Zabbuli 128:1-6 LGCB2014 - Bible AI

1Oluyimba nga balinnya amadaala ⓦ Balina omukisa abatya Katonda; era abatambulira mu makubo ge.

2ⓧ Olirya ebibala ebiriva mu kutegana kwo; oliweebwa emikisa era olifuna ebirungi.

3ⓨ Mu nnyumba yo, mukyala wo aliba ngʼomuzabbibu ogubala ennyo; abaana bo aboobulenzi baliba ngʼamatabi gʼemizeeyituuni nga beetoolodde emmeeza yo.

4Bwʼatyo bwʼaweebwa emikisa omuntu atya Katonda.

5ⓩ Mukama akuwenga omukisa ngʼasinziira mu Sayuuni, era olabe Yerusaalemi nga kijjudde ebirungi ennaku zonna ezʼobulamu bwo.

6ⓐ Owangaale olabe abaana bʼabaana bo!

6Emirembe gibeere mu Isirayiri.

© 2014 by Biblica, Inc.® All rights reserved worldwide.
v>