Ezeekyeri 19:1-14 LGCB2014 - Bible AI

¹Kungubagira abalangira ba Isirayiri,

²oyogere nti,

²“ ‘Maama wo nga yali mpologoma nkazi, mu mpologoma! Yagalamiranga wakati mu mpologoma ento, nʼerabirira abaana baayo.

³Nʼekuza emu ku baana baayo nʼefuuka empologoma eyʼamaanyi, nʼeyiga okuyigga ebisolo, nʼokulya abantu.

⁴Amawanga gaawulira ebimufaako, nʼakwatirwa mu kinnya kye yali asimye, ne bamusibamu amalobo ne bamuleeta mu nsi yʼe Misiri.

⁴

⁵“ ‘Awo bwe yalaba essuubi lye nga terituukiridde, ne bye yali alindirira nga biyise, nʼeddira emu ku baana baayo abʼempologoma endala, nʼegifuula empologoma eyʼamaanyi.

⁶Nʼetambulatambula mu mpologoma, kubanga yali efuuse empologoma eyʼamaanyi, era nʼeyiga okuyigga ensolo, nʼokulya abantu.

⁷Nʼemenyaamenya ebifo byabwe ebyʼamaanyi, nʼezikiriza nʼebibuga byabwe; ensi nʼabo bonna abaagibeerangamu, ne batya olwʼokuwuluguma kwayo.

⁸Awo amawanga gonna ne gagirumba, okuva mu bitundu ebyali byetooloddewo, ne bayanjuluza ekitimba kyabwe, ne bagikwatira mu kinnya kyabwe.

⁹Ne bakozesa amalobo okugisikayo, ne bagiteeka mu kayumba akʼebyuma, ne bagitwala eri kabaka wʼe Babulooni; nʼeteekebwa mu kkomera, nʼetaddayo kuwulikika nate ku nsozi za Isirayiri.

⁹

¹⁰“ ‘Maama wo yali ngʼomuzabbibu mu nnimiro ogwasimbibwa okumpi nʼamazzi; ne gubala ebibala ne bijjula amatabi, kubanga waaliwo amazzi mangi.

¹¹Amatabi gaagwo gaali magumu, era nga gasaanira okukolebwamu omuggo gwʼobwakabaka. Omuzabbibu ogwo gwali muwanvu ne guyitamu okusinga emiti emirala, ne gumanyibwa olwʼobuwanvu bwagwo, nʼolwʼamatabi gaagwo amangi.

¹²Naye gwasigulibwa nʼekiruyi ne gusuulibwa wansi; embuyaga ezʼEbuvanjuba ne zigukaza, ebibala byagwo ne biggwaako, nʼamatabi gaakwo amagumu ne gakala, era ne gwokebwa omuliro.

¹³Kaakano gusimbiddwa mu ddungu, awakalu awatali mazzi.

¹⁴Omuliro gwava ku limu ku matabi, ne gwokya amatabi gaagwo nʼebibala byagwo. Tewasigadde ttabi ggumu na limu ku gwo eriyinza okukolwamu omuggo ogwʼobwakabaka.’

¹⁴Kuno kukungubaga, era kukozesebwa ngʼokukungubaga.”