Isaaya 20:1-6 LGCB2014 - Bible AI

¹Mu mwaka Talutani omuduumizi wʼoku ntikko mwe yajjira mu Asudodi ngʼatumiddwa Salugoni kabaka we Bwasuli nʼalwana ne Asudodi nʼakiwamba;

²ⓕ mu kiseera ekyo Mukama Katonda nʼayogera ne Isaaya mutabani wa Amozi nti, “Genda osumulule ebibukutu mu kiwato kyo era oyambulemu engatto mu bigere byo.” Nʼakola bwʼatyo nʼatambula engatto ngʼaziggyemu.

³Mukama Katonda nʼayogera nti, “Ngʼomuddu wange Isaaya bwe yatambula obwereere emyaka esatu nga tayambadde ngoye wadde engatto okuba akabonero nʼekyewuunyo ku Misiri ne ku Kuusi;

⁴bwʼatyo kabaka wʼe Bwasuli bwʼaliwambira ddala Abamisiri, aliwaŋŋangusa Abakuusi, abato nʼabakulu nga bali bwereere nga tebalina na ngatto, amakugunyu gaabwe nga tegabikiddwako, Misiri ekwatibwe ensonyi.

⁵Era balitya bakwatibwe ensonyi olwa Kuusi essuubi lyabwe, nʼolwa Misiri ekitiibwa kyabwe.

⁶Ku olwo abantu abatuula ku lubalama lwʼennyanja baligamba nti, ‘Mulabe ekigudde ku bantu be tubadde twesiga okutukuuma, gye twadda tuwonyezebwe nga tudduka kabaka wʼe Bwasuli! Kaakano ffe tunaawonyezebwa tutya?’”