Yoswa 16:1-10 LGCB2014 - Bible AI

¹Nʼomugabo gwʼettaka lyʼabaana ba Yusufu ne guva ku Yoludaani awali Yeriko ku ludda olwʼebuvanjuba olwʼamazzi gʼe Yeriko, okutuuka mu ddungu, nʼerinnya okuva e Yeriko nʼeyita mu nsi eyʼensozi nʼetuuka e Beseri

²Nʼeyita e Beseri okutuuka e Eruzi nʼokuyita ku nsalo eyʼAbaluki mu Atalosi

³nʼokukka ku luuyi olwʼebugwanjuba ku nsalo eyʼAbayafuleti ku nsalo eyʼe Besukolooni ekyʼemmanga ku Gezeri nʼekoma ku nnyanja.

⁴Bwe batyo abaana ba Yusufu: Manase ne Efulayimu ne batwala omugabo gwabwe.

⁵Ettaka lyʼabaana ba Efulayimu ngʼenju zaabwe bwe zaali eno gye lyayitanga; ku luuyi olwʼebuvanjuba ku Atalosuaddali nʼokutuuka ku Besukolooni eyʼEkyengulu,

⁶ne yeeyongera ku nnyanja ne ku Mikumesasi mu bukiikakkono ne yeetooloola ku luuyi olwʼebuvanjuba ku Taanasi Siiro, nʼolwebuvanjuba olwʼe Yanoa,

⁷nʼekka ku Atalosi ne ku Naala nʼekwata ku Yeriko nʼetuuka ku Yoludaani.

⁸Nʼeva ku Tappua nʼeyita ku luuyi olwʼebugwanjuba nʼetuuka ku mugga Kana nʼekoma ku nnyanja. Bino bye bitundu ekika kyʼabaana ba Efulayimu bye baagabana ngʼenju zaabwe bwe zaali.

⁹Ku bino kwaliko ebibuga nʼebyalo byakwo byonna ebyaterekerwa abaana ba Efulayimu abaali mu kitundu kya Manase ebibuga byonna nʼebyalo byabwe.

¹⁰ⓥ Wabula tebaagoba Bakanani abaali mu Gezeri, baasigala wakati mu Efulayimu nʼokutuusa leero nga balimu ngʼabaddu nga bakola.