1 Ebyomumirembe 25:1-31 LGCB2014 - Bible AI

¹Awo Dawudi nʼabaduumizi bʼeggye, ne baawula abamu ku batabani ba Asafu, nʼaba Kemani, nʼaba Yedusuni okuweereza, nʼokukola obunnabbi, nga bwe bakuba ennanga, nʼentongooli, nʼebitaasa. Olukalala lwʼabasajja abaakolanga omulimu ogwʼokuweereza okwo, lwali:

²Ku batabani ba Asafu: Zakkuli, ne Yusufu, ne Nesaniya ne Asalera, era abo nga bakulirwa Asafu, eyakolanga ogwʼobunnabbi, ate ye ngʼakulirwa kabaka.

³Ku batabani ba Yedusuni: Gedaliya, ne Zeri, ne Yesaya, ne Simeeyi, ne Kasabiya ne Mattisiya, be mukaaga awamu, nga bakulirwa kitaabwe Yedusuni, eyakolanga ogwʼobunnabbi, nga bwʼakuba nʼennanga nga beebaza nʼokutendereza Mukama.

⁴Ku batabani ba Kemani kabona wa kabaka: Bukkiya, ne Mattaniya, ne Wuziyeeri, ne Sebuweri, ne Yerimosi, ne Kananiya, ne Kanani, ne Eriyaasa, ne Giddaluti, ne Lomamutyezeri, ne Yosubekasa, ne Mallosi, ne Kosiri, ne Makaziyoosi.

⁵Abo bonna baali baana ba Kemani nnabbi aweereza kabaka, abaamuweebwa olwʼokusuubiza kwa Katonda, okuyimusanga erinnya lye. Katonda yamuwa abaana aboobulenzi kkumi na bana, nʼaboobuwala basatu.

⁶Abo bonna baavunaanyizibwanga ba kitaabwe, olwʼokuyimba mu yeekaalu ya Mukama, nga bakuba ebitaasa, nʼentongooli, nʼennanga, olwʼokuweerezanga okwʼomu nnyumba ya Katonda. Asafu, ne Yedusuni, ne Kemani baali bakolera wansi kabaka.

⁷Omuwendo gwʼabo nʼeŋŋanda zaabwe abatendekebwa ne bakuguka mu byʼokuyimbira Mukama baali ebikumi bibiri mu kinaana mu munaana.

⁸Bonna baakubira obululu emirimu gye baaweebwa, abato nʼabakulu, omutendesi ne gwe batendeka.

⁹Akalulu akaasooka akaali aka Asafu kagwa ku Yusufu, batabani be nʼabʼeŋŋanda ze, kkumi na babiri; akookubiri kagwa ku Gedaliya, batabani be, nʼabʼeŋŋanda ze — kkumi na babiri (12);

¹⁰akookusatu kagwa ku Zakkuli, batabani be nʼabʼeŋŋanda ze — kkumi na babiri (12);

¹¹akookuna kagwa ku Izuli, batabani be nʼabʼeŋŋanda ze — kkumi na babiri (12);

¹²akookutaano kagwa ku Nesaniya, batabani be nʼabʼeŋŋanda ze — kkumi na babiri (12);

¹³akʼomukaaga kagwa ku Bukiya, batabani be, nʼabʼeŋŋanda ze — kkumi na babiri (12);

¹⁴akʼomusanvu kagwa ku Yesalera, batabani be, nʼabʼeŋŋanda ze — kkumi na babiri (12);

¹⁵akʼomunaana kagwa ku Yesaya, batabani be nʼabʼeŋŋanda ze — kkumi na babiri (12);

¹⁶akʼomwenda kagwa ku Mattaniya, batabani be, nʼabʼeŋŋanda ze — kkumi na babiri (12);

¹⁷akʼekkumi kagwa ku Simeeyi, batabani be nʼabʼeŋŋanda ze — kkumi na babiri (12);

¹⁸akʼekkumi nʼakamu kagwa ku Azaleri, batabani be nʼabʼeŋŋanda ze — kkumi na babiri (12);

¹⁹akʼekkumi noobubiri kagwa ku Kasabiya, batabani be nʼabʼeŋŋanda ze — kkumi na babiri (12);

²⁰akʼekkumi noobusatu kagwa ku Subayeri, batabani be nʼabʼeŋŋanda ze — kkumi na babiri (12);

²¹akʼekkumi noobuna kagwa ku Mattisiya, batabani be nʼabʼeŋŋanda ze — kkumi na babiri (12);

²²akʼekkumi noobutaano kagwa ku Yeremosi, batabani be nʼabʼeŋŋanda ze — kkumi na babiri (12);

²³akʼekkumi nʼomukaaga kagwa ku Kananiya, batabani be nʼabʼeŋŋanda ze — kkumi na babiri (12);

²⁴akʼekkumi nʼomusanvu kagwa ku Yosubekasa, batabani be nʼabʼeŋŋanda ze — kkumi na babiri (12);

²⁵akʼekkumi nʼomunaana kagwa ku Kanani, batabani be nʼabʼeŋŋanda ze — kkumi na babiri (12);

²⁶akʼekkumi nʼomwenda kagwa ku Mallosi, batabani be nʼabʼeŋŋanda ze — kkumi na babiri (12);

²⁷akʼamakumi abiri kagwa ku Eriyaasa, batabani be nʼabʼeŋŋanda ze — kkumi na babiri (12);

²⁸akʼamakumi abiri mu akamu kagwa ku Kosiri, batabani be, nʼabʼeŋŋanda ze — kkumi na babiri (12);

²⁹akʼamakumi abiri mu bubiri kagwa ku Giddaluti, batabani be nʼabʼeŋŋanda ze — kkumi na babiri (12);

³⁰akʼamakumi abiri mu busatu, kagwa ku Makaziyoosi, batabani be nʼabʼeŋŋanda ze — kkumi na babiri (12);

³¹akʼamakumi abiri mu buna kagwa ku Lomamutyezeri, batabani be nʼabʼeŋŋanda ze — kkumi na babiri (12).