Ekyabalamuzi 5:1-31 LGCB2014 - Bible AI

¹Ku olwo Debola ne Baraki mutabani wa Abinoamu ne bayimba bwe bati.

²Mutendereze Mukama kubanga mu Isirayiri abakulembeze baatuukiriza omulimu gwabwe nʼabantu ne beewaayo nga baagala.

³Muwulirize mmwe bakabaka, musseeyo omwoyo mmwe abalangira; nze kennyini, nze nnaayimbira Mukama; nze nnaayimbira Katonda wʼAbayisirayiri.

³

⁴Mukama, bwe wava e Seyiri, bwe wava mu kitundu kya Edomu okutabaala, ensi nʼekankana, enkuba nʼeyiika okuva mu ggulu. Weewaawo, ebire ne bifukumuka amazzi.

⁵Ensozi ne zikankana awali Mukama, Oyo owa Sinaayi, ne lukankana mu maaso Mukama Katonda wʼAbayisirayiri.

⁵

⁶Ku mulembe gwa Samugali, mutabani wa Anasi, ne ku mulembe gwa Yayeeri abatambuze tebaayitanga, mu nguudo nnene, baatambuliranga mu mpenda.

⁷Abakulembeze mu Isirayiri baggwaawo okutuusa nze Debola lwe nayimuka, nga nnyina wa bonna mu Isirayiri.

⁸Bwe beefunira bakatonda abalala, entalo ne ziryoka zibalukawo mu Isirayiri. Ku basajja Abayisirayiri emitwalo ena kwaliko nʼomu eyalina effumu oba engabo?

⁹Omutima gwange guli eri abakulembeze bʼAbayisirayiri, nʼeri abantu abeewaayo nga baagala. Mutendereze Mukama.

⁹

¹⁰Mukyogereko mmwe, abeebagala ku ndogoyi enjeru, mmwe abatuula ku biwempe ebirungi ennyo, nammwe abatambulira mu kkubo.

¹¹Wulira oluyimba lwʼabantu ku luzzi, nga batendereza obuwanguzi era nʼebikolwa bya Mukama ebyʼobutuukirivu, ebikolwa bye ebyʼobutuukirivu nga akulembera Abayisirayiri.

¹¹Awo abantu ba Mukama ne baserengeta, ne bagenda ku miryango gyʼebibuga byabwe.

¹²Zuukuka, zuukuka Debola zuukuka, zuukuka, okulembere oluyimba; golokoka, Baraki okulembere abawambe bo nga basibiddwa, ggwe mutabani wa Abinoamu.

¹²

¹³Awo abakungu abaasigalawo ne baserengeta, abantu ba Mukama, ne baserengeta okulwanyisa owʼamaanyi.

¹⁴Awo abaava mu kitundu kya Efulayimu ne baserengeta mu kiwonvu, nga bakugoberera ggwe, Benyamini, nʼabʼekika kyo. Mu Makiri ne wavaayo abakulembeze, ne baserengeta, ne mu kitundu kya Zebbulooni ne wavaayo abaduumizi.

¹⁵Abalangira ba Isakaali baali wamu ne Debola; era Isakaali yali wamu ne Baraki. Ne bafubutuka okumugoberera mu kiwonvu. Olwʼenjawukana ezaali mu kika kya Lewubeeni, waaliwo okusooka okufumiitiriza ennyo mu mitima gyabwe.

¹⁶Kiki ekyakusigaza mu bisibo byo ebyʼendiga, okuwuliriza endere zebafuuyira endiga? Olwʼenjawukana ezaali mu kika kya Lewubeeni, waaliwo okusooka okufumiitiriza ennyo mu mitima gyabwe.

¹⁷Abʼekika kya Gireyaadi baasigala mitala wa Yoludaani. Nʼabʼekika kya Ddaani ekyabasigaza mu byombo kiki? Abʼekika kya Aseri; baasigala ku lubalama lwʼennyanja, ne babeera awali emyalo gyabwe.

¹⁸Abʼekika kya Zebbulooni baawaayo obulamu bwabwe, era nʼabʼekika kya Nafutaali mu ddwaniro.

¹⁸

¹⁹Ku mugga gwʼe Megiddo mu Taanaki, bakabaka bajja ne balwana, bakabaka bʼe Kanani baalwana. Naye tebaanyaga bintu.

²⁰Emunyeenye zaalwana nga zisinziira mu ggulu, zaalwanyisa Sisera nga bwe zetoloola mu bbanga.

²¹Omugga Kisoni gwabasanyizaawo ddala, omugga ogwo ogwʼedda omugga Kisoni. Ggwe emmeeme yange, kkumba nʼamaanyi.

²²Awo embalaasi ne zijja nga zirigita era nga bwe zisambirira ettaka, ensolo zaabwe ezo ezʼamaanyi.

²³Malayika wa Mukama nʼagamba nti, “Mukolimire Merozi[5]. Mukolimire nnyo ababeera e Merozi; kubanga tebeetaba mu lutalo lwa Mukama. Tebaalwetabaamu nga Mukama Katonda alwanyisa abʼamaanyi.”

²³

²⁴Nga wa mukisa Yayeeri okusinga abakazi bonna! Nga wa mukisa Yayeeri mukazi wʼOmukeeni Keberi, okusinga abakazi bonna ababeera mu weema!

²⁵Bwe yasaba amazzi, yamuwa mata, era nʼamuleetera nʼomuzigo mu bbawulo eyʼekikungu.

²⁶Yakwata enkondo ya weema mu mukono gwe ogwa kkono, nʼennyondo mu gwa ddyo, nʼakomerera Sisera enkondo mu kyenyi nʼeyita namu.

²⁷Amaanyi gaamuggwa nʼagwa; yagwa ku bigere bya Yayeeri nʼalambaala we yagwa we yafiira.

²⁸Nnyina wa Sisera yalingiriza mu ddirisa; yayisa amaaso mu ddirisa, nʼaleekaanira waggulu nti “Kiki ekirwisizza eggaali lye okujja? Okuguluba kwʼeggaali lye nga sikuwulira?”

²⁹Abazaana be abagezi baba tebanamuddamu ne yeddamu yekka.

³⁰Tebazudde omunyago era tebali mu kugugabana, omuwala omu oba babiri buli musajja? Sisera tufunye omunyago ogwʼengoye enduke ezʼamabala? Eminagiro ebiri emiruke, egyʼamabala tegiibe gyange?

³⁰

³¹Ayi Mukama Katonda abalabe bo bazikirirenga bwe batyo nga Sisera. Naye abo bonna abakwagala bamasemasenga ngʼenjuba eyʼakavaayo mu maanyi gaayo.

³¹Awo ne wayitawo emyaka ana nga Abayisirayiri bali mu mirembe.