1 Ebyomumirembe 23:1-32 LGCB2014 - Bible AI

¹Awo Dawudi bwe yawangaala ennyo nʼakaddiwa emyaka mingi nʼafuula Sulemaani mutabani we okuba kabaka wa Isirayiri.

²Era yakuŋŋaanya abakulembeze ba Isirayiri bonna, wamu ne bakabona nʼAbaleevi.

³Abaleevi abaali baweza emyaka amakumi asatu nʼokusingawo baabalibwa, nʼomuwendo gwʼabasajja bonna gwali emitwalo esatu mu kanaana.

⁴Awo Dawudi nʼagamba nti, “Ku abo emitwalo ebiri mu enkumi nnya be banaalabiriranga omulimu ogwa yeekaalu ya Mukama, ate kakaaga banaabanga bakungu nʼabalamuzi.

⁵Enkumi nnya banaabanga baggazi, ate enkumi ennya abasigaddewo be banatenderezanga Mukama nʼebivuga bye nateekateeka ku lwʼokutendereza.”

⁶Awo Dawudi nʼagabanyamu Abaleevi mu bibinja ngʼabaana ba Leevi bwe baali: Gerusoni, ne Kokasi ne Merali.

⁷Abaana ba Gerusoni baali Ladani ne Simeeyi.

⁸Batabani ba Ladani baali

⁸Yekyeri omukulu, ne Zesamu, ne Yoweeri, basatu bonna awamu.

⁹Batabani ba Simeeyi baali era be baali abakulu bʼennyumba ya Ladani.

⁹Seromosi, ne Kasiyeri, ne Kalani, basatu bonna awamu,

¹⁰Batabani ba Simeeyi omulala be bana bonna awamu.

¹⁰Yakasi, ne Zina, ne Yewusi ne Beriya,

¹¹Yakasi ye yali omukulu, ne Ziza ye yali owookubiri, naye Yewusi be Beriya tebaalina baana noolwekyo baabalibwa ngʼekika kimu era nga bakola omulimu gwe gumu.

¹²Batabani ba Kokasi baali Amulaamu, ne Izukali, ne Kebbulooni ne Wuziyeeri, be bana.

¹³ⓛ Batabani ba Amulaamu baali Alooni yayawulibwa, ye nʼabazzukulu be emirembe gyonna, atukuzenga ebintu ebitukuvu ennyo, okuwangayo ssaddaaka eri Mukama, nʼokumuweerezanga, era nʼokusabanga omukisa mu linnya lye emirembe gyonna.

¹³Alooni ne Musa.

¹⁴Batabani ba Musa omusajja wa Katonda babalibwa nga ba mu kika kya Leevi.

¹⁴

¹⁵Batabani ba Musa baali

¹⁵Gerusomu ne Eryeza.

¹⁶Mu bazzukulu ba Gerusomu,

¹⁶Sebweri ye yali omukulu.

¹⁷Mu bazzukulu ba Eryeza, Eryeza teyalina baana balala, naye batabani ba Lekabiya baali bangi ddala.

¹⁷Lekabiya ye yali omukulu.

¹⁸Mu batabani ba Izukali,

¹⁸Seromisi ye yali omukulu.

¹⁹Mu batabani ba Kebbulooni,

¹⁹Yeriya omukulu, Amaliya nga wakubiri, Yakaziyeri nga wakusatu, ne Yekameyamu nga ye wookuna.

²⁰Mu batabani ba Wuziyeeri,

²⁰Mikka ye yali omukulu, ne Issiya nga ye wookubiri.

²¹Batabani ba Merali baali Makuli ne Musi. Batabani ba Makuli baali Eriyazaali ne Kiisi.

²²Eriyazaali nʼafa nga tazadde baana babulenzi wabula aboobuwala bokka. Baganda baabwe, batabani ba Kiisi be babawassa.

²²

²³Batabani ba Musi baali

²³Makuli, Ederi ne Yeremosi be basatu.

²⁴Abo be baali abazzukulu ba Leevi mu bika byabwe, ngʼemitwe gyʼennyumba bwe gyali giwandiikibbwa mu mannya gaabwe, era nga bwe baabalibwa buli kinoomu, be bakozi abaalina emyaka amakumi abiri nʼokusingawo abaaweerezanga mu yeekaalu ya Mukama.

²⁵Dawudi yali agambye nti, “Olwʼokuba Mukama Katonda wa Isirayiri, awadde abantu be emirembe, era abeera mu Yerusaalemi emirembe gyonna,

²⁶Abaleevi tekikyabagwaniranga kusitula eweema oba ebintu ebikozesebwa mu kuweereza.”

²⁷ⓜ Nga bagoberera ebigambo bya Dawudi ebyasembayo, Abaleevi abaabalibwa baali ba myaka amakumi abiri nʼokusingawo.

²⁸Omulimu gwabwe gwali gwa kuyambanga bazzukulu ba Alooni mu buweereza obwa yeekaalu ya Mukama, nga bavunaanyizibwa mu mpya ne mu bisenge, ne mu kutukuzanga ebintu byonna ebitukuvu, nʼokukola emirimu emirala mu nnyumba ya Katonda.

²⁹Baavunaanyizibwanga emigaati egyʼokulaga ku mmeeza, nʼobutta obulungi obwʼekiweebwayo ekyʼobutta, nʼobugaati obutazimbulukusibbwa, nʼokufumba, nʼokutabula, olwʼebiweebwayo, nʼebigero byonna mu bungi bwabyo ne mu bunene bwabyo.

³⁰Be baayimiriranga okwebazanga nʼokutenderezanga Mukama buli nkya na buli akawungeezi,

³¹ne mu kuwaayo ebiweebwayo ebyokebwa, ebyaweebwangayo ku ssabbiiti, nʼemyezi nga kye gijje giboneke, ne ku mbaga ezaateekebwawo. Kyabagwaniranga okuweerezanga mu maaso ga Mukama obutayosa, mu mpalo zaabwe, nga bwe balagibwa.

³²Awo Abaleevi ne bakolanga emirimu gyabwe mu Weema eyʼOkusisinkanirangamu, ne mu Kifo Ekitukuvu, nga bayamba baganda baabwe bazzukulu ba Alooni, okuweerezanga okwʼomu yeekaalu ya Mukama.