1 Samwiri 21:1-15 LGCB2014 - Bible AI

¹Dawudi nʼagenda e Nobu eri Akimereki kabona. Akimereki nʼajja ngʼakankana okusisinkana Dawudi, nʼamubuuza nti, “Lwaki oli wekka? Tewali muntu mulala ali wamu naawe?”

²Dawudi nʼaddamu Akimereki kabona nti, “Kabaka alina ensonga gye yantumye, nʼaŋŋamba nti, ‘Tewaba nʼomu amanya ku nsonga eno, era nʼebiragiro bye nkuwadde.’ Abasajja bange mbagambye we banansisinkana.

³Kale nno kiki kyʼolina wo? Mpaayo emigaati etaano, oba kyonna kyʼolinawo.”

⁴ⓥ Kabona nʼaddamu Dawudi nti, “Sirinaawo migaati gya bulijjo okuggyako emigaati egyatukuzibwa, wabula nga abasajja bo beetukuza era nga beekuumye obuteetaba na bakazi.”

⁵ⓦ Dawudi nʼamugamba nti, “Abakazi tebabeera naffe, era bulijjo bwe kitera okuba bwe tugenda ku mulimu. Emibiri gyʼabasajja giba mitukuvu ne bwe baba ku ŋŋendo eza bulijjo. Kale obanga tutera okwekuuma, olowooza leero emibiri gyabwe tegisinga nnyo kuba mitukuvu?”

⁶ⓧ Awo kabona nʼamuwa emigaati egyatukuzibwa kubanga tewaaliwo migaati mirala wabula emigaati egyʼOkulaga egyaggibwanga mu maaso ga Mukama, buli lunaku nga giwoze, egibuguma ne gissibwawo mu kifo kya gyo.

⁷Ku lunaku olwo omu ku baweereza ba Sawulo eyayitibwanga Dowegi Omwedomu, era nga ye mukulu wʼabasumba ba Sawulo, yali asigadde mu maaso ga Mukama okutukuzibwa.

⁸Dawudi nʼabuuza Akimereki nti, “Tolinaawo ffumu newaakubadde ekitala awo? Ssaayise na kitala kyange newaakubadde ekyokulwanyisa nʼekimu, kubanga omulimu kabaka gwe yantumye gwabadde gwa kukolerawo.”

⁹Kabona nʼamuddamu nti, “Ekitala kya Goliyaasi Omufirisuuti gwe wattira mu kiwonvu Era, weekiri wano; kisabikiddwa mu lugoye emabega wʼekkanzu eyʼobwakabona eyitibwa efodi. Bwʼoba ngʼokyetaaga, kitwale. Tewaliwo kitala kirala wabula ekyo.”

⁹Dawudi nʼayogera nti, “Tewali kikyenkana; kimpe.”

¹⁰Ku lunaku olwo Dawudi nʼadduka Sawulo nʼagenda eri Akisi kabaka wʼe Gaasi.

¹¹ⓨ Naye abaweereza ba Akisi ne bamugamba nti, “Oyo si ye Dawudi kabaka wʼensi? Si gwe bayimbako nga bazina, nga boogera nti,

¹¹‘Sawulo asse enkumi ze ne Dawudi emitwalo gye?’ ”

¹²ⓩ Dawudi nʼakuuma ebigambo ebyo mu mutima gwe, era nʼatya nnyo Akisi kabaka wʼe Gaasi.

¹³ⓐ Kyeyava yeefuula omulalu mu maaso gaabwe, nʼaba ngʼagudde eddalu, nʼawandiika ebitategeerekeka ku wankaaki, nga bwʼakulukusa amalusu ku birevu bye.

¹⁴Akisi nʼagamba abaweereza be nti, “Mulabe! Omusajja mulalu! Lwaki mumundeetedde?

¹⁵Mbuliddwa abalalu, nʼokuleeta ne mundeetera omusajja ono okukola ebifaanana bwe biti mu maaso gange? Omusajja ono asaana okuggya mu nnyumba yange?”