1 ⓤ Ebikwata ku baana ba Amoni bye bino. “Isirayiri terina baana balenzi? Terina basika? Lwaki Malukamu atutte Gaadi? Lwaki abantu be batutte ebibuga byʼe Gaadi?
2 Naye ennaku zijja,” bwʼayogera Mukama Katonda, “lwe ndiraya eŋŋoma ezirangirira olutalo ku Labba ekyʼabawala ba Amoni. Kirifuuka ntuumu ya mafunfugu, nʼebyalo ebiriraanyeewo byokebwe omuliro. Isirayiri eryoke egobere ebweru abo abagigoba.”
3 “Kaaba, ggwe Kesuboni, kubanga Ayi kizikiridde! Mukaabe mmwe abatuuze bʼomu Labba! Mwesibe ebibukutu mukungubage. Mudduke mudde eno nʼeri mu bisenge byʼekibuga, kubanga Malukamu alitwalibwa mu busibe, awamu ne bakabona nʼabakungu.
4 Lwaki mwenyumiriza olwʼebiwonvu byammwe, ne mwenyumiriza olwʼebiwonvu ebigimu? Ggwe omuwala atali mwesigwa, weesiga obugagga bwo nʼogamba nti, ‘Ani alinnumba?’
5 Ndikuleetako entiisa, okuva mu abo bonna abakwetoolodde,” era tewali nʼomu alikuŋŋaanya abadduka.
5 bwʼayogera Mukama, Mukama Katonda owʼEggye.
6 “Naye oluvannyuma ndikomyawo nate omukisa gyʼabaana ba Amoni,”
6 bwʼayogera Mukama Katonda.
7 ⓥ Bwʼati bwʼayogera Mukama Katonda owʼEggye nti, “Tewakyali magezi mu Temani? Abeegendereza babuliddwa okutegeera? Amagezi gaabwe gaweddemu ensa?
8 Mukyuke mudduke mwekweke mu mpuku eziri ewala mmwe abatuuze bʼe Dedani, kubanga ndireeta ekikangabwa ku Esawu, mu kiseera bwe ndimubonerereza.
9 Abanozi bʼemizabbibu singa bazze gyʼoli, tebandikuleseeko mizabbibu mibale bubazi? Singa ababbi bazze ekiro, tebandibbye byonna bye beetaaga?
10 Naye ndyambula Esawu mwerule; ndizuula ebifo bye mwe yeekweka, aleme kwekweka. Abaana be, nʼabʼeŋŋanda ze nʼabʼomuliraano baakuzikirira, era wa kuggwaawo.
11 Bamulekwa mu mmwe mubaleke, ndibalabirira. Ne bannamwandu mu mmwe banneesige.”
12 Bwʼati bwʼayogera Mukama Katonda nti, “Obanga abo abatandinywedde ku kikompe bawaliriziddwa okukinywako, lwaki mmwe temubonerezebwa? Temuuleme kubonerezebwa, mulina okukinywa.
13 Neerayirira,” bwʼayogera Mukama Katonda nti, “Bozula alifuuka matongo era ekibuga ekijjudde entiisa, ekinyoomebwa era ekikolimire, era ebibuga bye byonna biriba matongo emirembe gyonna.”
14 Mpulidde obubaka okuva eri Mukama Katonda. Omubaka yatumibwa eri amawanga okugamba nti, “Mwekuŋŋaanye mukirumbe! Muyimuke mukole olutalo!”
15 “Kaakano ndibafuula aba wansi ennyo mu mawanga, abanyoomebwa mu bantu.
16 Entiisa gyʼoleeta nʼamalala gʼomutima gwo bikulimbye, mmwe ababeera mu bunnya bwʼamayinja, mmwe ababeera waggulu mu nsozi. Wadde nga muzimba ebisu byammwe okubeera waggulu nga ebyʼempungu, ndibawanulayo ne mbasuula wansi,”
16 bwʼayogera Mukama Katonda.
17 “Edomu kirifuuka kyerolerwa, abo bonna abayitawo balyewuunya batye olwʼebiwundu bye byonna.
18 Nga Sodomu ne Ggomola bwe byayonoonebwa, wamu nʼebibuga ebirala ebiriraanyeewo,” tewali musajja alikituulamu.
18 bwʼayogera Mukama Katonda,
19 “Ngʼempologoma eva mu bisaka byʼomu Yoludaani okugenda mu muddo omugimu, ndigoba Edomu mu nsi ye amangu nʼembiro. Ani oyo omulonde gwe nnaateekawo akole kino? Ani ali nga nze era ani ayinza okunsomooza? Era musumba wa ndiga ki ayinza okunjolekera?”
20 Noolwekyo, muwulire Mukama Katonda kyategese okuleeta ku Edomu, kyategekedde abo abatuula mu Temani. Endiga ento mu bisibo za kuwalulwa, alyonoonera ddala ebisibo byazo ku lwabwe.
21 Bwe baligwa ensi erikankana, emiranga gyabwe giriwulirwa mu Nnyanja Emyufu.
22 Laba, alibuuka mu bire ngʼempungu nʼatumbiira, nʼalyoka akka ngʼayanjululiza ebiwaawaatiro bye ku Bozula. Ku lunaku olwo emitima gyʼabalwanyi ba Edomu giribeewanika ngʼogwʼomukazi alumwa okuzaala.
23 ⓦ Ebikwata ku Damasiko: “Kamasi ne Alupaadi biweddemu amaanyi, kubanga biwulidde amawulire amabi. Bakeŋŋentereddwa, batabuddwa ngʼennyanja esiikuuse, tebasobola kutereera.
24 Ddamasiko ayongobedde, akyuse adduke era okutya kumukutte; obubalagaze nʼobuyinike bimunyweezezza, obulumi nga obwʼomukazi alumwa okuzaala.
25 Lwaki ekibuga ekimanyiddwa tebakidduse, ekibuga mwe nsanyukira?
26 Ddala abavubuka baakyo baligwa mu nguudo, nʼabalwanyi baakyo bonna ku olwo baakusirisibwa,”
26 bwʼayogera Mukama Katonda owʼEggye.
27 “Ndiyokya bbugwe wa Ddamasiko omuliro; gwakumalawo nʼembiri za Benukadaadi.”
28 Bino bye bikwata ku Kedali nʼobwakabaka bwa Kazoli, obwalumbibwa Nebukadduneeza kabaka wʼe Babulooni. “Golokoka, olumbe Kedali ozikirize abantu be bugwanjuba.
29 Weema zaabwe nʼebisibo byabwe bya kutwalibwa; enju zaabwe ziryetikkibwa nʼebintu byabwe byonna nʼeŋŋamira zaabwe. Abasajja balibakanga nga bawowoggana nti, ‘Akabi kavudde ku buli ludda!’
29
30 “Mudduke mwekukume mangu! Mubeere mu mpuku empanvu, mmwe abatuuze bʼomu Kazoli,” ategese okubalumba.
30 bwʼayogera Mukama Katonda.
31 “Golokoka olumbe eggwanga eriri mu ggandaalo, eriri mu kweyagala,” abantu baalyo babeera awo bokka.
31 bwʼayogera Mukama Katonda,
32 Eŋŋamira zaabwe zaakunyagibwa, nʼamagana gaabwe amanene gatwalibwe. Ndibasaasaanya eri empewo, abo abali mu bifo ebyʼewala, mbaleeteko akabi okuva ku buli ludda,” bwʼayogera Mukama Katonda.
33 “Kazoli alifuuka kifo kya bibe, ekifo ekyʼamatongo ekyʼemirembe nʼemirembe. Tewali alikibeeramu; tewali muntu alikituulamu.”
34 Kino kye kigambo kya Mukama Katonda ekyajjira nnabbi Yeremiya ekikwata ku Eramu, nga Zeddekiya kabaka wa Yuda kyajje alye obwakabaka.
35 Bwʼati bwʼayogera Mukama Katonda owʼEggye nti, “Laba, ndimenya omutego gwa Eramu, amaanyi gaabwe mwe gasinga okwesigibwa.
36 Era ndireeta ku Eramu empewo ennya, okuva mu bitundu ebina ebyʼeggulu; ndibasaasaanyiza eri empewo ezo ennya, era tewaliba nsi nʼemu abawaŋŋanguse ba Eramu gye bataliddukiramu.
37 Ndimenyeramenyera Eramu mu maaso gʼabalabe be, mu maaso gaabo abamunoonya okumutta; ndibatuusaako ekikangabwa, nʼobusungu bwange obungi ennyo,” okutuusa lwe ndibamalirawo ddala.
37 bwʼayogera Mukama Katonda.
38 Nditeeka entebe yange eyʼobwakabaka mu Eramu era nzikirize kabaka we nʼabakungu be,”
38 bwʼayogera Mukama Katonda.
39 “Wabula ekiseera kijja, lwe ndiddiramu Eramu,”
39 bwʼayogera Mukama Katonda.
© 2014 by Biblica, Inc.® All rights reserved worldwide.