Okubala 24:1-25 LGCB2014 - Bible AI

¹Awo Balamu bwe yalaba nga Mukama Katonda asiimye okuwa Isirayiri omukisa, nʼataddayo kunoonya bya bulaguzi, nga bwe yakola ku mirundi emirala, naye nʼayolekeza amaaso ge eddungu.

²Balamu nʼalengera ewala, nʼalaba Isirayiri gye yasiisira ngʼebika bwe byali, nʼajjirwa Omwoyo wa Katonda,

³nʼalagula nti,

³Okulagula kwa Balamu mutabani wa Byoli, okulagula kwʼomuntu azibuddwa amaaso,

⁴okulagula kwʼoyo awulira ekigambo kya Katonda alaba okwolesebwa kwʼAyinzabyonna, eyeeyaze wansi, nʼamaaso ge nga gatunula:

⁴

⁵Eweema zo nga nnungi, Ayi Yakobo, ebifo byo mwʼobeera, Ayi Isirayiri!

⁵

⁶Byeyaliiridde ngʼebiwonvu, ngʼennimiro ku mabbali gʼomugga, ngʼemigavu egisimbiddwa Mukama ngʼemivule egiri okumpi nʼamazzi.

⁷Amazzi ganaakulukutanga mu bulobo bwabwe; ne gabooga ensigo zaabwe zirifunanga amazzi mangi.

⁷Kabaka waabwe aliba wa kitiibwa okukira Agagi obwakabaka bwabwe bunaagulumizibwanga.

⁸Katonda ye yabaggya mu Misiri balina amaanyi nga aga sseddume eyʼomu nsiko. Basaanyaawo amawanga gʼabalabe ne bamenyaamenya amagumba gaabwe mu butundutundu, ne babalasa nʼobusaale bwabwe.

⁹Ngʼempologoma ensajja, beekulula ne bagalamira wansi, ngʼempologoma enkazi; ani ayaŋŋanga okubagolokosa? Akusabiranga omukisa aweebwenga omukisa nʼoyo akukolimira akolimirwenga!

¹⁰Awo obusungu bwa Balaki ne bubuubuukira ku Balamu. Nʼakuba mu ngalo omulundi gumu, nʼamugamba nti, “Nakuyita okolimire abalabe bange, naye obasabidde mukisa emirundi gino gyonsatule.

¹¹Kale nno situka oddeyo ewammwe! Nagamba nti Nnandikuwadde ebitiibwa bingi, naye Mukama akuziyizza okuweebwa ebitiibwa ebyo.”

¹²Balamu nʼagamba Balaki nti, “Ababaka bo be wantumira, saabagamba nti,

¹³‘Balaki ne bwʼalimpa ennyumba ye ngʼejjudde zaabu ne ffeeza, sigenda kusukka kiragiro kya Mukama ne nkola ekyange ku bwange oba nga kirungi oba nga kibi, wabula nga ndyogera ebyo byokka Mukama byʼalindagira okwogera?’

¹⁴Kaakano nno nzirayo ewaffe mu bantu bange, naye wuliriza nga nkulabula abantu bano kye balikola abantu bo mu nnaku ezijja.”

¹⁵Nʼalagula bwʼati nti, Okulagula kwa Balamu mutabani wa Byoli, okulagula kwʼomuntu azibuddwa amaaso,

¹⁶Okulagula kwʼoyo awulira ekigambo kya Katonda, aggya okutegeera eri oyo Ali Waggulu Ennyo alaba okulabikirwa kwʼAyinzabyonna eyeeyaze wansi, nʼamaaso ge nga gatunula.

¹⁶

¹⁷Mmulaba, naye si kaakano; mmutunuulira, naye tali kumpi. Emmunyeenye eriva ewa Yakobo; omufuzi alisituka ngʼava mu Isirayiri. Alibetenta Mowaabu, obuwangaⓤ bwʼabatabani ba Seezi.

¹⁸Edomu[15] aliwangulwa; Seyiri, omulabe we, aliwangulwa, naye Isirayiri alyeyongera amaanyi.

¹⁹Omufuzi alisituka ngʼava mu Yakobo nʼazikiriza abʼomu kibuga abaliba bawonyeewo.

²⁰Balamu nʼalaba Amaleki, nʼalagula nti, “Amaleki ye yakulemberanga mu mawanga, naye ku nkomerero agenda kuzikirira.”

²¹Nʼalaba Abakeeni, nʼalagula nti: “Ekifo kyo wʼobeera wagumu, ekisu kyo kiri mu lwazi

²²naye era mmwe Abakeeni mugenda kuzikirizibwa Asuli bwʼalibatwala mu busibe.”

²³Ate nʼalagula nti, “Woowe! Ani aba omulamu nga Katonda asazeewo ekyʼokukola?

²⁴Ebyombo birijja nga biva ku mbalama za Kittimu; birifufuggaza Asuli ne Eberi[16], naye nabyo birizikirira.”

²⁵Awo Balamu nʼasituka nʼaddayo ewaabwe, ne Balaki nʼakwata agage.