Okubala 1:1-54 LGCB2014 - Bible AI

¹ⓐ Awo Mukama Katonda nʼayogera ne Musa mu Weema ya Mukama eyʼOkukuŋŋaanirangamu, mu Ddungu lya Sinaayi ku lunaku olwʼolubereberye olwʼomu mwezi ogwokubiri ogwʼomwaka ogwokubiri kasookedde abaana ba Isirayiri bava mu nsi yʼe Misiri[1]. Nʼamugamba nti:

²“Bala ekibiina kyonna ekyʼabaana ba Isirayiri ngʼobategeka mu bika byabwe, ne mu mpya zaabwe, ngʼowandiika erinnya lya buli musajja kinnoomu ku lukalala.

³Ggwe ne Alooni mujja kutegeka abasajja bonna abʼomu Isirayiri abawezezza emyaka amakumi abiri egyʼobukulu nʼokusingawo, abatuuse okuyingira mu magye, mubabalire mu bibinja byabwe.

⁴Munaayambibwako omusajja omu omu okuva mu buli kika, nga ye mukulu wʼoluggya lwa bajjajjaabe.

⁵Gano ge mannya gʼabasajja abajja okubayambako:

⁵Aliva mu kika kya Lewubeeni ye Erizuuli mutabani wa Sedewuli;

⁶mu kya Simyoni ye Serumiyeeri mutabani wa Zulisadaayi;

⁶

⁷mu kya Yuda ye Nakusoni mutabani wa Amminadaabu;

⁷

⁸mu kya Isakaali ye Nesaneri mutabani wa Zuwaali;

⁸

⁹mu kya Zebbulooni ye Eriyaabu mutabani wa Keroni.

⁹

¹⁰Okuva mu baana ba Yusufu: mu kya Manase ye Gamalyeri mutabani wa Pedazuuli.

¹⁰mu kya Efulayimu ye Erisaama mutabani wa Ammikudi;

¹¹Aliva mu kika kya Benyamini ye Abidaani mutabani wa Gidyoni;

¹¹

¹²mu kya Ddaani ye Akiyezeeri mutabani wa Amisadaayi;

¹²

¹³mu kya Aseri ye Pagiyeeri mutabani wa Okulaani;

¹³

¹⁴mu kya Gaadi ye Eriyasaafu mutabani wa Deweri;

¹⁴

¹⁵mu kya Nafutaali ye Akira mutabani wa Enani.”

¹⁶Abo be basajja abaalondebwa okuva mu kibiina, nga be bakulembeze abʼebika bya bajjajjaabwe. Abo nga be bakulu bʼebika bya Isirayiri.

¹⁷Awo Musa ne Alooni ne batwala abasajja abo abaatuddwa amannya gaabwe,

¹⁸ne bakuŋŋaanya ekibiina kyʼabantu bonna ku lunaku olwʼolubereberye olwʼomu mwezi ogwokubiri. Awo abantu bonna ne beewandiisa mu bujjajja bwabwe ne mu bika byabwe awamu ne mu mpya zaabwe. Abasajja abo abaali bawezezza emyaka amakumi abiri egyʼobukulu nʼokusingawo, amannya gaabwe ne gawandiikibwa kinnoomu ku lukalala,

¹⁹nga Mukama bwe yalagira Musa. Bwʼatyo Musa nʼababalira mu Ddungu lya Sinaayi:

²⁰Abʼomu bazzukulu ba Lewubeeni, mutabani wa Isirayiri omubereberye: Abasajja bonna abʼemyaka egyʼobukulu amakumi abiri nʼokusingawo, nga batuuse nʼokuyingira mu magye, baawandiikibwa amannya gaabwe kinnoomu, ngʼebiwandiiko byʼebika byabwe nʼebyʼempya zaabwe bwe byali.

²¹Abaabalibwa okuva mu kika kya Lewubeeni baali emitwalo ena mu kakaaga mu bitaano (46,500).

²²Abʼomu bazzukulu ba Simyoni: Abasajja bonna abʼemyaka egyʼobukulu amakumi abiri nʼokusingawo nga batuuse nʼokuyingira mu magye, baawandiikibwa amannya gaabwe kinnoomu, ngʼebiwandiiko byʼebika byabwe nʼebyʼempya zaabwe bwe byali.

²³Abaabalibwa okuva mu kika kya Simyoni baali emitwalo etaano mu kenda mu ebikumi bisatu (59,300).

²⁴Abʼomu bazzukulu ba Gaadi: Abasajja bonna abʼemyaka egyʼobukulu amakumi abiri nʼokusingawo, nga batuuse nʼokuyingira mu magye, baawandiikibwa amannya gaabwe kinnoomu, ngʼebiwandiiko byʼebika byabwe, nʼebyʼempya zaabwe bwe byali.

²⁵Abaabalibwa okuva mu kika kya Gaadi baali emitwalo ena mu enkumi ttaano mu lukaaga mu amakumi ataano (45,650).

²⁶Abʼomu bazzukulu ba Yuda: Abasajja bonna abʼemyaka egyʼobukulu amakumi abiri nʼokusingawo, nga batuuse nʼokuyingira mu magye, baawandiikibwa amannya gaabwe kinnoomu, ngʼebiwandiiko byʼebika byabwe nʼebyʼempya zaabwe bwe byali.

²⁷Abaabalibwa okuva mu kika kya Yuda baali emitwalo musanvu mu enkumi nnya mu lukaaga (74,600).

²⁸Abʼomu bazzukulu ba Isakaali: Abasajja bonna abʼemyaka egyʼobukulu amakumi abiri nʼokusingawo, nga batuuse nʼokuyingira mu magye, baawandiikibwa amannya gaabwe, kinnoomu, ngʼebiwandiiko byʼebika byabwe nʼebyʼempya zaabwe bwe byali.

²⁹Abaabalibwa okuva mu kika kya Isakaali baali emitwalo etaano mu enkumi nnya mu ebikumi bina (54,400).

³⁰Abʼomu bazzukulu ba Zebbulooni: Abasajja bonna abʼemyaka egyʼobukulu amakumi abiri nʼokusingawo, nga batuuse nʼokuyingira mu magye, baawandiikibwa amannya gaabwe kinoomu, ngʼebiwandiiko byʼebika byabwe nʼebyʼempya zaabwe bwe byali.

³¹Abaabalibwa okuva mu kika kya Zebbulooni baali emitwalo etaano mu kasanvu mu ebikumi bina (57,400).

³²Okuva mu batabani ba Yusufu: Abʼomu bazzukulu ba Efulayimu: Abasajja bonna abʼemyaka egyʼobukulu amakumi abiri nʼokusingawo, nga batuuse nʼokuyingira mu magye, baawandiikibwa amannya gaabwe kinnoomu, ngʼebiwandiiko byʼebika byabwe nʼebyʼempya zaabwe bwe byali.

³³Abaabalibwa okuva mu kika kya Efulayimu baali emitwalo ena mu ebikumi bitaano (40,500).

³⁴Abʼomu bazzukulu ba Manase: Abasajja bonna abʼemyaka egyʼobukulu amakumi abiri nʼokusingawo, nga batuuse nʼokuyingira mu magye, baawandiikibwa amannya gaabwe kinnoomu, ngʼebiwandiiko byʼebika byabwe nʼebyʼempya zaabwe bwe byali.

³⁵Abaabalibwa okuva mu kika kya Manase baali emitwalo esatu mu enkumi bbiri mu ebikumi bibiri (32,200).

³⁶Abʼomu bazzukulu ba Benyamini: Abasajja bonna abʼemyaka egyʼobukulu amakumi abiri nʼokusingawo, nga batuuse nʼokuyingira mu magye, baawandiikibwa amannya gaabwe kinnoomu, ngʼebiwandiiko byʼebika byabwe nʼebyʼempya zaabwe bwe byali.

³⁷Abaabalibwa okuva mu kika kya Benyamini baali emitwalo esatu mu enkumi ttaano mu ebikumi bina (35,400).

³⁸Abʼomu bazzukulu ba Ddaani: Abasajja bonna abʼemyaka egyʼobukulu amakumi abiri nʼokusingawo nga batuuse nʼokuyingira mu magye, baawandiikibwa amannya gaabwe kinnoomu, ngʼebiwandiiko byʼebika byabwe nʼebyʼempya zaabwe bwe byali.

³⁹Abaabalibwa okuva mu kika kya Ddaani baali emitwalo mukaaga mu enkumi bbiri mu lusanvu (62,700).

⁴⁰Abʼomu bazzukulu ba Aseri: Abasajja bonna abʼemyaka egyʼobukulu amakumi abiri nʼokusingawo, nga batuuse nʼokuyingira mu magye, baawandiikibwa amannya gaabwe kinnoomu, ngʼebiwandiiko byʼebika byabwe nʼebyʼempya zaabwe bwe byali.

⁴¹Abaabalibwa okuva mu kika kya Aseri baali emitwalo ena mu lukumi mu ebikumi bitaano (41,500).

⁴²Abʼomu bazzukulu ba Nafutaali: Abasajja bonna abʼemyaka egyʼobukulu amakumi abiri nʼokusingawo, nga batuuse nʼokuyingira mu magye, baawandiikibwa amannya gaabwe kinnoomu, ngʼebiwandiiko byʼebika byabwe nʼebyʼempya zaabwe bwe byali.

⁴³Abaabalibwa okuva mu kika kya Nafutaali baali emitwalo etaano mu enkumi ssatu mu ebikumi bina (53,400).

⁴⁴Abo be basajja Musa ne Alooni be baabala, nga bayambibwako abakulembeze abʼomu Isirayiri ekkumi nʼababiri, nga buli omu akiikiridde ekika kye.

⁴⁵Abasajja bonna abaana ba Isirayiri abaali bawezezza emyaka egyʼobukulu amakumi abiri nʼokusingawo, nga batuuse nʼokuyingira mu magye ga Isirayiri bwe batyo ne babalirwa mu bika byabwe.

⁴⁶Obungi bwabwe bonna abaabalibwa okugatta awamu baali bawera emitwalo nkaaga mu enkumi ssatu mu ebikumi bitaano mu amakumi ataano (603,550).

⁴⁷Abazzukulu abʼomu mpya ezʼomu bika ebirala bwe baali babalibwa, bo abʼomu kika kya Leevi tebaabalibwa.

⁴⁸Kubanga Mukama Katonda yali agambye Musa nti,

⁴⁹“Abʼomu kika kya Leevi tababalanga wadde okubagatta awamu nʼemiwendo gyʼabaana ba Isirayiri abalala.”

⁵⁰Era nʼamugamba nti, “Naye Abaleevi obawanga omulimu ogwʼokulabirira Eweema eyʼObujulirwa nʼebintu byamu byonna awamu ne byonna ebigigenderako. Banaasitulanga Eweema nʼebyamu byonna, banaagirabiriranga era banaasiisiranga okugyetooloola.

⁵¹Eweema bwʼeneebanga etwalibwa mu kifo ekirala, Abaleevi be banaagisimbulanga, era bwe kineetaagisanga okugissa mu kifo awalala, Abaleevi be banaagisimbangawo. Omuntu omulala yenna bwʼanaagisembereranga anaafanga.

⁵²Abaana ba Isirayiri banaasiisiranga mu bibinja, nga buli musajja ali mu lusiisira lwe nʼebendera ye ku bubwe.

⁵³Naye Abaleevi bo banaasimbanga eweema zaabwe okwebungulula Eweema eyʼObujulirwa, abaana ba Isirayiri baleme kutuukibwako busungu bwa Mukama. Abaleevi be banaabanga nʼobuvunaanyizibwa obwʼokulabirira Eweema eyʼObujulirwa.”

⁵⁴Abaana ba Isirayiri ne bakola ebyo byonna nga Mukama Katonda bwe yalagira Musa.