Ezera 10:1-44 LGCB2014 - Bible AI

¹Awo Ezera bwe yali ngʼasaba, ngʼayatula ebibi mu lwatu, ngʼakaaba, era ngʼavunnamye mu maaso gʼennyumba ya Katonda, ekibiina ekinene ekyʼAbayisirayiri, abasajja, nʼabakyala, nʼabaana ne bakuŋŋaana gyʼali, nabo nga bakaaba nnyo nnyini.

²Awo Sekaniya mutabani wa Yekyeri, omu ku bazzukulu ba Eramu nʼagamba Ezera nti, “Tetubadde beesigwa eri Katonda waffe, kubanga twawasa abakazi bannaggwanga abʼoku mawanga agatwetoolodde. Naye newaakubadde nga twakola bwe tutyo, wakyaliwo essuubi eri Isirayiri.

³Noolwekyo tukole endagaano ne Katonda waffe tuve ku bakazi abo bonna nʼabaana be twabazaalamu, ngʼokuteesa kwa mukama wange nʼabo abatya ebiragiro bya Katonda waffe bwe kuli, era kikolebwe ngʼetteeka bwe litulagira.

⁴Golokoka kubanga obuvunaanyizibwa obwo buli mu mukono gwo era tuli beeteefuteefu okukuwagira, noolwekyo guma omwoyo okikole.”

⁵Awo Ezera nʼagolokoka nʼalayiza bakabona abakulu nʼAbaleevi ne Isirayiri yenna okukola nga bwe kyateesebwa. Ne balayira.

⁶Ezera nʼagolokoka nʼava mu maaso gʼennyumba ya Katonda nʼagenda mu kisenge kya Yekokanani mutabani wa Eriyasibu, naye nʼatalya mmere newaakubadde okunywa amazzi ngʼakyanakuwalidde obutali bwesigwa bwʼabaawaŋŋangusibwa.

⁷Awo ekirango ne kiyisibwa mu Yuda yonna ne mu Yerusaalemi nti abawaŋŋangusibwa abaakomawo bakuŋŋaanire mu Yerusaalemi.

⁸Era ne kigambibwa nti omuntu yenna aliba tazze mu nnaku ssatu, alifiirwa ebintu bye byonna, ate nʼagobebwa ne mu kuŋŋaaniro lya baawaŋŋangusibwa.

⁹Mu nnaku ssatu, abasajja bonna aba Yuda ne Benyamini ne bakuŋŋaanira e Yerusaalemi. Awo ku lunaku olwʼamakumi abiri olwʼomwezi ogwʼomwenda abantu bonna ne batuula mu luggya olugazi mu maaso gʼennyumba ya Katonda nga banakuwavu olwʼensonga eyo ate era nʼolwʼenkuba eyatonnya.

¹⁰Awo Ezera kabona nʼayimirira nʼabagamba nti, “Mwayonoona bwe mwawasa abakazi bannamawanga ne mwongera ku musango gwa Isirayiri.

¹¹Kaakano mwatule ebibi byammwe eri Mukama Katonda wa bajjajjammwe, mukole ebyo byʼasiima. Mweyawule ku mawanga agabeetoolodde era muleke nʼabakazi bannamawanga.”

¹²Awo ekibiina kyonna ne kiddamu nʼeddoboozi eryʼomwanguka nti, “Oli mutuufu, tuteekwa okukola nga bwʼogambye.

¹³Naye abantu bangi, era nʼekiseera kya nkuba, tetuyinza kuyimirira bweru. Nʼensonga eyookubiri, omulimu guno teguyinza kukolebwa mu lunaku lumu oba mu nnaku bbiri, kubanga twonoonye nnyo nnyini mu kigambo ekyo.

¹⁴Abakulu baffe beeyimirire olukuŋŋaana lwonna, na buli muntu awamu nʼabakadde nʼabalamuzi aba buli kibuga mu bibuga byaffe eyawasa omukazi omunnaggwanga, ajje mu kiseera ekiragaane alongoose ensonga eyo, okutuusa obusungu bwa Katonda waffe lwe bulituvaako olwʼekigambo ekyo.”

¹⁵Yonasaani mutabani wa Asakeri ne Yozeya mutabani wa Tikuva, nga bawagirwa Mesullamu ne Sabbesayi Omuleevi be bokka abawakanya ekiteeso ekyo.

¹⁶Awo abaava mu buwaŋŋanguse ne bakola ngʼekiteeso bwe kyali. Ezera kabona nʼabaalondebwa ku bakulu bʼennyumba, omu mu buli nnyumba ne baawulibwa mu mannya gaabwe. Ku lunaku olwʼolubereberye olwʼomwezi ogwʼekkumi ne batuula okunoonyereza ku bigambo ebyo;

¹⁷ku lunaku olwʼolubereberye olwʼomwezi ogwʼolubereberye ne bamaliriza ensonga eyo eyʼabasajja bonna abaali bawasizza abakazi abannamawanga.

¹⁸Mu lulyo olwa bakabona, abaali bawasizza abakazi bannamawanga baali: Maaseya, ne Eryeza ne Yalibu ne Gedaliya bazzukulu ba Yesuwa mutabani wa Yozadaki ne baganda be.

¹⁹Ne bamalirira okulekayo bakazi baabwe abo, nʼomutango gwe baawaayo olwʼomusango gwali ndiga nnume.

¹⁹

²⁰Ku bazzukulu ba Immeri:

²⁰Kanani ne Zebadiya.

²¹Ku bazzukulu ba Kalimu:

²¹Maaseya, ne Eriya, ne Semaaya, ne Yekyeri ne Uzziya.

²²Ku bazzukulu ba Pasukuli:

²²Eriwenayi, ne Maaseya, ne Isimaeri, ne Nesaneri, ne Yozabadi ne Erasa.

²³Ku Baleevi: Yozabadi, ne Simeeyi,

²³ne Keraya (era ye Kerita), ne Pesakiya, ne Yuda ne Eryeza.

²⁴Ku bayimbi: Sallumu, ne Teremu ne Uli.

²⁴Eriyasibu, ne ku baakuumanga wankaaki:

²⁵Mu Bayisirayiri abalala: ne Eriyazaali, ne Malukiya ne Benaya.

²⁵Ku bazzukulu ba Palosi: Lamiya, ne Izziya, ne Malukiya, ne Miyamini,

²⁶Ku bazzukulu ba Eramu: Mattaniya, ne Zekkaliya, ne Yekyeri,

²⁶ne Abudi, ne Yeremoosi ne Eriya.

²⁷Ku bazzukulu ba Zattu: Eriwenayi, ne Eriyasibu, ne Mattaniya,

²⁷ne Yeremoosi, ne Zabadi, ne Aziza.

²⁸Ku bazzukulu ba Bebayi: Yekokanani, ne Kananiya,

²⁸ne Zabbayi ne Asulaayi.

²⁹Ku bazzukulu ba Bani: Mesullamu, ne Malluki, ne Adaya,

²⁹ne Yasubu, ne Seyaali ne Yeremoosi.

³⁰Ku bazzukulu ba Pakasumowaabu: Aduna, ne Kerali, ne Benaya, ne Maaseya,

³⁰ne Mattaniya, ne Bezaleeri, ne Binnuyi ne Manase.

³¹Ku bazzukulu ba Kalimu: Eryeza, ne Isusiya, ne Malukiya,

³¹ne Semaaya, ne Simyoni,

³²ne Benyamini, ne Malluki, ne Semaliya.

³²

³³Ku bazzukulu ba Kasumu: Mattenayi, ne Mattata, ne Zabadi,

³³ne Erifereti, ne Yeremayi, ne Manase, ne Simeeyi.

³⁴Ku bazzukulu ba Baani: Maadayi, ne Amulaamu,

³⁴ne Uweri,

³⁵ne Benaya, ne Bedeya, ne Keruki,

³⁶ne Vaniya, ne Meremoosi, ne Eriyasibu,

³⁷ne Mattaniya, ne Mattenayi, ne Yaasu,

³⁷

³⁸ne Bani, ne Binnuyi, ne Simeeyi,

³⁹ne Seremiya, ne Nasani, ne Adaya,

⁴⁰ne Makunadebayi, ne Sasayi, ne Salaayi,

⁴¹ne Azaleri, ne Seremiya, ne Semaliya,

⁴²ne Sallumu, ne Amaliya ne Yusufu.

⁴²

⁴³Ku bazzukulu ba Nebo: Yeyeri, ne Mattisiya, ne Zabadi,

⁴³ne Zebina, ne Iddo, ne Yoweeri ne Benaya.

⁴⁴Abo bonna baali bawasizza abakazi bannamawanga, nʼabamu ku bo nga babazaddemu abaana.