1 Ebyomumirembe 27:1-34 LGCB2014 - Bible AI

¹Luno lwe lukalala lwʼAbayisirayiri emitwe gyʼennyumba, abaduumizi bʼolukumi, nʼabaduumizi bʼekikumi abaaweerezanga kabaka nga bamutegeeza buli nsonga eyakwatanga ku bibinja ebyʼeggye, ebyabeeranga ku mpalo buli mwezi mu mwaka. Buli kibinja kyalimu abasajja emitwalo ebiri mu enkumi nnya.

²Yasobeyamu mutabani wa Zabudyeri ye yavunaanyizibwanga ekibinja ekisooka, era kyalimu abasajja emitwalo ebiri mu enkumi nnya.

³Yali muzzukulu wa Perezi, ate nga mukulu wʼabaami bʼeggye mu mwezi ogwasooka

³

⁴Dodayi Omwakowa ye yavunaanyizibwanga ekibinja ekyʼomwezi ogwokubiri nga Mikuloosi ye mukulu owʼekibinja ekyo. Mwalimu abasajja emitwalo ebiri mu enkumi nnya mu kibinja ekyo.

⁴

⁵Benaya mutabani wa Yekoyaada kabona ye yali omuduumizi owʼeggye owookusatu mu mwezi gwokusatu, era yali mwami. Kyalimu abasajja emitwalo ebiri mu enkumi nnya.

⁶Oyo ye Benaya eyali omusajja owʼamaanyi mu bali amakumi asatu, era nga ye mukulu mu bo. Mutabani we Ammizabaadi yavunaanyizibwanga ekibinja ekyo.

⁶

⁷Asakeri muganda wa Yowaabu ye yavunaanyizibwanga ekibinja ekyokuna mu mwezi ogwokuna, era mutabani we Zebadiya ye yamusikira. Ekibinja ekyo kyalimu abasajja emitwalo ebiri mu enkumi nnya.

⁷

⁸Samukusi Omuyizula ye yali omuduumizi owʼekibinja ekyokutaano mu mwezi ogwokutaano, era kyalimu abasajja emitwalo ebiri mu enkumi nnya.

⁸

⁹Ira mutabani wa Ikkesi Omutekowa ye yali omukulu owʼekibinja ekyʼomukaaga mu mwezi ogwʼomukaaga, era kyalimu abasajja emitwalo ebiri mu enkumi nnya.

⁹

¹⁰Kerezi Omuperoni, ate nga muzzukulu wa Efulayimu ye yali omukulu owʼekibinja ekyʼomusanvu mu mwezi ogwʼomusanvu, era kyalimu abasajja emitwalo ebiri mu enkumi nnya.

¹⁰

¹¹Seibbekayi Omukusasi, ate nga wa ku Bazera ye yali omukulu owʼekibinja ekyʼomunaana mu mwezi ogwʼomunaana, era kyalimu abasajja emitwalo ebiri mu enkumi nnya.

¹¹

¹²Abiyezeeri Omwanasosi, ate nga wa ku Babenyamini ye yali omukulu owʼekibinja ekyʼomwenda mu mwezi ogwʼomwenda, era kyalimu abasajja emitwalo ebiri mu enkumi nnya.

¹²

¹³Makalayi Omunetofa, ate nga wa ku Bazera ye yali omukulu owʼekibinja ekyʼekkumi mu mwezi ogwʼekkumi, era kyalimu abasajja emitwalo ebiri mu enkumi nnya.

¹³

¹⁴Benaya Omupirasoni, ate nga muzzukulu wa Efulayimu ye yali omukulu owʼekibinja ekyʼekkumi nʼomu mu mwezi ogwʼekkumi nʼogumu, era kyalimu abasajja emitwalo ebiri mu enkumi nnya.

¹⁴

¹⁵Kerudayi Omwetofa, owʼomu nnyumba ya Osuniyeri, ye yali omukulu owʼekibinja ekyʼekkumi nʼababiri mu mwezi ogwʼekkumi nʼebiri, era kyalimu abasajja emitwalo ebiri mu enkumi nnya.

¹⁵

¹⁶Abataka abʼebika bya Isirayiri baali: eyafuganga Abasimyoni yali Sefatiya mutabani wa Maaka;

¹⁶eyafuganga Abalewubeeni yali Eryeza mutabani wa Zikuli;

¹⁷eyafuganga Leevi yali Kasabiya mutabani wa Kemweri;

¹⁷eyafuganga Alooni yali Zadooki;

¹⁸eyafuganga Yuda yali Eriku, omu ku baganda ba Dawudi;

¹⁸eyafuganga Isakaali yali Omuli mutabani wa Mikayiri;

¹⁹eyafuganga Zebbulooni yali Isumaaya mutabani wa Obadiya;

¹⁹eyafuganga Nafutaali yali Yeremozi mutabani wa Azulyeri;

²⁰eyafuganga Abefulayimu yali Koseya mutabani wa Azaziya;

²⁰eyafuganga ekitundu kyʼekika kya Manase yali Yoweeri mutabani wa Pedaya;

²¹eyafuganga ekitundu kyʼekika kya Manase ekirala ekyabeeranga mu Gireyaadi yali Iddo mutabani wa Zekkaliya;

²¹eyafuganga Benyamini yali Yaasiyeri mutabani wa abuneeri;

²²nʼeyafuganga Ddaani yali Azaleri mutabani wa Yerokamu.

²²Abo be baali abataka abaakuliranga ebika bya Isirayiri.

²³ⓣ Dawudi teyabala muwendo ogwʼabasajja abaali abaakamaze emyaka abiri nʼabaali tebanaba kugituusa, kubanga Mukama yali asuubiza okufuula Abayisirayiri abangi ngʼemmunyeenye ezʼomu ggulu.

²⁴ⓤ Naye Yowaabu mutabani wa Zeruyiya nʼatandika okubala abasajja, nʼatamaliriza. Obusungu bwa Mukama ne bubuubuukira ku Isirayiri olwʼokubala okwo, so nʼomuwendo ogwo tegwawandiikibwa mu kitabo ekyʼebyomumirembe gya kabaka Dawudi.

²⁵Azumavesi mutabani wa Adyeri yavunaanyizibwanga amawanika ga kabaka, ne Yonasaani mutabani wa Uzziya nʼavunaanyizibwanga amawanika agʼamasaza nʼagʼebibuga, agʼebyalo, nʼagʼebigo.

²⁶Ezuli mutabani wa Kerubu ye yavunaanyizibwanga abalimi abʼomu nnimiro.

²⁷Simeeyi Omulaama ye yavunaanyizibwanga ennimiro zʼemizabbibu, ne Zabudi Omusifumu ye nʼavunaanyizibwanga ebibala ebyʼennimiro olwʼamasenero agʼomwenge.

²⁸Baalukanani Omugedera ye yavunaanyizibwanga emizeeyituuni nʼemisukomooli egyali mu nsenyi ezʼebugwanjuba; ne Yowaasi ye nʼavunaanyizibwanga amawanika gʼamafuta.

²⁹Situlayi Omusaloni ye yavunaanyizibwanga ebisibo mu Saloni, ne Safati mutabani wa Adulayi nʼavunaanyizibwanga ebisibo ebyali mu biwonvu.

³⁰Obiri Omuyisimayiri ye yavunaanyizibwanga eŋŋamira, ne Yedeya Omumeronoosi ye nʼavunaanyizibwanga endogoyi.

³¹Yazizi Omukaguli ye yavunaanyizibwanga ebisibo ebyʼendiga. Abo bonna be baali abakungu ba kabaka Dawudi abaavunaanyizibwanga ebintu bye.

³²Yonasaani, kitaawe wa Dawudi omuto yali muteesa wa bigambo, era nga musajja mutegeevu omuwandiisi, ne Yekyeri mutabani wa Kakumoni ye yali mukuza wʼabalangira.

³³Akisoferi naye yali muteesa wa kabaka, ate nga Kusaayi Omwaluki ye mukwano gwa kabaka nnyo.

³⁴Yekoyaada mutabani wa Benaya ne Abiyasaali be badda mu bigere bya Akisoferi.

³⁴Yowaabu ye yali muduumizi wʼeggye lya kabaka.