1 Mukama Katonda alikwatirwa Yakobo ekisa, addemu alonde Isirayiri abazze ku ttaka lyabwe. Ne bannamawanga balibeegattako era babeere wamu nga babeeyungiddeko ddala.
2 Nʼamawanga mangi galibayamba okudda mu nsi yaabwe, nʼennyumba ya Isirayiri ebeere nʼabantu abamawanga amangi mu nsi ya Mukama Katonda, nga baweereza baabwe abasajja nʼabakazi. Baliwamba abaali babawambye, bafuge abo abaabakijjanyanga.
3 Awo olunaku Mukama Katonda lwʼalibawa okuwummula okuva mu kulumwa kwammwe nʼokukijjanyizibwa kwe mubaddemu nga mukozesebwa,
4 oligera olugero luno ku kabaka wʼe Babulooni nʼoyogera nti:
4 Omujoozi ngʼagudde nʼaggwaawo! Ekibuga ekya zaabu ekibadde kitutigomya nga tekikyaliwo!
5 Mukama Katonda amenye omuggo ogwʼabakozi bʼebibi, omuggo gwʼobwakabaka ogwʼabo abafuga.
6 Ogwakubanga olutata amawanga nʼobusungu, ogwafugisanga amawanga ekiruyi, ne gubayigganyanga nga tewali aguziyiza.
7 Ensi yonna ewummudde eri mu mirembe, era batandise okuyimba.
8 Si ekyo kyokka nʼenfugo nʼemivule gya Lebanooni, nagyo gikuyeeyeereza nti, “Kasookanga ogwa tebangayo ajja kututema.”
8
9 Amagombe wansi gagugumuka ku lulwo okukusisinkana ngʼojja, gagolokosa emyoyo gyʼabafu ku lulwo, bonna abaali abakulembeze bʼensi; gayimusizza bakabaka ku ntebe zaabwe, bonna abaali bakabaka baamawanga.
10 Abo bonna balyogera ne bakugamba nti, “Naawe oweddemu amaanyi nga ffe! Naawe ofuuse nga ffe!”
11 Ekitiibwa kyo kyonna kissibbwa emagombe, awamu nʼamaloboozi gʼennanga zo; bakwalidde envunyu, nʼensiriŋŋanyi zikubisseeko.
11
12 ⓥ Ngʼogudde okuva mu ggulu,ggwe emunyeenye eyʼenkya, omwana wʼemambya! Ngʼotemeddwa nʼogwa ku ttaka, ggwe eyamegganga amawanga!
13 ⓦ Wayogera mu mutima gwo nti,“Ndirinnya mu ggulu, ndigulumiza entebe yange okusinga emunyeenye za Katonda; era nditeeka entebe yange waggulu ntuule ku lusozi olwʼokukuŋŋaanirako ku njuyi ezʼenkomerero ezʼobukiikakkono;
14 ndyambuka okusinga ebire we bikoma, ndyoke nfuuke ngʼoyo ali waggulu ennyo.”
15 Naye ossibbwa wansi emagombe, ku ntobo yʼobunnya.
15
16 Abo abanaakulabanga banaakwekalirizanga bakwewuunye nga bagamba nti, “Ono si ye musajja eyayugumyanga ensi, ngʼanyeenyanyeenya obwakabaka!
17 Eyafuula ensi okuba eddungu nʼasuula ebibuga byayo, atakkirizanga bawambe kudda waabwe!”
17
18 Bakabaka bonna abʼensi bagalamidde mu kitiibwa, buli omu mu ntaana ye,
19 naye osuulibbwa okukuggya mu malaalo go ngʼettabi eryʼomuzizo eryakyayibwa, ngʼoteekeddwa wamu nʼabattibwa, abaafumitibwa nʼekitala, abakka eri amayinja gʼobunnya; ngʼomulambo ogulinyiriddwa.
20 Toligattibwa nʼabo mu kuziikibwa kubanga wazikiriza ensi yo nʼotta abantu bo;
20 ezzadde lyʼabo abaakola ebibi teriryongerwako nʼakatono.
21 Mutegeke ekifo batabani be we banattirwa olwʼobutali butuukirivu bwa bakitaabwe, baleme okugolokoka ne balya ensi, ne bajjuza ensi yonna ebibuga byabwe.
21
22 “Nange ndibagolokokerako,” bwʼayogera Mukama Katonda owʼEggye, “ne mmalawo mu Babulooni erinnya lye, nʼabalifikkawo, nʼomwana nʼomuzzukulu,” bwʼayogera Mukama Katonda.
23 “Era ndimufuula obutaka bwʼebiwuugulu, nʼentobazzi era mwere nʼolweyo oluzikiriza,” bwʼayogera Mukama Katonda owʼEggye.
24 ⓧ Mukama Katonda owʼEggye alayidde nʼayogera nti, “Ddala nga bwe nalowooza, bwe kirituukirira bwe kityo era nga bwe nateesa, bwe kirinywera bwe kityo.
25 Ndimenyera Omwasuli mu nsi yange, era ndimulinnyirira ku nsozi zange. Ekikoligo kye kiribavaako, nʼomugugu gwe guliggyibwa ku kibegabega kye.”
25
26 Eno yʼentegeka eyategekerwa ensi yonna: era guno gwe mukono ogwagololwa ku mawanga gonna.
27 Kubanga Mukama Katonda owʼEggye ye yateesa, kale ani ayinza okukijjulula? Omukono gwe gugoloddwa, kale ani ayinza okuguzzaayo?
28 ⓨ Mu mwaka kabaka Akazi mwe yafiira ne wabaawo obubaka buno.
29 ⓩ Tosanyuka ggwe Bufirisuuti yonna,kubanga omuggo ogwakukuba gumenyese, ne ku kikolo kyʼomusota kulivaako enswera, nʼezzadde lyalyo liriba musota ogwʼobusagwa oguwalabuka.
30 Abasingirayo ddala okuba abaavu balifuna ekyokulya, nʼabali mu kwetaaga balifuna ku tulo naye ekikolo kyo ndikittisa enjala ate abo abalisigalawo mbattise ekitala.
30
31 Leekaana ggwe wankaaki, kaaba ggwe ekibuga, osaanuuke olwʼentiisa ggwe Bufirisuuti yonna! Kubanga mu bukiikakkono muvaamu omukka, eggye eryʼabalwanyi omutali munafu.
32 Kale kiki kye banaddamu ababaka bʼeggwanga eryo? “Mukama yassaawo Sayuuni, ne mu kyo abantu be ababonyaabonyezebwa mwe balifuna obuddukiro.”
© 2014 by Biblica, Inc.® All rights reserved worldwide.