Nakkumu 3:1-19 LGCB2014 - Bible AI

¹Zikusanze ggwe ekibuga ekyʼomusaayi! Kyonna ekijjudde ebyʼobulimba nʼobunyazi, ekitaggwaamu banyagiddwa.

²Muwulire okuvuga kwʼembooko, nʼokuvuuma kwa namuziga zʼamagaali nʼebigere byʼembalaasi nga bwe bivuga nʼamagaali nga gakubaganira mu nguudo!

³Laba eggye eryʼembalaasi erirumba, nʼebitala ebitemagana, nʼamafumu agamyansa. Abatuukiddwako ebisago nga bayitirivu, ne ntuumu ennene ezʼemirambo egitamanyiddwa muwendo; abantu bagirinnyirira.

⁴Bino byonna biri bityo kubanga Nineeve yeeweerayo ddala okwetunda eri abalabe ba Katonda obutasalako, nga malaaya omukulu, kye kibuga ekikyaamu ekitali kyesigwa ekyawubisa ebirala, omukulu wʼobufumu, ekyafuula amawanga abaddu baakyo olwʼobwamalaaya bwakyo, nʼolwʼobulogo bwakyo.

⁵“Laba nkwolekedde,” bwʼayogera Mukama owʼEggye, “era nditikka engoye zo ne zidda ku mutwe gwo. Ensi zonna ziriraba obwereere bwo nʼobwakabaka bwonna bulabe ensonyi zo.

⁶Ndikukanyugira kazambi, era ndikufuula ekyenyinyalwa ne nkufuula ekyʼokwelolera.

⁷Awo bonna abalikutunuulira balikwesamba ne bagamba nti, ‘Nineeve kifuuse matongo, ani anakikungubagira?’ Abalikikubagiza baliva wa?”

⁸Ggwe Nineeve ggwʼosinga Tebesi ekyali kizimbiddwa ku mugga Kiyira ngʼamazzi gakyetoolodde okukikuuma ku njuyi zonna? Olukomera lwakyo gwali mugga era amazzi ge gaali bbugwe waakyo.

⁹Esiyopya ne Misiri ze zaakiwagiranga. Ate nga Abapuuti[1] nʼabʼomu Libiya nabo nga bakiyamba.

¹⁰Kyawambibwa, ne kitwalibwa mu buwaŋŋanguse. Abaana bwakyo abawere babetentebwa mu ntandikwa ya buli luguudo. Abakungu baakyo baakubirwa obululu, nʼabasajja be abʼamaanyi baasibibwa mu njegere.

¹¹Nineeve naawe olitamiira, olyekweka ngʼonoonya obuddukiro owone omulabe wo.

¹¹

¹²Ebigo byo byonna biri ngʼemitiini egiriko ebibala ebisooka okwengera; bwe ginyeenyezebwa ne bigwa mu kamwa kʼoyo anaabirya.

¹³Laba abalwanyi bammwe balinafuwa ne batiitiira ngʼabakazi. Enzigi zʼensi yo nzigule eri abalabe bo. Era omuliro gwokezza emikiikiro gyazo.

¹³

¹⁴Weenyweze bajja kukulumba! Weeterekere ku mazzi gʼonoonywako. Nyweza ebisenge byo. Noonya ettaka olisambe oddaabirize ekisenge ekyʼamatoffaali.

¹⁵Omuliro gulikulya, ekitala kirikuzikiriza. Wenna oliriibwa ngʼenzige bwe zirya ebirime. Mweyongere obungi ngʼenseenene, mwale ngʼenzige.

¹⁶Mwongedde ku bungi bwa basuubuzi bammwe okusinga emmunyeenye ezʼoku ggulu. Naye ensi baligikaza okufaanana ngʼenzige bwe zimalawo ensi ne ziryoka zibuuka.

¹⁷Abakuumi bammwe bali ngʼenzige, nʼabakungu bammwe ngʼebibinja byʼenzige ezibeera ku bisenge ku lunaku olwʼobutiti. Enjuba bwʼevaayo zibuuka ne ziraga etamanyiddwa.

¹⁷

¹⁸Abasumba bo nga babongoota, ggwe kabaka wa Bwasuli, nʼabakungu abeekitiibwa bagalamidde nga bawumuddeko. Abantu bo basaasaanira ku nsozi nga tewali nʼomu abakuŋŋaanya.

¹⁹Tewali kisobola kuwonya kiwundu kyo ekinene bwe kityo. bakuba bukubi mu ngalo olwʼokugwa kwo. Ani ataakosebwa olwʼettima lyo eringi? Kubanga muntu ki ataatuusibwako bukambwe bwo obwa buli kakedde?

¹⁹Bonna abawulira ebikuguddeko