Olubereberye 48:1-22 LGCB2014 - Bible AI

¹Oluvannyuma Yusufu nʼategeezebwa nti, “Laba, kitaawo mulwadde.” Bwʼatyo nʼatwala batabani be Manase ne Efulayimu;

²Yakobo nʼategeezebwa nti, “Mutabani wo azze okukulaba.”

²Awo Yakobo ne yeekakaba ku kitanda kye nʼatuula.

³Nʼagamba Yusufu nti, “Katonda Ayinzabyonna yandabikira e Luzi mu nsi ya Kanani nʼampa omukisa.

⁴Nʼaŋŋamba nti, ‘Laba, ndikwaza nʼosukkirira ne nkufuula abantu abangi, era ensi eno ndigiwa ezzadde lyo okuba obutaka bwabwe ennaku zonna.’

⁵“Kale kaakano batabani bo bombi abaakuzaalirwa mu Misiri nga sinnajja, bange; Efulayimu ne Manase baliba bange nga Lewubeeni ne Simyoni bwe bali.

⁶Nʼabo abaakuzaalirwa oluvannyuma lwabwe baliba babo, banaayitibwa amannya ga baganda baabwe mu mugabo gwabwe.

⁷Kubanga bwe najja ngʼava e Paddani, ne ndaba ennaku Laakeeri nʼanfiirako mu kkubo mu nsi ya Kanani, nga nkyagenda Efulasi; ne mmuziika eyo mu kkubo erigenda Efulasi, ye Besirekemu.”

⁸Isirayiri bwe yalaba batabani ba Yusufu nʼabuuza nti, “Bano be baani?”

⁹Yusufu nʼaddamu kitaawe nti, “Be batabani bange, Katonda bʼampeeredde wano.” Nʼamugamba nti, “Nkusaba obansembereze mbasabire omukisa.”

¹⁰Mu kiseera kino amaaso ga Isirayiri gaali gayimbadde olwʼobukadde, nga takyasobola kulaba. Awo Yusufu nʼabamusembereza, Yakobo nʼabagwa mu kifuba nʼabanywegera.

¹¹Isirayiri nʼagamba Yusufu nti, “Saasuubira kulaba maaso go; era laba Katonda ansobozesezza okulaba nʼabaana bo.”

¹²Awo Yusufu nʼabaggya ku maviivi ge nʼavuunama wansi.

¹³Yusufu nʼabatwala bombi, Efulayimu ngʼali mu mukono gwe ogwa ddyo, okwolekera ogwa Isirayiri ogwa kkono, ne Manase ngʼali mu mukono gwe ogwa kkono okwolekera ogwa Isirayiri ogwa ddyo, nʼabamusembereza.

¹⁴Isirayiri nʼagolola omukono gwe ogwa ddyo nʼaguteeka ku mutwe gwa Efulayimu eyali omuto, nʼomukono gwe ogwa kkono nʼaguteeka ku mutwe gwa Manase, nʼayisiŋŋanya emikono gye, kubanga Manase ye yasooka okuzaalibwa.

¹⁵Nʼawa Yusufu omukisa, nʼagamba nti, “Katonda wa jjajjange Ibulayimu ne kitange Isaaka gwe baatambulira mu maaso ge, Katonda oyo ankulembedde obulamu bwange bwonna okutuusa leero,

¹⁶Malayika oyo eyannunula okuva mu bizibu byonna, owe omukisa abalenzi bano. Erinnya lyange lyeyongerenga okutuumibwa mu bo era nʼerya Ibulayimu nʼerya Isaaka. Era bafuuke ekibiina ekinene mu maaso gʼensi.”

¹⁷Yusufu bwe yalaba nga kitaawe atadde omukono gwe ogwa ddyo ku Efulayimu nʼatakyagala, nʼakwata omukono gwa kitaawe okuguggya ku mutwe gwa Efulayimu aguzze ku mutwe gwa Manase.

¹⁸Nʼagamba kitaawe nti, “Kireme kuba kityo, kitange, kubanga ono ye mubereberye, teeka omukono ogwa ddyo ku mutwe gwe.”

¹⁹Naye kitaawe nʼagaana nʼagamba nti, “Mmanyi, mwana wange, mmanyi nti alifuuka eggwanga era aliba mukulu; kyokka muto we aliba mukulu okumusinga era alivaamu amawanga mangi.”

²⁰ⓒ Awo nʼabasabira omukisa ku lunaku olwo ngʼagamba nti, Bwʼatyo nʼateeka Efulayimu mu maaso ga Manase.

²⁰“Abaana ba Isirayiri basabiragane omukisa nga bagamba nti, ‘Katonda akuyise nga Efulayimu ne Manase.’ ”

²¹Ate Isirayiri nʼagamba Yusufu nti, “Laba, nnaatera okufa, kyokka Katonda alibeera naawe era alikuzzaayo mu nsi ya bajjajjaabo.

²²Wabula ggwe nkuwadde kinene okusinga baganda bo, nkuwadde ekitundu kimu ekikkirira olusozi, kye naggya ku Bamoli nʼekitala kyange nʼomutego gwange.”