Malaki 4:1-6 LGCB2014 - Bible AI

¹“Kubanga, laba, olunaku lujja, lwokya ngʼekikoomi, nʼabʼamalala bonna nʼabo bonna abakola ebibi baliba bisasiro: ku lunaku lwennyini balyokerwa ddala,” bwʼayogera Mukama owʼEggye, “obutabalekerawo mulandira newaakubadde ettabi.

²Naye mmwe abatya erinnya lyange, enjuba eyʼobutuukirivu eribaviirayo ngʼerina okuwonya mu biwaawaatiro byayo. Mulifuluma ne muligita ngʼennyana ezʼomu kiraalo.

³Era mulirinnya ku babi, kubanga baliba vvu wansi wʼebigere byammwe, ku lunaku lwe ndibalokolerako,” bwʼayogera Mukama owʼEggye.

⁴“Mujjukire okugonderanga amateeka ga Musa omuddu wange, ebiragiro nʼamateeka bye namukwasa ku Kolebu olwa Isirayiri yenna.

⁵ⓖ “Laba, ndibatumira nnabbi Eriya, olunaku lwa Mukama olukulu olwʼentiisa nga terunnatuuka,

⁶era alikomyawo omutima gwa bazadde eri abaana baabwe, nʼomutima gwʼabaana eri bazadde baabwe; nneme okukolimira ensi.”