Yeremiya 47:1-7 LGCB2014 - Bible AI

¹ⓣ Kino kye kigambo kya Mukama Katonda ekyajjira nnabbi Yeremiya ekikwata ku Bafirisuuti nga Falaawo tannalumba Gaza nga kigamba nti,

²Bwʼati bwʼayogera Mukama Katonda nti, “Laba amazzi agatumbira mu bukiikakkono, galifuuka omugga ogwanjaala. Galyanjaala ku nsi ne mu bibuga byonna ebigirimu nʼababituulamu. Abantu balikaaba; bonna abali mu nsi baliwowoggana.

³Olwʼemisinde gyʼembalaasi ezidduka nʼokufuumuuka kwʼamagaali gʼomulabe era nʼokuwuuma kwa nnamuziga, bakitaabwe tebajja kukyuka kuyamba baana baabwe, emikono gyabwe gya kulebera.

⁴Kubanga olunaku lutuuse okuzikiriza Abafirisuuti bonna, nʼokusalako bonna abandisigaddewo abandiyambye Ttuulo ne Sidoni. Mukama wa kuzikiriza Abafirisuuti abaasigalawo ku mbalama zʼekizinga Kafutoli.

⁵Gaza alimwa omutwe gwe ngʼakungubaga. Asukulooni alisirisibwa. Ggwe eyasigala mu kiwonvu, olituusa ddi okwesalaasala?”

⁵

⁶“Ayi ggwe ekitala kya Mukama Katonda, okaaba, obudde bunaatuuka ddi owummule? Ddayo mu kiraato kyo sirika teweenyeenya.

⁷Naye kiyinza kitya okuwummula nga Mukama yʼakiragidde, ngʼakiragidde okulumba Asukulooni nʼolubalama lwʼennyanja?”