Ekyabalamuzi 14:1-20 LGCB2014 - Bible AI

¹Awo Samusooni nʼaserengeta e Timuna[12] nʼalaba omukazi mu bawala abʼAbafirisuuti.

²Nʼaddayo eka, nʼategeeza kitaawe ne nnyina ngʼagamba nti, “Nalabye omukazi ku bawala abʼAbafirisuuti mu Timuna. Kale mumumpasize kaakano.”

³Awo kitaawe ne nnyina ne bamugamba nti, “Tewali mukazi nʼomu mu baganda bo newaakubadde mu Bantu bange gwʼoyinza kuwasa, olyoke ogende ofune omukazi okuva mu Bafirisuuti abatali bakomole?” Naye Samusooni nʼaddamu kitaawe nti, “Mpasiza oyo kubanga ye gwe nsiimye.”

⁴Kitaawe ne nnyina tebaamanya ekyo nga kyava eri Mukama Katonda, kubanga Mukama yali anoonya ensonga ku Bafirisuuti. Mu biro ebyo Abafirisuuti be baafuganga Isirayiri.

⁵Awo Samusooni ne kitaawe ne nnyina ne bagenda e Timuna. Bwe baali basemberedde ennimiro zʼemizabbibu egyʼomu Timuna, empologoma ento nʼewuluguma nga bwʼemulumba.

⁶Awo Omwoyo wa Mukama Katonda nʼamukkako, nʼayuzaayuza empologoma nʼemikono gye ngʼayuzaayuza akabuzi akato, naye nʼatabaako kyʼategeeza kitaawe newaakubadde nnyina.

⁷Samusooni nʼaserengeta nʼagenda nʼanyumya nʼomukazi era nʼamusiima.

⁸Ebbanga bwe lyayitawo, nʼaddayo okumuwasa, naye aba ali ku lugendo, nʼakyama okulaba omulambo gwʼempologoma, era laba, nga mu mulambo gwʼempologoma mulimu enjuki nʼomubisi gwʼenjuki.

⁹Nʼatoola ku mubisi nʼengalo ze, nʼatambula nʼagenda. Bwe yasiŋŋaana kitaawe ne nnyina nabo nʼabawaako ne balya, wabula nʼatabagamba nti omubisi ogwo gwe balya aguggye mu mulambo gwʼempologoma.

¹⁰Awo nʼaserengeta ne kitaawe eri omukazi, era Samusooni nʼakolerayo embaga ngʼempisa yʼabawasa bwe yali.

¹¹Abafirisuuti bwe bajja okulaba Samusooni, ne bamuwa bannaabwe amakumi asatu okumuwerekerako.

¹²Awo Samusooni nʼabagamba nti, “Kaakano ka mbakokkolere ekikokko. Bwe mulikivvuunula ennaku omusanvu ezʼembaga nga tezinnaggwaako, ndibawa ebyambalo ebya linena amakumi asatu, nʼemiteeko gyʼengoye amakumi asatu.

¹³Naye bwe kinaabalema okuddamu, muteekwa okumpa ebyambalo ebya linena amakumi asatu, nʼemiteeko gyʼengoye amakumi asatu.” Ne bamugamba nti, “Kokkola ekikokko kyo tukiwulire.”

¹⁴Nʼabagamba nti, “Mu muli mwavaamu ekyokulya Mu wʼamaanyi mwavaamu ekiwoomerera.” Ennaku ssatu ne ziyitawo nga bakyalemeddwa okuvvuunula ekikokko.

¹⁵Awo ku lunaku olwokuna ne bagamba mukazi wa Samusooni nti, “Sendasenda balo atuvvuunulire ekikokko. Bwe kitaabe bwe kityo tujja kukwokya omuliro ggwe nʼennyumba ya kitaawo. Mwatuyita kutunyaga, si bwe kiri?”

¹⁶Mukazi wa Samusooni nʼagenda gyʼali ngʼakaaba amaziga, ngʼagamba nti, “Ddala ddala onkyawa so tonjagala. Wakokkolera abasajja bʼomu bantu bange ekikokko, naye nʼotakivvuunula.”

¹⁶Nʼamuddamu nti, “Laba sinnakivuunulira kitange newaakubadde mmange, noolwekyo lwaki nkikuvuunulira?”

¹⁷Nʼamukaabirira okumala ebbanga eryo lyonna eryʼembaga, olwo nʼalyoka akimuvuunulira, kubanga yamwetayirira nnyo. Nʼoluvannyuma omukazi nʼannyonnyola abasajja bʼomu bantu be ekikokko.

¹⁸Awo ku lunaku olwʼomusanvu enjuba nga tennagwa abasajja abʼomu kibuga ne bagamba Samusooni nti, Nʼabaddamu nti, “Singa temwalimya nnyana yange, temwandivuunudde kikokko kyange.”

¹⁸“Kiki ekisinga omubisi gwʼenjuki okuwoomerera? Kiki ekisinga empologoma amaanyi?”

¹⁹Awo Omwoyo wa Mukama Katonda nʼamukkako, nʼaserengeta e Asukulooni[13] nʼatta abasajja amakumi asatu, nʼabambulamu ebyambalo byabwe, engoye zaabwe nʼaziwa abavvuunula ekikokko. Nʼanyiiga nnyo, nʼayambuka nʼaddayo ewa kitaawe.

²⁰Mukazi wa Samusooni ne bamuwa mukwano gwe, eyabeeranga ne Samusooni.