empologoma.

²³Yatta Omumisiri omuwanvu ennyo eyali fuuti musanvu nʼekitundu. Newaakubadde nga Omumisiri yalina effumu eryenkana omuti ogulukirwako engoye, Benaya ye yagenda gyali ngʼalina omuggo, era nʼamuggyako effumu, nʼalimuttisa.

²⁴Ebyo bye bimu ku byobuzira Benaya mutabani wa Yekoyaada bye yakola, era naye nʼayatiikirira nga bali abasajja abasatu abʼamaanyi.

²⁵Yaweebwa ekitiibwa kya waggulu nnyo okusinga abakulu amakumi asatu, newaakubadde nga teyatuuka ku ssa lya bali abasatu. Era Dawudi yamufuula omukulu wʼabambowa be.

²⁶Abasajja abazira abʼeggye baali: Asakeri muganda wa Yowaabu, ne Erukanani mutabani wa Dodo owʼe Besirekemu,

²⁷ne Sammosi Omukalooli,

²⁷ne Kerezi Omuperoni;

²⁸ne Ira mutabani wa Ikkesi Omutekowa,

²⁸ne Abiyezeeri Omwanasosi,

²⁹ne Sibbekayi Omukusasi,

²⁹ne Irayi Omwakowa,

³⁰ne Makalayi Omunetofa,

³⁰ne Keredi mutabani wa Bayaana Omunetofa,

³¹ne Isayi mutabani wa Libayi owʼe Gibea owʼekika kya Benyamini,

³¹ne Benaya Omupirasoni,

³²ne Kulayi owʼoku bugga obwʼe Gaasi,

³²ne Abyeri Omwaluba

³³ne Azimavesi Omubakalumi,

³³ne Eriyaba Omusaaluboni,

³⁴batabani ba Kasamu Omugizoni,

³⁴ne Yonasaani mutabani wa Sage Omukalali;

³⁵ne Akiyamu mutabani wa Sakali Omukalali,

³⁵ne Erifali mutabani wa Uli,

³⁶ne Keferi Omumekera,

³⁶ne Akiya Omuperoni,

³⁷ne Kezulo Omukalumeeri,

³⁷ne Naalayi mutabani wa Ezubayi,

³⁸ne Yoweeri muganda wa Nasani,

³⁸ne Mibukali mutabani wa Kaguli;

³⁹ne Zereki Omwamoni,

³⁹ne Nakalayi Omubeerosi, eyʼetikkanga ebyokulwanyisa bya Yowaabu mutabani wa Zeruyiya,

⁴⁰ne Ira Omuyisuli,

⁴⁰ne Galebu Omuyisuli,

⁴¹ne Uliya Omukiiti,

⁴¹ne Zabadi mutabani wa Akulayi,

⁴²ne Adina mutabani wa Siza Omulewubeeni, eyali omukulembeze wa Balewubeeni, nʼamakumi asatu abaabeeranga naye,

⁴²

⁴³ne Kanani mutabani wa Maaka,

⁴³ne Yosafaati Omumisuni,

⁴⁴ne Uzziya Omwasutaloosi,

⁴⁴ne Samma ne Yeyeeri batabani ba Kosamu Omwaloweri,

⁴⁵ne Yediyayeri mutabani wa Simuli,

⁴⁵ne muganda we Yoka, nga bombi Batiizi,

⁴⁶ne Eryeri Omumakavi,

⁴⁶ne Yeribayi ne Yosaviya batabani ba Erunaamu, ne Isuma Omumowaabu,

⁴⁷ne Eryeri, ne Obedi ne Yaasiyeri Omumezoba.