Okubala 26:1-65 LGCB2014 - Bible AI

¹Awo oluvannyuma lwa kawumpuli, Mukama Katonda nʼagamba Musa ne Eriyazaali, mutabani wa Alooni, kabona, nti,

²“Bala omuwendo gwʼabantu bonna abali mu kibiina kyʼabaana ba Isirayiri, ngʼobabala mu bika byabwe ne mu mayumba ga bakadde baabwe. Bala abasajja bonna abawezezza emyaka amakumi abiri nʼokusingawo abakyasobola okutabaala mu ggye lya Isirayiri.”

³Bwe batyo, nga bali mu nsenyi za Mowaabu, ku ludda lwʼomugga Yoludaani okwolekera Yeriko, Musa ne Eriyazaali kabona, ne boogera ne bagamba abantu nti,

⁴“Mubale abasajja bonna abawezezza emyaka amakumi abiri nʼokusingawo, nga Mukama Katonda bwe yalagira Musa.”

⁴Bano be baana ba Isirayiri abaava mu nsi yʼe Misiri:

⁵Abʼomu kika kya Lewubeeni, mutabani wa Isirayiri omubereberye, be bano: abaava mu Kanoki, lwe lunyiriri lwʼAbakanoki; abaava mu Palu, lwe lunyiriri lwʼAbapalu;

⁶abaava mu Kezulooni, lwe lunyiriri lwʼAbakezulooni;

⁶abaava mu Kalumi, lwe lunyiriri lwʼAbakalumi;

⁷Ezo ze nnyiriri zʼekika kya Lewubeeni. Abo abaabalibwa baawera emitwalo ena mu enkumi ssatu mu lusanvu mu amakumi asatu (43,730).

⁸Mutabani wa Palu yali Eriyaabu,

⁹ne batabani ba Eriyaabu baali, Nemweri ne Dasani ne Abiraamu. Dasani ne Abiraamu be bo abaali abakulembeze mu kibiina abaajeemera Musa ne Alooni era baali mu kabondo kʼabagoberezi ba Koola abajeemera Mukama Katonda.

¹⁰Ensi yayasamya akamwa kaayo nʼebamira, ne bafiira wamu ne Koola; nʼabagoberezi ba Koola ebikumi bibiri mu ataano nabo baazikirizibwa mu muliro ogwabasaanyaawo. Ne babeera kabonero ka kulabirako akanaalabulanga abantu.

¹¹Kyokka olunyiriri lwa Koola terwazikiririra ddala lwonna.

¹²Abʼomu kika kya Simyoni ngʼennyiriri zaabwe bwe zaali be bano: abaava mu Nemweri, lwe lunyiriri lwʼAbanemweri; abaava mu Yamini, lwe lunyiriri lwʼAbayamini; abaava mu Yakini, lwe lunyiriri lwʼAbayakini;

¹³abaava mu Zeera, lwe lunyiriri lwʼAbazeera;

¹³abaava mu Sawuli, lwe lunyiriri lwʼAbasawuli

¹⁴Ezo ze nnyiriri zʼekika kya Simyoni. Abaabalibwa baawera abasajja emitwalo ebiri mu enkumi bbiri mu ebikumi bibiri (22,200).

¹⁵Abʼomu kika kya Gaadi ngʼennyiriri zaabwe bwe zaali, be bano: abaava mu Zefoni, lwe lunyiriri lwʼAbazefoni; abaava mu Kagi, lwe lunyiriri lwʼAbakagi; abaava mu Suni, lwe lunyiriri lwʼAbasuni;

¹⁶abaava mu Ozeni, lwe lunyiriri lwʼAbaozeni;

¹⁶abaava mu Eri, lwe lunyiriri lwʼAbaeri;

¹⁷abaava mu Alodi,ⓥ lwe lunyiriri lwʼAbaalodi;

¹⁷abaava mu Aleri, lwe lunyiriri lwʼAbaaleri.

¹⁸Ezo ze nnyiriri zʼekika kya Gaadi. Abaabalibwa baawera abasajja emitwalo ena mu ebikumi bitaano (40,500).

¹⁹Eri ne Onani baali batabani ba Yuda, naye ne bafiira mu nsi ya Kanani.

²⁰Abʼomu kika kya Yuda ngʼennyiriri zaabwe bwe zaali, be bano: abaava mu Seera, lwe lunyiriri lwʼAbaseera; abaava mu Pereezi, lwe lunyiriri lwʼAbapereezi; abaava mu Zeera, lwe lunyiriri lwʼAbazeera;

²¹Bazzukulu ba Pereezi be bano: abaava mu Kamuli, lwe lunyiriri lwʼAbakamuli.

²¹abaava mu Kezulooni, lwe lunyiriri lwʼAbakezulooni

²²Ezo ze nnyiriri zʼekika kya Yuda. Abaabalibwa baawera abasajja emitwalo musanvu mu kakaaga mu ebikumi bitaano (76,500).

²³Abʼomu kika kya Isakaali ngʼennyiriri zaabwe bwe zaali, be bano: abaava mu Tola, lwe lunyiriri lwʼAbatola; abaava mu Puva, lwe lunyiriri lwʼAbapuvaⓦ ;

²⁴abaava mu Yasubu, lwe lunyiriri lwʼAbayasubu;

²⁴abaava mu Simuloni, lwe lunyiriri lwʼAbasimoloni

²⁵Ezo ze nnyiriri zʼekika kya Isakaali. Abaabalibwa baawera abasajja emitwalo mukaaga mu enkumi nnya mu ebikumi bisatu (64,300).

²⁶Abʼomu kika kya Zebbulooni ngʼennyiriri zaabwe bwe zaali be bano: abaava mu Seredi, lwe lunyiriri lwʼAbaseredi; abaava mu Eroni, lwe lunyiriri lwʼAbaeroni; abaava mu Yaleeri, lwe lunyiriri lwʼAbayaleeri;

²⁷Ezo ze nnyiriri zʼekika kya Zebbulooni. Abaabalibwa baawera abasajja emitwalo mukaaga mu ebikumi bitaano (60,500).

²⁸Abʼomu kika kya Yusufu nga bayita mu bika bya batabani be Manase ne Efulayimu.

²⁹Abʼomu kika kya Manase ngʼennyiriri zaabwe bwe zaali be bano: abaava mu Makiri, lwe lunyiriri lwʼAbamakiri, Makiri ye yali kitaawe wa Gireyaadi. Abaava mu Gireyaadi, lwe lunyiriri lwʼAbagireyaadi.

³⁰Abʼomu kika kya Gireyaadi ngʼennyiriri zaabwe bwe zaali be bano: abaava mu Kereki, lwe lunyiriri lwʼAbakereki;

³⁰abaava mu Yezeeri, lwe lunyiriri lwʼAbayezeeri,

³¹abaava mu Asuliyeri, lwe lunyiriri lwʼAbasuliyeri,

³¹abaava mu Sekemu, lwe lunyiriri lwʼAbasekemu:

³²abaava mu Semida, lwe lunyiriri lwʼAbasemida;

³²abaava mu Keferi, lwe lunyiriri lwʼAbakeferi;

³³Zerofekadi teyazaala baana balenzi, yalina bawala bokka, amannya gaabwe ge gano: Maala, ne Noowa ne Kogula ne Mirika ne Tiruza.

³⁴Ezo ze nnyiriri zʼekika kya Manase; abaabalibwa baawera abasajja emitwalo etaano mu enkumi bbiri mu lusanvu (52,700).

³⁵Abʼomu kika kya Efulayimu ngʼennyiriri zaabwe bwe zaali, be bano: abaava mu Susera, lwe lunyiriri lwʼAbasusera; abaava mu Bekeri, lwe lunyiriri lwʼAbabekeri; abaava mu Takani, lwe lunyiriri lwʼAbatakani;

³⁶Bano be bazzukulu ba Susera:

³⁶abaava mu Erani, lwe lunyiriri lwʼAbaerani.

³⁷Ezo ze nnyiriri zʼekika kya Efulayimu; nʼabaabalibwa baawera abasajja emitwalo esatu mu enkumi bbiri mu ebikumi bitaano (32,500). Abo bonna baava mu Yusufu ngʼebika byabwe bwe byali nʼennyiriri zaabwe bwe zaali.

³⁸Abʼomu kika kya Benyamini ngʼennyiriri zaabwe bwe zaali, be bano: abaava mu Bera, lwe lunyiriri lwʼAbabera; abaava mu Asuberi, lwe lunyiriri lwʼAbasuberi abaava mu Akiramu, lwe lunyiriri lwʼAbakiramu

³⁹abaava mu Sufamu, lwe lunyiriri lwʼAbasufamu;

³⁹abaava mu Kufamu, lwe lunyiriri lwʼAbakufamu;

⁴⁰Abazzukulu ba Bera nga bava mu Aluda abaava mu Aluda, lwe lunyiriri lwʼAbaluda; abaava mu Naamani, lwe lunyiriri lwʼAbanaamani.

⁴⁰ne Naamani ngʼennyiriri zaabwe bwe zaali be bano:

⁴¹Ezo ze nnyiriri zʼekika kya Benyamini; nʼabaabalibwa baawera abasajja emitwalo ena mu enkumi ttaano mu lukaaga (45,600).

⁴²Abʼomu kika kya Ddaani ngʼennyiriri zaabwe bwe zaali be bano: abaava mu Sukamu, lwe lunyiriri lwʼAbasukamu. Abo be baava mu Ddaani.

⁴³Zonna zaali nnyiriri za Basukamu. Abaabalibwa baawera abasajja emitwalo mukaaga mu enkumi nnya mu ebikumi bina (64,400).

⁴⁴Abʼomu kika kya Aseri ngʼennyiriri zaabwe bwe zaali be bano: abaava mu Imuna, lwe lunyiriri lwʼAbayimuna; abaava mu Isuvi, lwe lunyiriri lwʼAbayisuvi; abaava mu Beriya, lwe lunyiriri lwʼAbaberiya;

⁴⁵Ate okuva mu bazzukulu ba Beriya, ze zino: abaava mu Malukiyeeri, lwe lunyiriri lwʼAbamalukiyeeri.

⁴⁵abaava mu Keberi, lwe lunyiriri lwʼAbakeberi;

⁴⁶Aseri yalina omwana omuwala erinnya lye nga ye Seera.

⁴⁷Ezo ze nnyiriri zʼekika kya Aseri; nʼabaabalibwa baawera abasajja emitwalo etaano mu enkumi ssatu mu ebikumi bina (53,400).

⁴⁸Abʼomu kika kya Nafutaali ngʼennyiriri zaabwe bwe zaali be bano: abaava mu Yazeeri, lwe lunyiriri lwʼAbayazeeri, abaava mu Guni, lwe lunyiriri lwʼAbaguni

⁴⁹abaava mu Yezeeri, lwe lunyiriri lwʼAbayezeeri;

⁴⁹abaava mu Siremu, lwe lunyiriri lwʼAbasiremu.

⁵⁰Ezo ze nnyiriri zʼekika kya Nafutaali. Abaabalibwa baawera abasajja emitwalo ena mu enkumi ttaano mu ebikumi bina (45,400).

⁵¹Okugatta awamu omuwendo gwonna ogwʼabaana ba Isirayiri abasajja abaabalibwa baawera emitwalo nkaaga mu lukumi mu lusanvu mu amakumi asatu (601,730).

⁵²Awo Mukama Katonda nʼagamba Musa nti,

⁵³“Ensi ejja kubagabanyizibwamu okubeera obutaka bwabwe ngʼobungi bwʼamannya gaabwe bwe buli.

⁵⁴Ekibiina ekinene kinaafuna wanene, nʼekibiina ekitono kinaafuna watono. Buli kibiina kinaafuna obunene nga obungi bwʼamannya agali ku lukalala bwe genkana obungi.

⁵⁵Weegendereze okukakasa ngʼensi egabanyizibbwa mu bwenkanya. Ekika, ekitundu kye kinaafuna kineesigama ku bungi bwʼamannya ga bajjajja bʼekika ekyo.

⁵⁶Ebitundu ebinene binaagabanyizibwa ku kalulu, era nʼebitundu ebitono nabyo bwe bityo.”

⁵⁷Bano be Baleevi abaabalibwa ngʼenyiriri zaabwe bwe zaali: abaava mu Gerusoni, lwe lunyiriri lwʼAbagerusoni; abaava mu Kokasi, lwe lunyiriri lwʼAbakokasi; abaava mu Merali, lwe lunyiriri lwʼAbamerali.

⁵⁸Ne zino nazo nnyiriri za Baleevi: olunyiriri lwʼAbakebbulooni, olunyiriri lwʼAbamakuli, olunyiriri lwʼAbamusi, nʼolunyiriri lwʼAbakoola. Kokasi yazaala Amulaamu.

⁵⁸olunyiriri lwʼAbabalibuni,

⁵⁹Erinnya lya muka Amulaamu ye yali Yokebedi muwala wa Leevi, Leevi gwe yazaalira mu Misiri. Nʼazaalira Amulaamu bano: Alooni, ne Musa ne mwannyinaabwe Miryamu.

⁶⁰Alooni ye yali kitaawe wa bano: Nadabu, ne Abiku, ne Eriyazaali ne Isamaali.

⁶¹Kyokka Nadabu ne Abiku ne bafa bwe baakuma omuliro ogutali mutukuvu mu maaso ga Mukama.

⁶²Abasajja bonna okuva ku mwezi ogumu ogwʼobukulu nʼokusingawo, abaabalibwa, baali emitwalo ebiri mu enkumi ssatu (23,000). Tebaabalirwa wamu na baana ba Isirayiri nga babalibwa, kubanga Abaleevi bo tebaaweebwa mugabo gwa butaka ngʼabaana ba Isirayiri bagabana.

⁶³Abo be baabalibwa Musa ne Eriyazaali kabona lwe baabala abaana ba Isirayiri mu nsenyi za Mowaabu ku mugga Yoludaani okwolekera Yeriko.

⁶⁴Naye mu bano abaabalibwa temwalimu musajja nʼomu ku abo abaali babaliddwa Musa ne Alooni kabona bwe baabala abaana ba Isirayiri mu Ddungu lya Sinaayi.

⁶⁵Kubanga Mukama Katonda yali agambye abaana ba Isirayiri abo nti Awatali kubuusabuusa bonna bagenda kufiira mu ddungu. Era tewali nʼomu eyasigalawo nga mulamu okuggyako Kalebu mutabani wa Yefune, ne Yoswa mutabani wa Nuuni.