Isaaya 66:1-24 LGCB2014 - Bible AI

¹ⓐ Bwʼati bwʼayogera Mukama Katonda, “Eggulu yʼentebe yange kwe nfugira nʼensi ke katebe kwe mpummuliza ebigere byange, nnyumba ki gye mulinzimbira? Kifo ki kye mulimpa okuwummuliramu?

²Ebintu bino byonna emikono gyange si gye gyagikola, noolwekyo ebintu bino byonna byange?” “Ono ye muntu gwe ntunulako; oyo owʼeggonjebwa era omwetoowaze mu mwoyo, oyo akankanira ekigambo kyange.

²bwʼayogera Mukama Katonda.

³Naye asaddaaka ente aba ngʼasse omuntu, oyo awaayo omwana gwʼendiga nʼaba ngʼamenye ensingo yʼembwa, nʼoyo awaayo ekiweebwayo ekyʼempeke aba ngʼawaddeyo omusaayi gwʼembizzi, era oyo anyookeza obubaane bwʼekijjukizo aba ngʼasinza ekifaananyi ekikole nʼemikono. Abantu bakutte amakubo gaabwe, era emmeeme zaabwe zisanyukira ebyʼemizizo byabwe.

⁴Nange ndisalawo mbatuuseeko ekibambulira, mbaleeteko kye batandyagadde kibatuukeko. Kubanga bwe nayita, teri nʼomu yayanukula, bwe nnaayogera tebanfaako. Bakola ebibi mu maaso gange ne bagoberera ebitansanyusa.”

⁵Muwulirize ekigambo kya Mukama Katonda mmwe abakankanira ekigambo kye. “Baganda bammwe abatabaagala era ababayigganya olwʼerinnya lyange babasekerera nti, ‘Leka Mukama alage obukulu bwe abalokole tulabe bwe musanyuka!’ Naye bo be banaakwasibwa ensonyi.

⁶Muwulirize. Oluyoogaano oluva mu kibuga, muwulirize eddoboozi eriva mu yeekaalu. Eddoboozi eryo lya Mukama Katonda ngʼasasula abalabe be nga bwe kibagwanira.”

⁶

⁷ⓑ “Ekibuga kyange ekitukuvu kiri ngʼomukazi azaala nga tannatuusa kulumwa, obulumi nga tebunatuuka nʼakubawo eddenzi.

⁸Ani eyali awulidde ekintu bwe kityo? Ani eyali alabye ekiri ngʼekyo? Ensi eyinza okuzaalibwa mu lunaku lumu oba eggwanga okutondebwawo mu kaseera obuseera? Akaseera katono bwe kati, Sayuuni anaaba yakalumwa ngʼeggwanga litondebwa.

⁹Nnyinza okutuusa abantu bange ku kuzaalibwa ne batazaalibwa?” bwʼayogera Mukama Katonda. “Ate olubuto ndusiba ntya nga ndutuusizza ku kuzaala?” bwʼayogera Mukama Katonda wo.

⁹

¹⁰“Mujagulize wamu ne Yerusaalemi era mumusanyukireko mwenna abamwagala, mujaganye nnyo mmwe mwenna abamukaabira.

¹¹Kubanga muliyonka munywe nʼessanyu mukkutire ddala ku kitiibwa kye ekingi.”

¹²Kubanga bwʼati bwʼayogera Mukama Katonda nti, “Laba mbaleetera obugagga obutaliiko kkomo, obugagga bwʼamawanga bube gye muli ngʼomugga ogwanjaala. Muliyonkako, musitulibwe mu mbiriizi era bababuusizebuusize ku mubiri gwe.

¹³Ngʼomwana bwʼasanyusibwa nnyina, bwe ntyo bwe ndikuzzaamu amaanyi mu Yerusaalemi.”

¹³

¹⁴Kino bwʼolikiraba omutima gwo gulisanyuka, era kirikufuula wʼamaanyi omulamu obulungi ngʼomuddo ogukuze. Olwo kiryoke kimanyibwe nti omukono gwa Mukama Katonda guyamba abaweereza be, ate obusungu bwe ne bulagibwa abalabe be.

¹⁵“Kubanga laba Mukama Katonda alijjira mu muliro, era nʼamagaali ge agʼembalaasi galiba ngʼempewo eyʼomuyaga. Alijja nʼobusungu bwe nʼekiruyi era alibanenya nʼennimi ezʼomuliro.

¹⁶Omuliro nʼekitala Mukama Katonda byʼalibonerezesa abantu bonna, nʼabo abalisaanyizibwawo baliba bangi.

¹⁷“Abo abeetukuza balyoke balage mu nnimiro entukuvu okukola ebyʼemizizo, abatambulira mu nnyiriri nga bwe balya embizzi, omusonso nʼemmere eyʼomuzizo, bonna balizikirira wamu,” bwʼayogera Mukama Katonda.

¹⁸“Olwʼebyo bye bakola ne bye balowooza, nnaatera okujja nkuŋŋaanye amawanga gonna nʼennimi zonna, era balijja balabe ekitiibwa kyange.

¹⁹ⓒ “Nditeeka akabonero mu bo. Ndiwonyaako abamu mbasindike mu mawanga, e Talusiisi, e Puuli[34], nʼe Luudi, abaleega omutego, eri Tubali ne Yavani,[35] mu bizinga ebyʼewala, abatawuliranga ttutumu lyange, wadde okulaba ekitiibwa kyange.

²⁰Balikomyawo baganda bammwe bonna okuva mu mawanga nga ekirabo gye ndi. Balibaleetera ku mbalaasi, ne mu magaali ge mbalaasi nʼebigaali ne ku nnyumbu nʼeŋŋamira ku lusozi lwange olutukuvu nga Isirayiri bwe baleeta ebiweebwayo ebirongoofu mu nnyumba ya Mukama Katonda.

²¹Era ndifuula abamu ku bo okubeera bakabona nʼabaleevi,” bwʼayogera Mukama Katonda.

²²ⓓ “Kubanga nga eggulu eppya nʼensi empya, bye ndikola bwe biribeerawo olwʼamaanyi gange, bwʼayogera Mukama Katonda, bwe lityo ezzadde lyammwe nʼerinnya lyammwe bwe birisigala.

²³Okuva ku mwezi okutuuka ku mwezi, nʼokuva ku ssabbiiti okutuuka ku ssabbiiti, bonna abalina omubiri banajjanga okusinziza mu maaso gange,” bwʼayogera Mukama Katonda.

²⁴ⓔ “Kale bwe baliba bafuluma, baliraba emirambo gyʼabasajja abanneewaggulako; kubanga envunyu zaabwe tezirifa, so nʼomuliro gwabwe tegulizikizibwa; era baliba kyennyinnyalwa eri abantu bonna.”