2 Ebyomumirembe 17:1-19 LGCB2014 - Bible AI

¹ⓠ Yekosafaati mutabani wa Asa nʼasikira Asa bwʼatyo nʼafuuka kabaka, nʼokwenyweza ne yeenyweza eri Isirayiri.

²Nʼateeka abaserikale mu bibuga ebiriko bbugwe ebya Yuda, nʼateeka nʼeggye mu Yuda, ne mu bibuga ebya Efulayimu, kitaawe Asa bye yali awambye.

³Mukama nʼabeera wamu ne Yekosafaati kubanga mu buto bwe yatambuliranga mu makubo ga jjajjaawe Dawudi ge yatambulirangamu. Teyeebuuza ku Babaali,

⁴naye yanoonya Katonda wa kitaawe, era nʼagoberera amateeka ge okusinga engeri za Isirayiri.

⁵ⓡ Mukama nʼanyweza obwakabaka mu mukono gwe, era Yuda yenna ne baleetera Yekosafaati ebirabo, nʼaba nʼobugagga bungi nʼekitiibwa kinene.

⁶ⓢ Omutima gwe ne gunywerera mu kkubo lya Mukama, nʼokuggyawo nʼaggyawo ebifo ebigulumivu nʼebifaananyi bya Baasera mu Yuda.

⁷Mu mwaka ogwokusatu ogwʼobufuzi bwe, nʼatuma abakungu be bano: Benikayiri, ne Obadiya, ne Zekkaliya, ne Nesaneeri, ne Mikaaya okugenda nga bayigiriza mu bibuga bya Yuda.

⁸Ne wabaawo nʼAbaleevi abagenda nabo: Semaaya, ne Nesaniya, ne Zebadiya, ne Asakeri, ne Semiramoosi, ne Yekonasaani, ne Adoniya, ne Tobbiya, ne Tobadoniya, wamu ne Erisaama ne Yekolaamu.

⁹ⓣ Ne bayigiriza mu Yuda yonna, nga bakozesa Ekitabo ekya Mateeka ga Mukama; ne babuna mu bibuga byonna ebya Yuda ne bayigiriza abantu.

¹⁰Awo entiisa ya Mukama nʼegwa ku bwakabaka obwʼamawanga agaali geetoolodde Yuda, ne batakola ntalo na Yekosafaati.

¹¹Abamu ku Bafirisuuti ne baleetera Yekosafaati ebirabo, ne ffeeza ngʼomusolo, ate Abawalabu ne bamuleetera ebisibo ebyʼendiga ennume kasanvu mu lusanvu, nʼembuzi kasanvu mu lusanvu.

¹²Yekosafaati ne yeeyongeranga amaanyi, nʼazimba ebigo nʼebibuga ebyʼamaterekero mu Yuda,

¹³nʼabeera nʼebyamaguzi bingi ddala mu bibuga bya Yuda. Yalina nʼabaserikale abatendeke mu Yerusaalemi nga bazira.

¹⁴Okubalibwa ngʼenju za bakitaabwe bwe zaali kwali bwe kuti; Aduna omuduumizi owʼabasajja abalwanyi emitwalo amakumi asatu (300,000),

¹⁴Okuva mu Yuda, abaduumizi abʼebibinja ebyʼolukumi (1,000) baali:

¹⁵nʼeyamuddiriranga yali Yekokanani omuduumizi owʼabasajja emitwalo amakumi abiri mu munaana (280,000);

¹⁵

¹⁶ⓤ nʼeyamuddiriranga yali Amasiya mutabani wa Zikuli, eyeewaayo obwebange okuweerezanga Mukama, omuduumizi owʼabasajja emitwalo amakumi abiri (200,000).

¹⁶

¹⁷Okuva mu Benyamini:

¹⁷Eriyada, omuserikale omuzira, eyaduumiranga abasajja abʼobusaale nʼengabo emitwalo amakumi abiri (200,000),

¹⁸nʼeyamuddiriranga ye yali Yekozabadi eyaduumiranga abasajja emitwalo kkumi na munaana abaali beeteeseteese okulwana (180,000).

¹⁹Abo be basajja abaaweerezanga kabaka, obutassaako abo abaali mu bibuga ebyaliko bbugwe nʼebigo okubuna Yuda yonna.