Yoswa 21:1-45 LGCB2014 - Bible AI

¹Awo abakulira ennyumba mu kika kyʼAbaleevi ne bajja eri Eriyazaali kabona nʼeri Yoswa mutabani wa Nuuni nʼeri abakulu bʼennyumba zʼabaana ba Isirayiri

²e Siiro mu Kanani ne babagamba nti, “Mukama Katonda yalagira okuyita mu Musa nti Tuweebwe ebibuga ebyʼokubeeramu era nʼamalundiro gʼebisibo byaffe.”

³Kale, nga Mukama bwe yalagira, Abayisirayiri ne bawa Abaleevi ebibuga bino nʼamalundiro nga gwe mugabo gwabwe.

⁴Akalulu ne kagwa ku nda ezʼAbakokasi. Bwe batyo Abaleevi abaali bava mu Alooni kabona ne bafuna ebibuga kkumi na bisatu okuva mu bika bya Yuda, ne Simyoni ne Benyamini.

⁵Abakokasi abaali basigaddewo ne bafuna ebibuga kkumi okuva mu nnyumba, zʼebika bya Efulayimu, ne Ddaani nʼekitundu kyʼekika kya Manase.

⁶Nʼabaana ba Gerusoni ne baweebwa ebibuga kkumi na bisatu okuva mu nnyumba zino: eya Isakaali, nʼeya Aseri, nʼeya Nafutaali, nʼekitundu kyʼekika kya Manase mu Basani.

⁷Abaana ba Merali ne baweebwa ngʼennyumba zaabwe bwe zaali, ebibuga kkumi na bibiri nga biva mu bika bino: Lewubeeni, ne Gaadi, ne Zebbulooni.

⁸Abaana ba Isirayiri ne bawa Abaleevi ebibuga bino, nʼamalundiro gaabwe nga Mukama bwe yali alagidde okuyita mu Musa.

⁹Mu bika bya Yuda ne Simyoni mwavaamu ebibuga bino:

¹⁰bye byaweebwa abaana ba Alooni mu nnyumba zʼAbakokasi mu kika kyʼAbaleevi kubanga akalulu be kasooka okugwako.

¹¹Ne babawa Kiriasualuba (Aluba ye yali kitaawe wa Anaki) era ekimanyiddwa nga Kebbulooni mu nsi eyʼensozi eya Yuda nʼebyalo byakyo ebikyetoolodde.

¹²Naye ennimiro zaakyo nʼebibuga byakyo ne babiwa Kalebu omwana wa Yefune abitwale ngʼomugabo gwe.

¹³Abantu abaava mu Alooni eyali kabona ne baweebwa Kebbulooni, ebibuga ebyokwekwekamu abo ababa basse bantu bannaabwe, nʼamalundiro gaabyo ne Libuna nʼamalundiro gaakyo,

¹⁴ne Yattiri nʼamalundiro gaakyo ne Esutemoa nʼamalundiro gaakyo,

¹⁵ne Kaloni nʼamalundiro gaakyo ne Debiri nʼamalundiro gaakyo,

¹⁶ne Ayini nʼamalundiro gaakyo ne Yuda nʼamalundiro gaakyo ebibuga mwenda mu bika ebibiri.

¹⁷Ne mu kika kya Benyamini ne baweebwa Gibyoni, ne Geba

¹⁸ne Anasosi nʼamalundiro gaakyo, ne Alumoni nʼamalundiro gaakyo ne Alumoni nʼamalundiro gaakyo bye bibuga bina.

¹⁹Ebibuga byonna ebyʼabaana ba Alooni bakabona byali ebibuga kkumi na bisatu nʼamalundiro gaabyo.

²⁰Eri Abakokasi[15] abalala abaali bava mu nnyumba zʼAbakokasi ezʼAbaleevi ebibuga ebyabaweebwa byava mu kika kya Efulayimu.

²¹Nʼaweebwa Sekemu nʼamalundiro gaakyo mu nsi eyʼensozi eya Efulayimu ekibuga ekyʼokwekwekamu oyo asse, ne Gezeri nʼamalundiro gaakyo,

²²ne Kizuzaimu nʼamalundiro gaakyo ne Besukolooni nʼamalundiro gaakyo,

²³ne mu kika kya Ddaani, Eruteke nʼamalundiro gaakyo, Gibbesoni nʼamalundiro gaakyo,

²⁴Ayalooni nʼamalundiro gaakyo, ne Gasulimmoni nʼamalundiro gaakyo, bye bibuga bina.

²⁵Ne mu kitundu ekyʼekika kya Manase, Taanaki, nʼamalundiro gaakyo, ne Gasulimmoni nʼamalundiro gaakyo, bye bibuga bibiri.

²⁶Ebibuga byonna ebyʼennyumba zʼabaana ba Kokasi abalala byali kkumi nʼamalundiro gaabyo.

²⁷Nʼeri abaana ba Gerusoni ekimu ku kika kyʼAbaleevi, ekitundu ekyʼekika kya Manase, Golani mu Basani nʼamalundiro gaakyo, ekibuga ekyʼokwekwekangamu oyo asse nga tagenderedde, ne Beesutera nʼamalundiro gaakyo, ebibuga bibiri.

²⁸Ne mu kika kya Isakaali, Kisioni nʼamalundiro gaakyo, Daberasi nʼamalundiro gaakyo,

²⁹Yalamusi nʼamalundiro gaakyo, ne Engannimu nʼamalundiro gaakyo, bye bibuga bina,

³⁰ne mu kika kya Aseri, Misali nʼamalundiro gaakyo, Abudoni nʼamalundiro gaakyo,

³¹Kerukasi nʼamalundiro gaakyo, ne Lekobu nʼamalundiro gaakyo, bye bibuga bina.

³²Ne mu kika kya Nafutaali, Kadesi mu Ggaliraaya nʼamalundiro gaakyo, ebibuga ebyokwekwekamu, ne Kammasudoli nʼamalundiro gaakyo, ne Kalutani nʼamalundiro gaakyo, bye bibuga bisatu.

³³Ebibuga byonna ebyʼAbagerusoni ngʼennyumba zaabwe bwe zaali, byali ebibuga kkumi na bisatu nʼamalundiro gaabyo.

³⁴Abaleevi abaali basigaddewo abaana ba Merali ne baweebwa okuva mu kika kya Zebbulooni, Yokuneamu nʼamalundiro gaakyo, ne Kaluta nʼamalundiro gaakyo,

³⁵Dimuna nʼamalundiro gaakyo, Nakalali nʼamalundiro gaakyo, bye bibuga bina.

³⁶Ne mu kika kya Lewubeeni, Bezeri nʼamalundiro gaakyo, ne Yakazi nʼamalundiro gaakyo,

³⁷Kedemosi nʼamalundiro gaakyo, ne Mefaasi nʼamalundiro gaakyo bye bibuga bina.

³⁸Ne mu kika kya Gaadi, Lamosi mu Gireyaali nʼamalundiro gaakyo, ekibuga ekyokwekwekamu oyo asse, ne Makanayimu nʼamalundiro gaakyo.

³⁹Kesuboni nʼamalundiro gaakyo, Yazeri nʼamalundiro gaakyo awamu bye bibuga bina.

⁴⁰Ebyo byonna byali byʼabaana ba Merali be Baleevi, abaali basigalidde ngʼennyumba zaabwe bwe zaali, bye bibuga kkumi na bibiri byonna awamu.

⁴¹Ebibuga byonna ebyali ku ttaka eryʼabaana ba Isirayiri byali amakumi ana mu munaana awamu nʼebyalo byabyo ebibiriraanye.

⁴²Buli kimu ku bibuga bino kyalina ebyalo ebikyetoolodde; byonna ebibuga bwe byali.

⁴³Bwʼatyo Mukama nʼawa Isirayiri ettaka lyonna nga bwe yalayirira bajjajjaabwe, era bwe baamala okulifuna ne babeera omwo.

⁴⁴Mukama nʼabawa emirembe ne bawummula ku buli luuyi nga bwe yalayirira bajjajjaabwe, tewali mulabe waabwe nʼomu gwe bataawangula kubanga Mukama yali agabudde abalabe baabwe mu mukono gwabwe.

⁴⁵Buli kintu kyonna ekirungi Mukama kye yasuubiza ennyumba ya Isirayiri yakituukiriza. Byonna byatuukirira.