1Oluyimba nga balinnya amadaala. ⓙ Nnyimusa amaaso gange gyʼoli, Ayi ggwe atuula ku ntebe eyʼobwakabaka mu ggulu.
2ⓚ Amaaso gʼabaddu nga bwe gatunuulira omukono gwa mukama waabwe; nʼamaaso gʼomuweereza omukazi nga bwe gatunuulira omukono gwa mugole we[26], nʼamaaso gaffe bwe gatyo bwe gatunuulira Mukama Katonda waffe, okutuusa lwʼalitusaasira.
3Tusaasire, Ayi Mukama, tusaasire, kubanga tunyoomeddwa nnyo ddala.
4Emitima gyaffe gijjudde ennaku olwʼokuduulirwa abo abeeyagala, nʼokunyoomebwa abʼamalala.