Isaaya 48:1-22 LGCB2014 - Bible AI

¹ⓗ “Muwulire kino, mmwe ennyumba ya Yakobo, abayitibwa erinnya lya Isirayiri, era abaava mu nda ya Yuda. Mmwe abalayirira mu linnya lya Mukama, era abaatula Katonda wa Isirayiri, naye si mu mazima wadde mu butuukirivu.

²Kubanga beeyita abʼekibuga ekitukuvu, abeesiga Katonda wa Isirayiri, Mukama Katonda owʼEggye lye linnya lye.

³Okuva ku ntandikwa, nayasanguza ebyali bigenda okubaawo; byava mu kamwa kange ne mbyogera. Amangwago ne tubikola ne bituukirira.”

⁴Kubanga namanya obukakanyavu bwammwe; ebinywa byʼensingo nga bikakanyavu ngʼekyuma; ekyenyi ngʼekikomo.

⁵ⓘ Nabamanyisizaawo edda ebyali bigenda okujja nga tebinnabaawo, muleme kugamba nti, “Bakatonda bange be baabikola: Ekifaananyi kyange ekyole nʼekifaananyi ekisaanuuse bye byakikola.”

⁶Mulabe ebintu bino nabibagamba dda, era temubikkirize?

⁶“Okuva leero nzija kubabuulira ku bintu ebiggya ebigenda okujja, ebyʼekyama bye mutawulirangako.

⁷Mbikola kaakano, so si ekiseera ekyayita: mwali temubiwulirangako mu biseera ebyʼemabega si kulwa nga mugamba nti, ‘Laba nnali mbimanyi.’

⁸Towulirangako wadde okutegeera. Okuva edda nʼedda okutu kwo tekuggukanga. Kubanga namanya nti wali kyewaggula, okuva ku kuzaalibwa kwo wayitibwa mujeemu.

⁹ⓙ Olwʼerinnya lyange ndwawo okusunguwala. Olwʼettendo lyange ndwawo okukusunguwalira nneme okukuzikiriza.

¹⁰Laba nkugezesezza naye si nga ffeeza. Nkugezesezza mu kirombe kyʼokubonaabona.

¹¹Ku lwange nze, ku lwange nze ndikikola. Erinnya lyange nga livumiddwa. Ekitiibwa kyange sirikiwa mulala.”

¹²ⓚ “Mpuliriza ggwe Yakobo. Isirayiri gwe nalonda. Nze Nzuuyo. Nze owʼolubereberye era nze owʼenkomerero.

¹³Omukono gwange gwe gwateekawo omusingi gwʼensi, era omukono gwange ogwa ddyo ne gwanjuluza eggulu. Bwe mbiyita byombi bijja.”

¹³

¹⁴“Mwekuŋŋaanye mwenna mujje muwulire! Ani ku bo eyali alangiridde ebintu bino? Mukama amwagala; ajja kutuukiriza ekigendererwa kye e Babulooni, era omukono gwe gwolekere Abakaludaaya.[30]

¹⁵Nze; Nze nzennyini nze njogedde. Nze namuyita. Ndimuleeta era alituukiriza omulimu gwe.”

¹⁶Munsemberere muwulirize bino. Okuva ku lubereberye saayogera mu kyama. Nze mbaddewo okuviira ddala ku ntandikwa. Era kaakano Mukama Ayinzabyonna nʼOmwoyo we antumye.

¹⁷Bwʼatyo bwʼayogera Mukama, Omununuzi wammwe, Omutukuvu wa Isirayiri nti, “Nze Mukama Katonda wo akuyigiriza okukulaakulana, akukulembera mu kkubo lyʼoteekwa okutambuliramu.

¹⁸Singa kale wali owulirizza ebiragiro byange! Wandibadde nʼemirembe egikulukuta ngʼomugga! Era nʼobutuukirivu bwo ngʼamayengo gʼennyanja,

¹⁹ezzadde lyo lyandibadde ngʼomusenyu abaana bo ngʼobuweke bwagwo. Erinnya lyabwe teryandivuddewo wadde okuzikirira nga wendi.”

¹⁹

²⁰ⓛ Muve mu Babulooni, mudduke Abakaludaaya. Mugende nga mutegeeza amawulire gano nʼessanyu. Mugalangirire wonna wonna nʼokutuusa ku nkomerero yʼensi. Mugambe nti, “Mukama anunudde omuddu we Yakobo!”

²¹So tebaalumwa nnyonta bwe yabayisa mu malungu. Yabakulukusiza amazzi mu lwazi: yayasa olwazi amazzi ne gavaamu.

²²ⓜ “Tewali mirembe eri aboonoonyi,” bwʼayogera Mukama.