Okubala 34:1-29 LGCB2014 - Bible AI

¹Mukama Katonda nʼagamba Musa nti,

²“Lagira abaana ba Isirayiri ngʼobagamba nti, ‘Bwe muyingiranga mu Kanani, gye mbawa okuba ensi yammwe eyʼobutaka bwammwe obwʼenkalakkalira, zino ze ziribeera ensalo zaayo:

³“‘Ku bukiikaddyo, ensalo yammwe erizingiramu Eddungu lya Zini nʼekibira ku mabbali ga Edomu. Ku luuyi lwʼebuvanjuba, ensalo yammwe eyʼoku bukiikaddyo eritandikira ku Nnyanja eyʼOmunnyo wʼekoma ku luuyi olwʼebuvanjuba,

⁴nʼeyambukira ku Kkubo lya Akulabbimu, nʼeraga ku Zini nʼekoma ku bukiikaddyo obwa Kadesubanea. Eriraga e Kazala Dali nʼetuuka e Yazimoni,

⁵awo wʼeriwetera nʼegenda ku mugga Wadi ogwʼe Misiri nʼekoma ku Nnyanja Ennene.

⁶“‘Ku ludda olwʼebugwanjuba, olubalama lwʼEnnyanja Ennene lwe lulibeera ensalo yammwe. Eyo yʼeriba ensalo yammwe eyʼebugwanjuba.

⁷“ ‘Ku ludda olwʼobukiikakkono, ensalo yammwe egenda kuva ku Nnyanja Ennene erage ku Lusozi Koola;

⁸eve e Koola erage wʼoyingirira Kamasi. Ensalo olwo eriraga e Zedada,

⁹ne yeeyongerayo okutuuka e Zifuloni, nʼekoma mu Kazale Naani. Eyo yʼeriba ensalo yammwe eyʼoku bukiikakkono.

¹⁰“ ‘Ensalo yammwe eyʼebuvanjuba erigoberera olunyiriri oluva e Kazale Naani okutuuka e Sefamu.

¹¹Ensalo nʼeserengeta okuva e Sefamu okutuuka e Libula ku ludda olwʼebuvanjuba bwa Yaini, nʼebalama amabbali gʼensozi ku ludda olwʼebuvanjuba bwʼEnnyanja yʼe Kinneresi, yʼeyʼe Ggaliraaya.

¹²Olwo ensalo nʼegendera ku mugga Yoludaani nʼekoma ku Nnyanja eyʼOmunnyo.

¹²“ ‘Eyo yʼeribeera ensi yammwe, nʼezo nga ze nsalo zaayo ku buli luuyi.’ ”

¹³Awo Musa nʼalagira abaana ba Isirayiri nti, “Ensi eyo muligibawa okubeera obutaka bwabwe obwʼenkalakkalira nga mukuba akalulu. Mukama alagidde ensi eyo egabanibwe ebika omwenda nʼekitundu,

¹⁴kubanga abʼempya zʼekika kya Gaadi nʼekya Lewubeeni, nʼabʼempya zʼekitundu kyʼekika kya Manase, baamala okugabana obutaka bwabwe.

¹⁵Ebika ebyo ebibiri nʼekitundu byamala okugabana obutaka bwabyo ku ludda olwʼebuvanjuba olwʼOmugga Yoludaani ogwa Yeriko okutunuulira enjuba gyʼeva.”

¹⁶Mukama Katonda nʼagamba Musa nti,

¹⁷“Gano ge mannya gʼabasajja abalibagabanyizaamu ensi eyo okubeera obutaka bwammwe: Eriyazaali kabona ne Yoswa mutabani wa Nuuni.

¹⁸Era ojja kulonda mu buli kika omukulembeze omu okuyamba mu kugabana ensi.

¹⁹Gano ge mannya gaabwe: ngʼava mu kika kya Yuda.

¹⁹Kalebu mutabani wa Yefune

²⁰Semweri mutabani wa Ammikudi

²⁰ngʼava mu kika kya Simyoni.

²¹Eridaadi mutabani wa Kisuloni

²¹ngʼava mu kika kya Benyamini.

²²Buki mutabani wa Yoguli

²²ngʼava mu kika kya Ddaani.

²³Kanieri mutabani wa Efodi

²³ngʼava mu kika kya Manase mutabani wa Yusufu.

²⁴Kemueri mutabani wa Sifutani

²⁴ngʼava mu kika kya Efulayimu mutabani wa Yusufu.

²⁵Erizafani mutabani wa Palunaki

²⁵nga ye mukulembeze okuva mu kika kya Zebbulooni.

²⁶Palutieri mutabani wa Azani

²⁶nga ye mukulembeze okuva mu kika kya Isakaali,

²⁷ne Akikuda mutabani wa Seromi

²⁷nga ye mukulembeze okuva mu kika kya Aseri,

²⁸ne Pedakeri mutabani wa Ammikudi

²⁸nga ye mukulembeze okuva mu kika kya Nafutaali.”

²⁹Abo be basajja Mukama be yalagira okugabanyaamu ensi ya Kanani okubeera obutaka bwʼabaana ba Isirayiri.