Yoswa 19:1-51 LGCB2014 - Bible AI

¹Nʼakalulu akookubiri kaagwa ku Simyoni, kye kika kyʼabaana ba Simyoni ngʼennyumba zaabwe bwe zaali nʼomugabo gwabwe bwe gwali mu makkati gʼomugabo gwʼekika kya Yuda.

²ⓧ Kyali kitwaliramu

²Beeruseba, oba Seba, ne Molada,

³ne Kazalusuali ne Bala, ne Ezemu,

⁴ne Erutoladi ne Besuli, ne Koluma,

⁵ne Zikulagi ne Besumalukabosi, ne Kazalususa

⁶ne Besulebaosi ne Salukeni ebibuga kkumi na bisatu nʼebyalo byabyo.

⁷Ayini ne Limmoni ne Eseri, ne Asani ebibuga bina nʼebyalo byabyo,

⁸nʼebyalo byonna ebyetoolodde ebibuga ebyo okutuuka ku Baalasubeeri, ye Laama ekiri mu bukiikaddyo.

⁸Ebyo bye bitundu abaana ba Simyoni bye baagabana ngʼennyumba zaabwe bwe zaali.

⁹Ettaka abaana ba Simyoni lye baagabana lyali wamu nʼeryʼabaana ba Yuda. Kubanga omugabo gwʼabaana ba Yuda gwabasukkirira obunene; abaana ba Simyoni kyebaava bagabana wakati mu bitundu byʼomugabo gwabwe.

¹⁰Akakulu akookusatu ne kagwa ku kika kya Zebbulooni, ngʼennyumba zaabwe bwe zaali. Era nʼomugabo gwabwe ne gutuukira ddala ku Salidi.

¹¹Ensalo yaabwe nʼeraga ku luuyi olwʼebugwanjuba nʼetuuka e Malala, nʼetuuka nʼe Dabbesesi; ngʼegendera ku kagga akali ku buvanjuba bwa Yokuneamu.

¹²Okuva ebuvanjuba wa Salidi ne yeeyongerayo enjuba gyʼeva ngʼegendera ku nsalo yʼe Kisulosutaboli, ne Daberasi, ne yeebalama Yafiya.

¹³Okuva eyo nʼedda ebuvanjuba e Gasukeferi, okudda e Esukazini; ne yeeyongerayo e Limmoni, nʼedda ku luuyi oluliko Nea.

¹⁴Ne yeebungulula mu bukiikakkono nʼetuuka ku Kannasoni nʼekoma mu Kiwonvu kya Ifutakeri;

¹⁵ne Kattasi, ne Nakalali, ne Simuloni, ne Idala, ne Besirekemu[14], ebibuga kkumi na bibiri, nʼebyalo byabyo.

¹⁶Ogwo gwe mugabo gwʼabaana ba Zebbulooni ngʼennyumba zaabwe bwe zaali, ebibuga ebyo nʼebyalo byabyo.

¹⁷Akalulu akookuna ne kagwa ku Isakaali, lye zadde lya Isakaali ngʼennyumba zaabwe bwe zaali:

¹⁸Omugabo gwabwe gwalimu

¹⁸Yezuleeri ne Kesulosi ne Sunemu,

¹⁹ne Kafalaimu ne Sioni ne Anakalasi,

²⁰ne Labbisi ne Kisioni ne Ebezi,

²¹ne Lemesi ne Engannimu ne Enkadda ne Besupazzezi,

²²ensalo nʼekwata ku Taboli ne Sakazuma ne Besusemesi nʼekoma ku mugga Yoludaani. Ebibuga byonna awamu byali kkumi na mukaaga nʼebyalo byabyo.

²³Ogwo gwe mugabo gwʼekika kyʼabaana ba Isakaali ngʼennyumba zaabwe bwe zaali, ebibuga nʼebyalo byabyo.

²⁴Nʼakalulu akookutaano ne kagwa ku kika kyʼabaana ba Aseri ngʼennyumba zaabwe bwe zaali.

²⁵Ekitundu kyabwe kyalimu

²⁵Kerukasi ne Kali ne Beteni ne Akusafu,

²⁶ne Alammereki ne Amadi ne Misali ne kituuka ku Kalumeeri ku luuyi olwʼebuvanjuba ne ku Sikolulibunasi,

²⁷ne kidda ebuvanjuba ne kyeyongerayo ku Besudagoni ne kituuka ku Zebbulooni ne ku kiwonvu Ifutakeri ku luuyi olwʼomu bukiikakkono okutuuka ku Besuemeki ne Neyeri ne kikoma ku Kabuli mu bukiikakkono.

²⁸ⓨ Ne kyeyongerayo ku Ebuloni ne Lekobu ne Kammoni ne Kana okutuuka ku Sidoni Ekinene.

²⁹Ensalo nʼedda ku Laama nʼekibuga ekiriko ekigo ekya Tuulo ne kyeyongerayo e Kosa nʼeryoka ekoma ku nnyanja mu nsi eriraanye Akuzibu,

³⁰ne Uma ne Afiki ne Lekobu byonna awamu ebibuga amakumi abiri nʼebyalo byabyo.

³¹Ogwo gwe gwali omugabo gwʼekika kyʼabaana ba Aseri ngʼennyumba zaabwe bwe zaali, ebibuga nʼebyalo byabyo.

³²Akalulu akoomukaaga ne kagwa ku Nafutaali, be baana ba Nafutaali ngʼennyumba zaabwe bwe zaali.

³³Nʼensalo yaabwe nʼeva ku mwera oguli mu Zaanannimu e Kerefu ne Adaminekebu ne Yabuneeri okutuuka ku Lakkumu nʼeryoka ekoma ku mugga Yoludaani.

³⁴Nʼewetera ku luuyi olwʼebugwanjuba nʼetuuka ku Azunnosutaboli ne yeeyongerayo ku Kukkoki, ne yeeyongerayo e Zebbulooni mu bukiikaddyo, nʼekwata ku Aseri mu bugwanjuba, ne ku Yuda ekiri ku Yoludaani ebuvanjuba.

³⁵Nʼebibuga ebiriko ebigo byali Ziddimu, ne Zeri, ne Kammasi, ne Lakkasi, ne Kinneresi,

³⁶ne Adama ne Laama ne Kazoli,

³⁷ne Kasedi ne Edirei, ne Enkazoli,

³⁸ne Ironi ne Migudaleri, ne Kolemu ne Besuanasi ne Besusemesi, ebibuga kkumi na mwenda nʼebyalo byabyo.

³⁹Ogwo gwe gwali omugabo gwʼekika kyʼabaana ba Nafutaali ngʼennyumba zaabwe bwe zaali, ebibuga nʼebyalo byabyo.

⁴⁰Akalulu akoomusanvu kaagwa ku kika kyʼabaana ba Ddaani ngʼennyumba zaabwe bwe zaali.

⁴¹Nʼekitundu kyʼomugabo gwabwe ne kitwaliramu

⁴¹Zola ne Esutaoli ne Irusemesi

⁴²ne Saalabbini ne Ayalooni ne Isula

⁴³ne Eroni ne Timuna ne Ekuloni

⁴⁴ne Eruteke ne Gibbesoni ne Baalasi

⁴⁵ne Yekudi ne Beneberaki ne Gasulimmoni

⁴⁶ne Meyalakoni ne Lakoni nʼensalo etunuulidde Yafo.

⁴⁷Naye abaana ba Ddaani baalina obuzibu okutwala omugabo gwabwe ne bagenda ne balumba Lesemu ne bakiwangula ne batta abantu baamu nʼekitala ne babeera omwo, ne bakituuma Ddaani lyʼerinnya lya jjajjaabwe.

⁴⁸Ogwo gwe mugabo gwʼabaana ba Ddaani ngʼennyumba zaabwe bwe zaali.

⁴⁹Nga bamaze okugabana ensi mu bitundu ebyʼenjawulo abaana ba Isirayiri ne bawa Yoswa mutabani wa Nuuni omugabo mu bo

⁵⁰ⓩ ngʼekiragiro kya Mukama bwe kyali, ne bamuwa ekibuga kye yasaba, Timunasusera mu nsi eyʼensozi eya Efulayimu. Omwo mwe yazimba ekibuga mwe yabeera.

⁵¹Bino bye bitundu Eriyazaali kabona ne Yoswa omwana wa Nuuni nʼabakulu bʼebika bya Isirayiri bye bagabana okuyita mu kalulu e Siiro nga beebuuza ku Mukama mu mulyango gwa Weema eyʼOkusisinkanirangamu. Bwe batyo bwe baamaliriza okugabanyaamu ensi.