Yeremiya 48:1-47 LGCB2014 - Bible AI

¹Bwʼati bwʼayogera Mukama owʼEggye, Katonda wa Isirayiri nti, “Zikisanze Nebo, kubanga kijja kuzikirizibwa, Kiriyasayimu kiswale kiwambibwe, ekigo ekyʼamaanyi kijja kuswala kimenyebwe.

²Mowaabu taddeyo kutenderezebwa; mu Kesuboni abantu balitegeka okugwa kwe, nga boogera nti, ‘Mujje, tumalewo ensi eyo.’ Nammwe, mmwe Madumeni mulisirisibwa, nʼekitala kirikugoberera.

³Muwulirize emiranga egiva e Kolonayimu, okwonoonekerwa nʼokuzikirizibwa okunene.

⁴Mowaabu alimenyebwa; abawere ne bakaaba.

⁵Bakwata ekkubo erigenda e Lukisi, nga bwe bakungubaga ku luguudo olugenda e Kolonayimu, emiranga egyʼokuzikirizibwa giwulirwa.

⁶Mudduke! Muwonye obulamu bwammwe; mubeere ngʼebisaka mu ddungu.

⁷Kubanga mwesiga ebikolwa byammwe nʼobugagga bwammwe, nammwe mulitwalibwa ngʼabaddu, ne Kemosi alitwalibwa mu buwaŋŋanguse awamu ne bakabona be nʼabakungu be.

⁸Omuzikiriza alirumba buli kibuga, era tewali kibuga kiriwona. Ekiwonvu kiryonoonebwa nʼolusenyu luzikirizibwe kubanga Mukama ayogedde.

⁹Muwe Mowaabu ebiwaawaatiro abuuke agende kubanga alifuuka matongo, ebibuga bye birizikirizibwa, nga tewali abibeeramu.”

⁹

¹⁰“Akolimirwe oyo agayaalira omulimu gwa Mukama Katonda. Akolimirwe oyo aziyiza ekitala kye okuyiwa omusaayi.”

¹⁰

¹¹“Mowaabu abadde mirembe okuva mu buvubuka bwe, nga wayini gwe batasengezze, gwe bataggye mu kibya ekimu okumuyiwa mu kirala, tagenzeko mu buwaŋŋanguse. Kale awooma ngʼedda, nʼakawoowo ke tekakyukanga.

¹²Naye ennaku zijja,” bwʼayogera Mukama Katonda, “lwe ndituma basajja bange abaggya wayini mu bibya, era balimuyiwa ebweru; balittulula ensuwa ze baase nʼebibya bye.

¹³Awo Mowaabu alikwatibwa ensonyi olwa Kemosi, ngʼennyumba ya Isirayiri bwe yaswala bwe yeesiga Beseri.”

¹³

¹⁴“Oyinza otya okugamba nti, ‘Tuli balwanyi, abasajja abazira mu ntalo?’

¹⁵Mowaabu alizindibwa nʼebibuga bye ne bizikirizibwa; abavubuka be abato bagende battibwe,” bwʼayogera Kabaka, erinnya lye ye Mukama Katonda owʼEggye.

¹⁶“Okugwa kwa Mowaabu kusembedde; akabi katuuse.

¹⁷Mumubeesebeese mwenna abamwetoolodde, mwenna abamanyi ettutumu lye; mugambe nti, ‘NgʼOmuggo ogwʼamaanyi ogwʼobwakabaka gumenyese, ngʼoluga olwʼekitiibwa lumenyese!’ ”

¹⁷

¹⁸“Mukke muve mu kitiibwa kyammwe mutuule ku ttaka, mmwe abatuuze bʼOmuwala wʼe Diboni, kubanga oyo azikiriza Mowaabu alibajjira azikirize ebibuga byammwe ebya bbugwe.

¹⁹Muyimirire ku luguudo mulabe, mmwe ababeera mu Aloweri. Mubuuze omusajja adduka, nʼomukazi atoloka, mubabuuze nti, ‘Kiki ekiguddewo?’

²⁰Mowaabu aswadde kubanga amenyesemenyese. Mukaabe muleekaane! Mulangiririre mu Alunoni nti Mowaabu kizikiridde.

²¹Okusala omusango kutuuse mu nsi eyʼensenyi ku Koloni ne ku Yaza ne ku Mefaasi,

²²ne ku Diboni, ne ku Nebo ne ku Besudibulasayimu,

²³ne ku Kiriyasayimu ne ku Besugamuli ne ku Besumyoni;

²⁴ne ku Keriyoosi ne ku Bozula ne ku bibuga byonna ebyʼomu nsi ya Mowaabu ebiri ewala nʼebiri okumpi.

²⁵Ejjembe lya Mowaabu lisaliddwako, nʼomukono gwe gumenyese,”

²⁵bwʼayogera Mukama Katonda.

²⁶“Mumutamiize; kubanga ajeemedde Mukama. Ka Mowaabu yekulukuunyize mu bisesemye bye, era asekererwe.

²⁷Isirayiri tewagisekereranga? Baali bamukutte mu bubbi, olyoke onyeenye omutwe gwo ngʼomusekerera buli lwʼomwogerako?

²⁸Muve mu bibuga byammwe mubeere mu njazi, mmwe ababeera mu Mowaabu. Mubeere ngʼejjiba erikola ekisu kyalyo ku mumwa gwʼempuku.”

²⁸

²⁹“Tuwulidde amalala ga Mowaabu amalala ge agayitiridde nʼokwemanya, okwewulira kwe era nʼokweyisa kwe era nʼokwegulumiza kwe okwʼomutima.

³⁰Mmanyi obusungu bwe obutaliimu,” “okwenyumiriza kwe okutaliiko kye kugasa.

³⁰bwʼayogera Mukama Katonda,

³¹Noolwekyo nkaabirira Mowaabu, olwa Mowaabu yenna nkaaba, nkungubagira abasajja abʼe Kirukeresi.

³²Nkukaabira ggwe amaziga, nga Yazeri bwʼakaaba, ggwe omuzabbibu gwʼe Sibuna. Amatabi gammwe geegolola okutuuka ku nnyanja; gatuuka ku nnyanja yʼe Yazeri. Omuzikiriza agudde ku bibala byo ebyengedde era nʼemizabbibu.

³³Essanyu nʼokujaguza biggiddwa ku nnimiro ne ku bibanja bya Mowaabu. Nziyizza okukulukuta kwa wayini mu masogolero; tewali asogola ngʼaleekaana olwʼessanyu. Newaakubadde nga waliyo okuleekaana, okuleekaana okwo si kwa ssanyu.”

³³

³⁴“Amaloboozi gʼokukaaba kwabwe galinnye okuva e Kesuboni okutuuka ku Ereyale, nʼokutuuka ku Yakazi. Okuva e Zowaali okutuuka e Kolanayimu nʼe Egulasuserisiya, kubanga nʼamazzi gʼe Nimulimu gakalidde.

³⁵Ndiggyawo abo abawaayo ebiweebwayo mu bifo ebigulumivu e Mowaabu, ne bootereza nʼobubaane eri bakatonda baabwe,”

³⁵bwʼayogera Mukama Katonda.

³⁶“Noolwekyo omutima gwange gukaabira Mowaabu ngʼendere; gukaaba ngʼendere olwʼabasajja bʼe Kirukesi. Obugagga bwe baafuna buweddewo.

³⁷Buli mutwe mumwe na buli kirevu kisaliddwako; buli mukono gutemeddwako na buli kiwato kisibiddwamu ebibukutu.

³⁸Ku buli kasolya ka nnyumba e Mowaabu ne mu bifo awakuŋŋaanirwa, tewaliwo kintu kirala wabula okukungubaga, kubanga njasizzayasizza Mowaabu ngʼekibya ekitaliiko akyagala,”

³⁸bwʼayogera Mukama Katonda.

³⁹“Ngʼamenyeddwamenyeddwa! Nga bakaaba! Mowaabu ngʼakyusa omugongo gwe olwʼobuswavu! Mowaabu afuuse kya kusekererwa, ekyekango eri bonna abamwetoolodde.”

⁴⁰Bwʼati bwʼayogera Mukama Katonda nti,

⁴⁰“Laba! Empungu ekka, ngʼeyanjuluza ebiwaawaatiro byayo ku Mowaabu.

⁴¹Ebibuga birikwatibwa nʼebigo biwambibwe. Ku lunaku olwo emitima gyʼabalwanyi ba Mowaabu giribeera ngʼomutima gwʼomukazi alumwa okuzaala.

⁴²Mowaabu alizikirizibwa, kubanga yajeemera Mukama.

⁴³Entiisa nʼobunnya nʼomutego bibalindiridde, mmwe abantu ba Mowaabu,”

⁴³bwʼayogera Mukama Katonda.

⁴⁴“Buli alidduka entiisa aligwa mu bunnya, nʼoyo aliba avudde mu bunnya alikwatibwa omutego; kubanga ndireeta ku Mowaabu omwaka gwʼokubonaabona kwe,”

⁴⁴bwʼayogera Mukama Katonda.

⁴⁵“Mu kisiikirize kya Kesuboni, abadduka mwe bayimirira nga tebalina maanyi, kubanga omuliro guvudde mu Kesuboni, ennimi zʼomuliro wakati mu Sikoni, era gwʼokezza ebyenyi bya Mowaabu, nʼobuwanga bwʼabo abaleekaana nga beewaanawaana.

⁴⁶Zikusanze ggwe, Mowaabu. Abantu bʼe Kemosi bazikiridde, batabani bo batwaliddwa mu buwaŋŋanguse ne bawala bammwe mu busibe.”

⁴⁶

⁴⁷“Ndikomyawo nate obugagga bwa Mowaabu mu nnaku ezijja,” Omusango Mowaabu gwʼasaliddwa gukoma wano.

⁴⁷bwʼayogera Mukama Katonda.