Lukka 3:1-38 LGCB2014 - Bible AI

¹Awo mu mwaka ogwʼekkumi nʼettaano ogwʼokufuga kwa Kayisaali Tiberiyo, Piraato bwe yali nga ye gavana wa Buyudaaya, Kerode nga yʼafuga Ggaliraaya, muganda we Firipo nga yʼafuga Italiya ne Tirakoniti, ne Lusaniya nga yʼafuga Abireene,

²Ana ne Kayaafa nga be Bakabona Abasinga Obukulu, Yokaana, mutabani wa Zaakaliya ngʼali mu ddungu, nʼafuna obubaka obuva eri Katonda.

³Yokaana nʼatambulanga ngʼagenda abuulira mu bitundu ebyetoolodde Yoludaani, ngʼategeeza abantu obubaka obwʼokubatizibwa obwʼokwenenya olwʼokusonyiyibwa ebibi,

⁴nga bwe kyawandiikibwa mu kitabo ekyʼebigambo bya nnabbi Isaaya nti,

⁴“Eddoboozi lyʼoyo ayogerera mu ddungu nti, Mulongoose ekkubo lya Mukama, Muluŋŋamye amakubo ge;

⁵Buli kiwonvu kirijjuzibwa, na buli lusozi nʼakasozi birisendebwa, na buli ekyakyama kirigololwa, nʼobukubo obulimu obugulumugulumu bulifuuka enguudo ezʼomuseetwe.

⁶ⓒ Abalina omubiri bonna baliraba obulokozi bwa Katonda.”

⁷Kyeyava agamba abantu abajjanga gyʼali okubatizibwa nti, “Mmwe abaana bʼemisota, ani eyabalabula okudduka obusungu obugenda okujja?

⁸Kale mubale ebibala ebiraga nga mwenenyezza, so temwogera munda zammwe nti tulina jjajjaffe Ibulayimu. Kubanga mbagamba nti Katonda asobola, mu mayinja gano, okuggyiramu Ibulayimu abazzukulu.

⁹Ne kaakano embazzi eteekeddwa ku kikolo kyʼemiti. Noolwekyo buli muti ogutabala bibala birungi gujja kutemebwawo gusuulibwe mu muliro.”

¹⁰Ekibiina ne kimumubuuza nti, “Kale tukole ki?”

¹¹Yokaana nʼabaddamu ngʼagamba nti, “Alina ekkooti ebbiri, emu agigabire atalina, nʼoyo alina emmere aweeko oyo atalina kyakulya.”

¹²Awo abasolooza bʼomusolo nabo, ne bajja babatizibwe. Ne babuuza Yokaana nti, “Omuyigiriza tukole ki?”

¹³Yokaana nʼabaddamu nti, “Temusoloozanga muwendo gusukka ku ogwo ogwalagibwa.”

¹⁴Abaserikale nabo ne babuuza Yokaana nti, “Ate ffe, tukole tutya?” Yokaana nʼabagamba nti, “Temuggyangako bantu nsimbi zaabwe. So temubawaayirizanga, nʼempeera ebaweebwa ebamalenga.”

¹⁵Abantu baali balindirira nga basuubira, era nga buli muntu yeebuuza obanga Yokaana ye Kristo.

¹⁶Yokaana nʼaddamu bonna ngʼagamba nti, “Nze mbabatiza na mazzi, naye waliwo ajja, alina obuyinza okunsinga, nʼokusaanira sisaanira na kusumulula lukoba lwa ngatto ze. Oyo alibabatiza nʼomuliro ne Mwoyo Mutukuvu;

¹⁷nʼolugali luli mu mukono gwe okulongoosa egguuliro lye nʼokukuŋŋaanyiza eŋŋaano mu tterekero lye, naye ebisusunku alibyokya nʼomuliro ogutazikira.”

¹⁸Yokaana nʼabuulirira abantu ebigambo bingi ebirala, nga bwʼababuulira Enjiri.

¹⁹Naye Yokaana bwe yanenya Kerode, omufuzi, olwʼokutwala Kerodiya eyali muka muganda we, nʼolwʼebibi ebirala Kerode bye yali akoze,

²⁰ate ku ebyo byonna Kerode nʼayongerako na kino: nʼakwata Yokaana nʼamuggalira mu kkomera.

²¹Olunaku lumu, abantu bonna abaaliwo nga babatizibwa, ne Yesu nʼabatizibwa. Yesu nʼasaba, eggulu ne libikkuka,

²²Mwoyo Mutukuvu nʼamukkako mu kifaananyi ekyʼejjiba. Eddoboozi ne liva mu ggulu ne ligamba nti, “Ggwe Mwana wange omwagalwa gwe nsanyukira ennyo.”

²³Yesu yali awezezza emyaka ngʼamakumi asatu bwe yatandika omulimu gwe. Yesu nga bwe kyalowoozebwa, yali mwana wa Yusufu, ne Yusufu nga mwana wa Eri,

²⁴Eri nga mwana wa Mattati, ne Mattati nga mwana wa Leevi, ne Leevi nga mwana wa Mereki, ne Mereki nga mwana wa Yanayi, ne Yanayi nga mwana wa Yusufu,

²⁵ne Yusufu nga mwana wa Mattasiya, ne Mattasiya nga mwana wa Amosi, ne Amosi nga mwana wa Nakkumu, ne Nakkumu nga mwana wa Esuli, ne Esuli nga mwana wa Naggayi,

²⁶ne Naggayi nga mwana wa Maasi, ne Maasi nga mwana wa Mattasiya, ne Mattasiya nga mwana wa Semeyini, ne Semeyini nga mwana wa Yoseki, ne Yoseki nga mwana wa Yoda,

²⁷ne Yoda nga mwana wa Yokanaani, ne Yokanaani nga mwana wa Lesa, ne Lesa nga mwana wa Zerubbaberi, ne Zerubbaberi nga mwana wa Seyalutyeri, ne Seyalutyeri nga mwana wa Neeri,

²⁸ne Neeri nga mwana wa Mereki, ne Mereki nga mwana wa Addi, ne Addi nga mwana wa Kosamu, ne Kosamu nga mwana wa Erumadamu, ne Erumadamu nga mwana wa Eri,

²⁹ne Eri nga mwana wa Yoswa, ne Yoswa nga mwana wa Eryeza, ne Eryeza nga mwana wa Yolimu, ne Yolimu nga mwana wa Mattati, ne Mattati nga mwana wa Leevi,

³⁰ne Leevi nga mwana wa Simyoni, ne Simyoni nga mwana wa Yuda, ne Yuda nga mwana wa Yusufu, ne Yusufu nga mwana wa Yonamu, ne Yonamu nga mwana wa Eriyakimu,

³¹ne Eriyakimu nga mwana wa Mereya, ne Mereya nga mwana wa Menna, ne Menna nga mwana wa Mattasa, ne Mattasa nga mwana wa Nasani, ne Nasani nga mwana wa Dawudi,

³²ne Dawudi nga mwana wa Yese, ne Yese nga mwana wa Obedi, ne Obedi nga mwana wa Bowaazi, ne Bowaazi nga mwana wa Salumooni, ne Salumooni nga mwana wa Nakusoni,

³³ne Nakusoni nga mwana wa Amminadaabu, ne Aminadaabu nga mwana wa Aluni, ne Aluni nga mwana wa Kezilooni, ne Kezulooni nga mwana wa Pereezi, ne Pereezi nga mwana wa Yuda,

³⁴ne Yuda nga mwana wa Yakobo, ne Yakobo nga mwana wa Isaaka, ne Isaaka nga mwana wa lbulayimu, ne Ibulayimu nga mwana wa Teera, ne Teera nga mwana wa Nakoli,

³⁵ne Nakoli nga mwana wa Serugi, ne Serugi nga mwana wa Lewu, ne Lewu nga mwana wa Peregi, ne Peregi nga mwana wa Eberi, ne Eberi nga mwana wa Seera,

³⁶ne Sera nga mwana wa Kayinaani, ne Kayinaani nga mwana wa Alupakusaadi, ne Alupakusaadi nga mwana wa Seemu, ne Seemu nga mwana wa Nuuwa, ne Nuuwa nga mwana wa Lameka,

³⁷ne Lameka nga mwana wa Mesuseera, ne Mesuseera nga mwana wa Enoki, ne Enoki nga mwana wa Yaledi, ne Yaledi nga mwana wa Makalaleri, ne Makalaleri nga mwana wa Kayinaani,

³⁸ne Kayinaani nga mwana wa Enosi, ne Enosi nga mwana wa Seezi, ne Seezi nga mwana wa Adamu, ne Adamu nga mwana wa Katonda.