4
5“Abafu kye balimu tekigumiikirizika, nʼabo abali wansi wʼamazzi ne bonna abagabeeramu.
6Amagombe gali bwereere mu maaso ga Katonda; nʼokuzikiriza tekulina kikubisse.
7Ayanjuluza eggulu eryʼobukiikakkono mu bbanga ejjereere, awanika ensi awatali kigiwanirira.
8Asiba amazzi mu bire bye; ate ebire tebyabika olwʼokuzitoowererwa.
9Abikka obwenyi bwʼomwezi, agwanjululizaako ebire bye.
10Ateekawo ekipimo ekiraga waggulu amazzi gʼennyanja we gayita, ngʼensalo eyawula ekitangaala nʼekizikiza.
11Empagi zʼeggulu zikankana, zeewuunya olwʼokunenya kwe.
12Afuukuula ennyanja nʼobuyinza bwe, nʼasalaasala Lakabu mu bitundutundu nʼamagezi ge.
13Yafuuwa omukka ogwatereeza eggulu, omukono gwe gwafumita omusota oguwulukuka.
14Naye nga bino katundu butundu ku bye yakola. Nga kye tumuwulirako katundu butundu ku ekyo kyʼali! Ani ayinza okutegeera okubwatuka kwʼobuyinza bwe?”