Abaruumi 16:1-27 LGCB2014 - Bible AI

¹Kaakano mbanjulira Foyibe mwannyinaffe, era omuweereza wʼekkanisa[6] eyʼomu Kenkereya.

²Mumwanirize mu Mukama waffe, nga bwe kigwanidde abatukuvu, era muyimirire naye nga mumuyamba mu nsonga yonna gye yeetaaga, kubanga naye yennyini yayamba bangi era nange kennyini.

³Mundabire Pulisikira ne Akula, bwe tukola omulimu mu Kristo Yesu,

⁴abeewaayo wakiri okutemwako emitwe olwʼobulamu bwange, era si beebaza bokka wabula nʼEkkanisa zʼAbamawanga zonna.

⁴

⁵Mutuuse okulamusa kwange eri abo bonna abakuŋŋaana ngʼekkanisa mu maka gaabwe.

⁵Mundabire mukwano gwange omwagalwa Epayineeto, kye kibala ekyʼolubereberye ekyʼomu Asiya eri Kristo.

⁶Mundabire Maliyamu eyabakolera ennyo.

⁶

⁷Mundabire Anduloniiko ne Yuniya abʼekika kyange, abaasibibwa awamu nange mu kkomera, era bassibwamu nnyo ekitiibwa abatume era be bansooka okubeera mu Kristo.

⁷

⁸Mundabire Ampuliyaato omwagalwa wange mu Mukama waffe.

⁸

⁹Mundabire Ulubano, mukozi munnaffe mu Kristo, nʼomwagalwa waffe Sutaku.

⁹

¹⁰Mundabire Apere, asiimibwa mu Kristo.

¹⁰Mundabire nʼabʼomu nnyumba ya Alisutobulo.

¹¹Mundabire Kerodiyoni muganda wange.

¹¹Mundabire abʼomu nnyumba ya Nalukiso.

¹²Mundabire Terufayina ne Terufoosa, abaakola ennyo omulimu gwa Mukama waffe.

¹²Mundabire Perusi omwagalwa eyakola ennyo omulimu mu Mukama waffe.

¹³Mundabire Luufo Mukama gwe yalonda, era ne nnyina ali nga mmange.

¹³

¹⁴Mundabire Asunkulito ne Felegoni, ne Kerume, ne Patuloba, ne Keruma era nʼabooluganda abali nabo.

¹⁴

¹⁵Mundabire Firologo ne Yuliya, ne Nerewu ne mwannyina, ne Olumpa nʼabatukuvu bonna abali awamu nabo.

¹⁵

¹⁶Mulamusagane nʼokunywegera okutukuvu.

¹⁶Ekkanisa zonna eza Kristo, zibalamusizza.

¹⁷Noolwekyo mbakuutira abooluganda mwegenderezenga abo abaleeta enjawukana, nʼebyʼesittaza ebikontana nʼokuyigiriza kwe mwayiga, era mubakubenga amabega.

¹⁸Kubanga abantu ngʼabo tebaweereza Mukama waffe Yesu, wabula embuto zaabwe. Bakozesa ebigambo ebirungi ebyʼokuwaanawaana nga balimbalimba emitima gyʼabanafu.

¹⁹Kubanga amawulire agʼokuwulira kwammwe gaabuna mu bantu bonna, kyenvudde mbasanyikira. Naye njagala mubenga bagezi mu kukola obulungi, era abalongoofu abeewala ekibi.

²⁰Kaakano Katonda owʼemirembe ajja kubetentera Setaani wansi wʼebigere byammwe, mangu. Ekisa kya Mukama waffe Yesu kibeerenga nammwe.

²¹Timoseewo mukozi munnange, ne Lusiya ne Yasooni wamu ne Sosipateri, baganda bange, babatumidde.

²²Nange Terutiyo[7] awandiika ebbaluwa eno, mbatumidde mu Mukama waffe.

²³Gayo[8] ansuza, nʼekkanisa yonna babalamusizza. Mundabire Erasuto omuwanika wʼekibuga, ne Kwaluto muganda we.

²⁴Ekisa kya Mukama waffe Yesu Kristo kibeerenga nammwe mwenna. Amiina.

²⁵Kaakano eri oyo ayinza okubanyweza ngʼenjiri yange nʼokubuulira mu Kristo Yesu bwe biri, ngʼekyama kyʼokubikkulirwa ebyʼebiro ebyʼemirembe nʼemirembe ebyasirikirwa, bwe kiri,

²⁶kaakano nga bannabbi bwe baayogerera mu byawandiikibwa, ngʼekiragiro kya Katonda ataggwaawo bwe kiri, olwʼokugonda mu kukkiriza eri Abaamawanga bonna abaamanyibwa,

²⁷Katonda omu yekka owʼamagezi, agulumizibwenga ku bwa Yesu Kristo, emirembe nʼemirembe. Amiina.