1Ku lunaku olwo oligamba nti, “Nnaakwebazanga ayi Mukama Katonda; newaakubadde nga wansunguwalira, obusungu bwo bwaggwaawo era onzizizzaamu amaanyi.
2ⓞ Laba Katonda bwe bulokozi bwange; nzija kumwesiga era siritya; kubanga Mukama Katonda ge maanyi gange era lwe luyimba lwange, era afuuse obulokozi bwange.”
3Munaasenanga nʼessanyu amazzi okuva mu nzizi ezʼobulokozi.
4ⓟ Era ku lunaku olwo mulyogera nti, “Mwebaze Mukama Katonda, mukoowoole erinnya lye, mubuulire ebikolwa bye mu mawanga, mwogere nti erinnya lye ligulumizibwe.
5Mumuyimbire Mukama Katonda ettendo kubanga akoze ebyʼettendo; muleke kino kimanyibwe mu mawanga gonna.
6Leekaana nʼeddoboozi eryʼomwanguka oyimbe nʼessanyu ggwe omuntu wʼomu Sayuuni, kubanga Omutukuvu wa Isirayiri ali wakati mu ggwe mukulu.”