Nekkemiya 12:1-47 LGCB2014 - Bible AI

¹Bano be bakabona nʼAbaleevi abaakomawo ne Zerubbaberi mutabani wa Seyalutyeri ne Yesuwa: Seraya, ne Yeremiya, ne Ezera,[16]

²ne Amaliya, ne Malluki, ne Kattusi,

²

³ne Sekaniya, ne Lekumu, ne Meremoosi,

³

⁴ⓞ ne Iddo, ne Ginnesoyi, ne Abiya,

⁴

⁵ne Miyamini, ne Maadiya, ne Biruga,

⁵

⁶ne Semaaya, ne Yoyalibu, ne Yedaya,

⁶

⁷ne Sallu, ne Amoki, ne Kirukiya ne Yedaya.

⁷Abo be baali abakulembeze ba bakabona ne baganda baabwe mu biro bya Yesuwa.

⁸Abaleevi baali: Yesuwa, ne Binnuyi, ne Kadumyeri, ne Serebiya, ne Yuda ne Mattaniya awamu ne baganda be, abaakulemberanga ennyimba ezʼokwebaza mu kusinza.

⁹Bakubukiya ne Unni ne baganda baabwe bo, baayimiriranga nga baboolekedde mu biseera ebyʼokusinza.

¹⁰Yesuwa yali kitaawe wa Yoyakimu, ate Yoyakimu nga ye kitaawe wa Eriyasibu, ne Eriyasibu nga ye kitaawe wa Yoyaada,

¹¹Yoyaada nga ye kitaawe wa Yonasaani, ate Yonasaani nga ye kitaawe wa Yadduwa.

¹²Mu biro bya Yoyakimu, bano be baali abakulu bʼennyumba za bakabona: eya Seraya, yali Meraya; eya Yeremiya, yali Kananiya;

¹³eya Ezera, yali Mesullamu,

¹³eya Amaliya, yali Yekokanani;

¹⁴ⓟ eya Malluki, yali Yonasaani;

¹⁴eya Sebaniya, yali Yusufu;

¹⁵ⓠ eya Kalimu, yali Aduna;

¹⁵eya Merayoosi, yali Kerukayi;

¹⁶eya Iddo, yali Zekkaliya;

¹⁶eya Ginnesoni, yali Mesullamu;

¹⁷eya Abiya, yali Zikuli;

¹⁷eya Miniyamini ne Mowadiya, yali Pirutayi;

¹⁸eya Biruga, yali Sammuwa;

¹⁸eya Semaaya, yali Yekonasaani;

¹⁹eya Yoyalibu, yali Mattenayi;

¹⁹eya Yedaya, yali Uzzi;

²⁰eya Sallayi, yali Kallayi;

²⁰eya Amoki, yali Eberi;

²¹eya Kirukiya, yali Kasabiya;

²¹nʼeya Yedaya, yali Nesaneeri.

²²Abakulu bʼennyumba zʼAbaleevi abaakola mu biro bya Eriyasibu, ne Yoyada, ne Yokanaani ne Yadduwa, awamu ne bakabona, baawandiikibwa mu mirembe gya Daliyo Omuperusi.

²³Abakulu bʼenju abaava mu bazzukulu ba Leevi okutuuka ku mulembe gwa Yokanaani mutabani wa Eriyasibu, ne bawandiikibwa mu bitabo ebyʼebyafaayo.

²⁴Abakulembeze bʼAbaleevi baali: Kasabiya, ne Serebiya, ne Yesuwa mutabani wa Kadumyeri, nʼabaabayambangako nga baboolekedde, nga batendereza era nga beebaza, ngʼekibinja ekimu kiddamu ekirala kye biyimba, nga Dawudi omusajja wa Katonda bwe yalagira.

²⁵Mattaniya, ne Bakubukiya, ne Obadiya, ne Mesullamu, ne Talumoni, ne Akkubu be baakuumanga amawanika gʼoku miryango.

²⁶Baaweerereza mu biro bya Yoyakimu mutabani wa Yesuwa, mutabani wa Yozadaki, ne mu biro bya Nekkemiya owessaza, ne Ezera kabona era omuwandiisi.

²⁷Awo okutukuza kwa bbugwe wa Yerusaalemi bwe kwatuuka, ne banoonya Abaleevi okuva gye baabeeranga, ne baleetebwa e Yerusaalemi okujaguza nga bwe bayimba nʼokukuba ebitaasa nʼentongooli nʼennanga.

²⁸Abayimbi nabo ne bajja okuva mu bitundu ebyetoolodde Yerusaalemi, nga bava mu byalo byʼAbanetofa,

²⁹nʼokuva mu Besugirugaali, nʼokuva mu bitundu byʼe Geba nʼe Azumavesi; abayimbi baali beefunidde ebyalo okwetooloola Yerusaalemi.

³⁰Bakabona nʼAbaleevi bwe baamala okwetukuza olwʼemikolo egyo, ne balyoka batukuza abantu, nʼemiryango ne bbugwe.

³¹Ne ndyoka ntwala abakulembeze ba Yuda waggulu ku bbugwe, ne ndagira nʼebibinja bibiri ebyʼabayimbi okwebaza. Ekimu kyalaga waggulu wa bbugwe ku mukono ogwa ddyo, nʼekirala ne kiraga ku Mulyango gwʼObusa.

³²Kosaaya ne kimu kyakubiri ekyʼabakulembeze ba Yuda ne babagoberera,

³³nga bali wamu ne Azaliya, ne Ezera, ne Mesullamu,

³⁴ne Yuda, ne Benyamini, ne Semaaya, ne Yeremiya,

³⁵ne bakabona abamu nga bakutte amakondeere, ne Zekkaliya mutabani wa Yonasaani, muzzukulu wa Semaaya, muzzukulu wa Mikaaya, muzzukulu wa Zakkuli, muzzukulu wa Asafu;

³⁶ne banne abaamuyambangako nga be bano: Semaaya, ne Azuleeri, ne Miralayi, ne Giralayi, ne Maayi, ne Nesaneeri, ne Yuda, ne Kanani, nga balina ebivuga ebyalagirwa Dawudi omusajja wa Katonda, era Ezera omuwandiisi, ye yabakulemberangamu.

³⁷Bwe baatuuka ku Mulyango gwʼOluzzi, ne bambuka amadaala gʼEkibuga kya Dawudi okutuukira ddala ku bbugwe; ne bayita ku lubiri lwa Dawudi ne batuuka ku Mulyango ogwʼAmazzi, oguli ku luuyi olwʼebuvanjuba.

³⁸Ekibinja ekyokubiri ekyʼabayimbi, ne kiraga ku luuyi olwolekedde luli bali gye baali balaze. Nze ne kimu kyakubiri ekyʼabantu ne tubagoberera okutuukira ddala waggulu ku bbugwe, ne tuyita ku Munaala gwʼEbikoomi ne tutuuka ku Bbugwe Omugazi,

³⁹ne ku Mulyango gwa Efulayimu, ne ku Mulyango gwa Yesana, ne ku Mulyango gwʼEbyennyanja, nʼokutuuka ku Munaala gwa Kananeri, ne ku Munaala gwʼEkikumi, nʼokutuukira ddala ku Mulyango gwʼEndiga, ne tuyimirira ku Mulyango gwʼAbambowa.

⁴⁰Ebibinja byombi ebyʼabayimbi ne batuula mu bifo byabwe mu nnyumba ya Katonda; nange ne kimu kyakubiri ekyʼabakulembeze ne tutuula,

⁴¹awamu ne bakabona bano: Eriyakimu, ne Maaseya, ne Miniyamini, ne Mikaaya, ne Eriwenayi, ne Zekkaliya, ne Kananiya nga balina amakondeere;

⁴²Maaseya, ne Semaaya, ne Eriyazaali, ne Uzzi, ne Yekokanani, ne Malukiya, ne Eramu, ne Ezera nabo baaliwo. Abayimbi ne bayimba, Yekulakiya nga ye mukulu waabwe.

⁴³Ku lunaku olwo, ne bawaayo ssaddaaka nnyingi nnyo nnyini, nga batendereza kubanga Katonda yali abawadde essanyu lingi nnyo nnyini. Abakazi nʼabaana nabo ne basanyukira wamu nabo, era okujaguza okwo mu Yerusaalemi ne kuwulirwa mu bifo ebyʼewala.

⁴⁴Mu kiseera ekyo, abantu ne balondebwa okulabiriranga amawanika omwaterekebwanga ebyaleetebwanga, nga mwe muli ebibala ebibereberye, ne kimu kya kkumi, nga bireetebwa okuva mu bibanja ebyetoolodde ebibuga, nga bwe kyalagibwa mu Mateeka, ne biweebwa bakabona nʼAbaleevi. Yuda baali basanyufu olwʼobuweereza bwa bakabona awamu nʼobwʼAbaleevi.

⁴⁵ⓡ Bakabona nʼAbaleevi ne bakwata embaga ya Katonda waabwe era ne bagitukuza, nʼabayimbi awamu nʼabakuumi ba wankaaki nabo ne bakola bwe batyo, ngʼekiragiro kya Dawudi ne Sulemaani mutabani we bwe kyali.

⁴⁶Mu biro ebyʼedda, mu biseera bya Dawudi ne Asafu, waabangawo abakulu bʼabayimbi, ate nga waliwo nʼennyimba ezaayimbibwanga okutendereza Katonda.

⁴⁷ⓢ Noolwekyo mu biro bya Zerubbaberi ne mu biro bya Nekkemiya, Isirayiri kyeyava ewaayo ebibinja byʼabayimbi nʼabakuumi ba wankaaki. Ne balonda nʼekibinja kyʼAbaleevi abalala, nʼAbaleevi nabo ne balondayo ekibinja ekyava mu bazzukulu ba Alooni.