Isaaya 4:1-6 LGCB2014 - Bible AI

¹Ekiseera ekyo bwe kirituuka abakazi musanvu balyekwata omusajja omu nga boogera nti, Tuyitibwenga erinnya lyo, otuggyeko ekivume. Tunenoonyezanga emmere yaffe era twenoonyeze nʼebyokwambala.

²Ku lunaku luli ettabi lya Mukama Katonda liriba ddungi era lya kitiibwa, era nʼebibala byʼensi biryeyagaza nnyo Abayisirayiri abaasigalawo.

³Era buli alisigala mu Sayuuni na buli alisigala mu Yerusaalemi aliyitibwa mutukuvu, buli muntu alibalirwa mu balamu mu Yerusaalemi.

⁴Mukama aliggyawo obutali butuukirivu bwʼabakazi ba Sayuuni, era nʼomwoyo ogusala ensonga nʼomwoyo ogwokya, alisangulawo amatondo gʼomusaayi mu Yerusaalemi.

⁵ⓛ Olwo Mukama Katonda atondewo ekire mu budde obwʼemisana, nʼomukka nʼokumasaamasa ngʼomuliro ogwaka ekiro ku kifo kyonna ekyʼolusozi Sayuuni ne ku bantu bonna abakuŋŋaaniddeko; kubanga ku byonna era wonna kunaaba kubikkiddwako ekitiibwa kya Katonda.

⁶Era kiribeera ekibikka nʼekisiikirize ekiziyiza ebbugumu lyʼemisana, era ekiddukiro omwewogomebwa kibuyaga nʼenkuba.