Yeremiya 45:1-5 LGCB2014 - Bible AI

¹ⓡ Kino kye kigambo nnabbi Yeremiya kye yagamba Baluki mutabani wa Neriya mu mwaka ogwokuna ogwʼobufuzi bwa Yekoyakimu mutabani wa Yosiya kabaka wa Yuda, nga Baluki amaze okuwandiika ku muzingo nti,

²“Bwʼati bwʼayogera Mukama, Katonda wa Isirayiri gyʼoli, ggwe Baluki nti,

³Wagamba nti, ‘Zinsanze. Mukama Katonda agasse ennaku ku bulumi bwange; mpweddemu endasi era zijjudde okusinda nʼobutawummula.’ ”

⁴Mukama yagamba nti, “Mugambe bwʼoti nti, ‘Bwʼati bwʼayogera Mukama Katonda nti Ndimenya bye nazimba, nkuule bye nasimba, mu ggwanga lyonna.

⁵Kale lwaki weenoonyeza ebintu ebirungi? Tobinoonya. Kubanga ndireeta akabi ku bantu bonna, bwʼayogera Mukama Katonda, naye buli gyʼolaga nnaakuyambanga osigale ngʼoli mulamu.’ ”