Olubereberye 5:1-32 LGCB2014 - Bible AI

¹Luno lwe lulyo lwa Adamu. Katonda bwe yatonda omuntu, yamukola mu kifaananyi kya Katonda.

²Yabatonda omusajja nʼomukazi, nʼabawa omukisa nʼabatuuma, “abantu.”

³Adamu bwe yaweza emyaka kikumi mu asatu, nʼazaala omwana owoobulenzi amufaanana, mu kifaananyi kye, nʼamutuuma Seezi.

⁴Seezi bwe yamala okuzaalibwa, Adamu nʼamala emyaka lunaana, nʼazaaliramu abaana aboobulenzi nʼaboobuwala.

⁵Emyaka gyonna Adamu gye yamala gyali lwenda mu asatu, nʼafa.

⁶Seezi bwe yaweza emyaka kikumi mu etaano nʼazaala Enosi.

⁷Seezi bwe yamala okuzaala Enosi nʼawangaala emyaka emirala lunaana mu musanvu nʼazaaliramu abaana aboobulenzi nʼaboobuwala.

⁸Bwe gityo emyaka gyonna egya Seezi ne giba lwenda mu kkumi nʼebiri nʼalyoka afa.

⁹Enosi bwe yaweza emyaka kyenda nʼazaala Kenani.

¹⁰Enosi bwe yamala okuzaala Kenani nʼawangaala emyaka emirala lunaana mu kkumi nʼetaano, omwo nʼazaaliramu abaana aboobulenzi nʼaboobuwala.

¹¹Bwe gityo emyaka gyonna Enosi gye yamala ne giba lwenda mu etaano; nʼalyoka afa.

¹²Kenani bwe yaweza emyaka nsanvu nʼazaala Makalaleri.

¹³Kenani nʼawangaala emyaka emirala lunaana mu ana, nʼazaaliramu abaana aboobulenzi nʼaboobuwala.

¹⁴Emyaka gyonna Kenani gye yamala ne giba lwenda mu kkumi.

¹⁵Makalaleri bwe yaweza emyaka nkaaga mu etaano nʼazaala Yaredi.

¹⁶Bwe yamala okuzaala Yaredi nʼawangaala emyaka emirala lunaana mu asatu nʼazaaliramu abaana abalala aboobulenzi nʼaboobuwala.

¹⁷Ennaku zonna eza Makalaleri ne ziba emyaka lunaana mu kyenda mu etaano, nʼafa.

¹⁸Yaredi bwe yaweza emyaka kikumi mu nkaaga mu ebiri nʼazaala Enoka.

¹⁹Yaredi bwe yamala okuzaala Enoka nʼawangaala emyaka emirala lunaana, omwo nʼazaaliramu abaana abalala aboobulenzi nʼaboobuwala.

²⁰Bwe gityo emyaka gyonna Yaredi gye yamala ne giba lwenda mu nkaaga mu ebiri, nʼafa.

²¹Enoka bwe yaweza emyaka nkaaga mu etaano nʼazaala Mesuseera.

²²ⓜ Enoka nʼatambulira wamu ne Katonda, okumala emyaka ebikumi bisatu nga Mesuseera amaze okuzaalibwa, nʼazaala abaana abalala aboobulenzi nʼaboobuwala.

²³Bwe gityo emyaka gyonna egya Enoka ne giba ebikumi bisatu mu nkaaga mu etaano.

²⁴ⓝ Enoka yatambula ne Katonda, nʼataddamu kulabika, kubanga Katonda yamutwala.

²⁵Mesuseera bwe yali nga yaakamala emyaka kikumi mu kinaana mu musanvu nʼazaala Lameka.

²⁶Bwe yamala okuzaala Lameka nʼawangaala emyaka emirala lusanvu mu kinaana mu ebiri, nʼazaala abaana abalala aboobulenzi nʼaboobuwala.

²⁷Bwe gityo emyaka gyonna Mesuseera gye yamala ne giba lwenda mu nkaaga mu mwenda; nʼafa.

²⁸Lameka bwe yali nga wa myaka kikumi mu kinaana mu ebiri nʼazaala omwana owoobulenzi

²⁹nʼamutuuma Nuuwa, ngʼagamba nti, “Okuva mu ttaka Mukama lye yakolimira, ono yalituweezaweeza mu mulimu gwaffe, ne mu kutegana kwʼemikono gyaffe.”

³⁰Lameka nʼawangaala emyaka emirala bitaano mu kyenda mu etaano ngʼamaze okuzaala Nuuwa, mu gyo nʼazaaliramu abaana abalala aboobulenzi nʼaboobuwala.

³¹Bwe gityo emyaka gyonna Lameka gye yawangaala ne giba lusanvu mu nsanvu mu musanvu.

³²Nuuwa bwe yaweza emyaka ebikumi bitaano nʼazaala Seemu, ne Kaamu ne Yafeesi.