Olubereberye 46:1-34 LGCB2014 - Bible AI

¹Awo Isirayiri nʼaddira byonna bye yalina, nʼatandika olugendo; bwe yatuuka e Beriseba nʼawaayo ssaddaaka eri Katonda wa kitaawe Isaaka.

²Katonda nʼayogera ne Isirayiri mu kwolesebwa ekiro, nʼamuyita nti, “Yakobo, Yakobo?” Nʼamuddamu nti, “Nze nzuuno.”

³Katonda nʼamugamba nti, “Nze Katonda, Katonda wa kitaawo; totya kuserengeta Misiri, kubanga ndi kufuulirayo eyo eggwanga eddene.

⁴Nzija kuserengeta naawe e Misiri, era ndi kuggyayo; era olifiira mu mikono gya Yusufu.”

⁵Awo Yakobo nʼava e Beriseba, batabani be ne bamutwalira wamu nʼabaana baabwe abato, ne bakazi baabwe ne babassa mu magaali Falaawo ge yaweereza okumutwala.

⁶Era ne batwala ebisibo nʼebintu byabwe bye baafunira mu nsi ya Kanani ne batuuka e Misiri, Yakobo wamu nʼezzadde lye.

⁷Batabani be ne bazzukulu be, bawala be nʼabaana ba bawala be; ezzadde lye lyonna nʼalireeta mu Misiri wamu naye.

⁸Gano ge mannya ga bazzukulu ba Isirayiri abaagenda e Misiri ne Yakobo: Lewubeeni mutabani wa Yakobo omubereberye,

⁹ne batabani ba Lewubeeni:

⁹Kanoki, ne Palu, ne Kezulooni ne Kalumi.

¹⁰Ne batabani ba Simyoni:

¹⁰Yamweri, ne Yamini, ne Okadi, ne Yakini, ne Zokali ne Sawuli omwana wʼomukazi Omukanani.

¹¹Ne batabani ba Leevi:

¹¹Gerusoni, ne Kokasi ne Merali.

¹²Nʼaba Yuda: Batabani ba Pereezi baali: Kezulooni ne Kamuli.

¹²Eri, ne Onani, ne Seera, ne Pereezi ne Zeera; naye bo Eri ne Onani baafiira mu nsi ya Kanani.

¹³ⓨ ⓩ Bo aba Isakaali baali:

¹³Tola, ne Puva, ne Yobu ne Simuloni.

¹⁴Batabani ba Zebbulooni baali

¹⁴Seredi, ne Eroni ne Yaleeri.

¹⁵Abo be batabani ba Leeya be yazaalira Yakobo nga bali mu Padanalaamu, omuwala ye yali Dina. Abaana bonna aboobulenzi nʼaboobuwala baali amakumi asatu mu basatu.

¹⁶ⓐ Batabani ba Gaadi baali Zifiyooni, ne Kagi, ne Suni, ne Ezeboni, ne Eri, ne Alodi ne Aleri.

¹⁷Bo batabani ba Aseri be bano: awamu ne Seera mwannyinaabwe. Bo Batabani ba Beriya baali Keba ne Malukiyeeri.

¹⁷Imuna, ne Isuva, ne Isuvi, ne Beriya

¹⁸Bano be batabani ba Zirupa, Labbaani gwe yawa Leeya muwala we, be yazaalira Yakobo; abantu kkumi na mukaaga.

¹⁹Batabani ba Laakeeri, mukazi wa Yakobo be bano Yusufu ne Benyamini.

²⁰Aba Yusufu ngʼali e Misiri baali Manase ne Efulayimu, Asenaasi muwala wa Potiferi kabona wa Oni be yamuzaalira.

²⁰

²¹Ne batabani ba Benyamini be ba:

²¹Bera, ne Bekeri, ne Asuberi, ne Gera, ne Naamani, ne Eki, ne Losi, ne Mupimu, ne Kupimu ne Aludi.

²²Abantu abasibuka mu Laakeeri mukazi wa Yakobo baali kkumi na bana.

²³Mutabani wa Ddaani ye Kusimu.

²⁴Bo aba Nafutaali be ba:

²⁴Yazeeri, ne Guni, ne Yezeri, ne Siremu.

²⁵Bano be baava mu Biira mukazi wa Yakobo, Labbaani gwe yawa Laakeeri muwala we; bonna be bantu musanvu.

²⁶Abantu bonna aba Yakobo abajja mu Misiri, abʼenda ye nga totaddeeko baka baana be, baali abantu nkaaga mu mukaaga.

²⁷ⓑ Batabani ba Yusufu abaamuzaalirwa ngʼali mu Misiri baali babiri. Abantu bonna abʼennyumba ya Yakobo abajja e Misiri baali nsanvu[37].

²⁸Yakobo nʼatuma Yuda eri Yusufu ajje amusisinkane mu Goseni, ne batuuka e Goseni.

²⁹Awo Yusufu nʼateekateeka eggaali lye nʼagenda okusisinkana Isirayiri kitaawe e Goseni, nʼamweraga, nʼamugwa mu kifuba nʼakaabira mu kifuba kye okumala akabanga.

³⁰Isirayiri nʼagamba Yusufu nti, “Kale kaakano ka nfe, kubanga ndabye amaaso go ne ntegeera nti okyali mulamu.”

³¹Yusufu nʼagamba baganda be nʼabʼennyumba ya kitaawe nti, “Nzija kugenda eri Falaawo mugambe nti, ‘Baganda bange nʼennyumba ya kitange abaali mu nsi ya Kanani bazze gye ndi.

³²Kyokka balunzi; balunda ente era baleese amagana gaabwe nʼebisibo byabwe ne byonna bye balina.’

³³Kale Falaawo bwʼabayita nʼababuuza nti, ‘Mukola mulimu ki?’

³⁴Mumuddemu nti, ‘Abaweereza bo kasookedde tuzaalibwa tuli balunzi, ffe ne bajjajjaffe.’ Mulyoke mubeere mu nsi ya Goseni, kubanga abalunzi baamuzizo eri Abamisiri.”